ملتقى طلاب وطالبات جامعة الملك فيصل,جامعة الدمام - عرض مشاركة واحدة

N0000N · 2013- 4- 21

اقتباس:

المشاركة الأصلية كتبت بواسطة أم دانه 1

لا لا لالا لا تقول مااخذت اخضر ولا يابس
الشرط واضح من البدايه حتى لو جهلت فيه ولا عرفته الا الحين

طالما حتدرس وتاخذ فتره معينه تنتهي فترة الانسحاب باسترجاع المبلغ
خلاص ماللطالب اي حق يطالب بفلوسه اوووو يسلك طرق ملتويه

يا عالم هذي فيها حلاال وحرام حقوق مو مسألة جامعه وطالب واستفادت او لا

ترى فيها سؤال يوم دين ويعتبر دين عليها الين تسدده للجامعه لأن الشرط واضح واحنا كطلاب رضينا فيه

منتي بسيطة يالعالمية

يأم دانة
الله يزينك بعقلك ويحفظك لعين ترجيك
بدون مبالغة أو مجاملة
نتشرف بوجود مثل هاذي العقليات بيننا

أسمحوا لي بالمداخلة البسيطة هاذي
إذا نظرت للموضوع من جهة عاطفية
أشوف كلام أخوي الغالي أبو نايف صحيح
لأن أختنا دودي على قولته ما أخذت لا أخضر ولا يابس

وهذا صحيح

لكن العقل يقول كلام أم دانة
والدين يقول نفس الكلام

فيه إتفاقيات كثيرة نتعرض لها تقهر وتغبن الواحد
خاصة في بلدنا للأسف

لكن من الأساس هي إتفاق بين طرفين شروطه واضحه
وفيه عقود إتفاق في وقتنا الحالي تسمى عقود إذعان
وسميت بالإسم هذا لأنها عقود على سلعة ظرورية يخضع فيها أحد الطرفين لشروط الطرف الأخر دون أي مساومة لإحتكاره للسلعة أو تكون المنافسة فيها محدودة النظاق
مثل مهو صاير معنا في موضوع التعليم الجامعي عن بعد
وللأسف هذه العقود جائزة ولا تُنقض بنودها أمام الشرع إلا في حالات نادرة جداً

في الأخير
الله يعوضك خير أختنا دودي

وبالتوفيق