أول شيء خلّي ذهنك صافي ..
وامسكي أول مقرر واقرأي الموضوع تبع المحاضرة بفهم مثل المحاضرة العاشرة توريد : (( اللوجستك وتقييم وقياس المخزون))
الان فهمنا اللوجستك ايش هو من التعريف السابق لها واللي ذكره الدكتور في المحاضرات الاولى وقال انه تطور وماادري ايش لحد ماصار ادارة سلاسل المخزون طيب فهمنا هالكلمة ونجي عند كلمة ((تقييم)) ايش معناها؟ يعني اعطاء معيار معين أو درجه معينة لشيء ما أو وجة نظر طيب نجي عند ((مخزون)) ايش مخزون؟؟ اكيد مادة ومحتفظين فيها في مكان ما اسمه مستودع
خلاص كذا فهمنا العنوان وفهمنا المحاضرة تتكلم عن ايش . طبعا كل اللي ذكرته هذا يترجم في مخك خلال أجزاء من الثانية بس أنا فصلته حتى تفهمي كيف ترتبي أفكارك
وبعدين اقرأي اول فقرة أو أول موضوع من المحاضرة
يحكي عن مفهوم وظيفة المخزون :
مفهوم معروفة معناها ووظيفة مايحتاج مخزون قلناه
ونجي نفصل حبه حبه ونحاول نفسر كل كلمة ونربطها باللي موجود في المحاضرة لتفسيرها
يعني يقولك تعريف المخزون هو عبارة عن مخزون السلع والأصول الذي يتم ادامته لأغراض مختلفة
أكيد هو مخزون السلع والاصول لأننا ندرس ادارة أعمال طيب مخزون السلع فهمناه طب ليش قال الاصول؟
لأن الأصول لازم تكون موجودة عندنا حتى نستخدمها في الصناعة والإنتاج وإلا بنصنع اليوم ونرمي الأصل إذا خلصنا؟ لا طبعا لذلك يعتبر مخزون ولازم ادامته يعني الابقاء عليه والمحافظة عليه حتى ننتج
والسلع طبعا لازم ادامتها حتى اما نبيعها او نستخدمها كمدخلات في الصناعة حقتنا
لأنه بعدين فصل لك الأغراض المختلفة لبقاء المخزون وادامته وهي إما اعادة البيع اذا كانت سلع اشتريها من فلان وابيعها أو الاستخدام في العمليات التجارية أو قطع غيار للمعدات في المخزن اللي انتج بها أو تكون هي الأصول والمواد لبقاء العمليات التشغيلية مثل الزيوت والشحوم وكذا
آسفة طولت عليكي بس لحتى تفهمي طريقة المذاكرة بالفهم.