السلام عليكم ....
انا بالنسبة لي الانقلش مادة حلوه وما فيها اي اشكاليه لكن القواعد فيها بالنسبة لي مثل النحو بالعربي ما احبة كثير .. بس عموما مارح اردك وابشرح لك حاجة مرة بسيطة وسهله ومايبيلها اي مجهود وهي ادوات التعريف الي توضع قبل الكلمه اللي هي aوanوthe .
الاثنين الاوائل aوan يجون عندما نتكلم عن شي بشكل عام دون تحديد او تعيين مثل a book يعني كتاب مجرد كتاب مو محدد هو لمين او وين او اي شي يعني ممكن نقول نفس بالعربي نكرة .عموما a تجي مع الكلمات اللي تبدا بحروف ساكنه وan تجي مع الكلمات اللي تبداء بحروف علة .بس انتبهي اسماء الناس ما تحتاج الى هالادوات ولا تاخذها .
ثانيا the وهذي اداة نستخدمها لشي محدد يعني لما قلنا بالاول a book كان الكلام عام اي كتاب لكن اذا حطينا قبلها the وصارت the book هنا نقدر نقول ان الكلمه book صارت معرفة مو نكرة .
واذا كنا نتكلم عن شي لاول مرة نستخدم معاه aلكن لما يتكرر هذا الشي بالكلام نستخدم له the .وهالادوات ما تجي لما نتكلم عن شي عام مثلا هي تهوى قراءة الكتب she like reading books
وبس اتمنى من كل قلبي اني اكون افدتك ودعواتي لك بالتوفيق ..