اشتااق ثمّ اشتاق واشتاق واشتـاق
-------يا ملهب(ن) شوقي بروعة شعورك
..
قلبي لهمسك يا اعذب احساس توّاق
-------الله.. لايحـرم خفوقـي حضـورك
..
أكتب لك آآحبّك على بيض الاوراق
-------من عقب يضْوِيها فـؤادي بنـورك
..
ياللي حروفك تنسكب وسط الاعماق
-------وأقرا المحبة في طلاسم سطـورك
..
ألمح بوجهك كلّ نظـرات عشّـاق
-------يفداك قلب(ن) راحته من سـرورك
..
روحي معك يا خافقي دوم باعنـاق
-------أتقبلّـك واشتـمّ ريحـة بخـورك
..
قلبي من البارح بعالمـك مافـاق
-------يهيم فيـك وكـل مابـي يـزورك
..
ليتك تشوف الحال واللي بالاعماق
-------ما صار فيها غير نسمة عطـورك
..
اكليل حُبّ.. اكليل لهفـات وأشـواق
-------الروعة احساسك وصادق شعـورك
هالصبح ياخذ من محيّاك الاشـراق
-------ماحلاه صبحي لارتوى من بحورك