عيني ماقد شافت كذا مخلوق ** كنـّـك على ذوقي تشكـّـلتي !!
قلتي لي أصبر بس أنا .. مطفوق ** عجـّـلت في شوفك وعجـّـلتي !!
أثر معك لي .. مرسل ومسبوق ** عزّ الله إنـّـك .. قلتي وطلتي !!
عين وشفاه وعاتقٍ منتوق ** وجسمٍ تغطينه ولا إحتلتي !!
الليل عن وجه القمر مفهوق ** والعود .. مالومك إلى ملتي !!
غصنٍ على ساقي وفيه عذوق ** وش الغريبة لو تمايلتي ؟!!
لكن قبل تمشين .. أنا .. مسروق !! ** من صدري قبل شويّ .. وش شلتي ؟!!
أتلى العهد به قابضْـه معلوق ** من ساعة أقبلتي وحوّلتي !!
ماريـّـته .. خالي .. وفيه فتوق ** ردّيه .. وآعدّك تجمـّـلتي !!
.
.