ملتقى طلاب وطالبات جامعة الملك فيصل,جامعة الدمام - عرض مشاركة واحدة - تبسيـط أساسيات التكاليف المحاسبيه .. مساعدهـ بسيطه مني..

jno0o0n · 2013- 4- 25

اقتباس:

المشاركة الأصلية كتبت بواسطة ابو راشد الشمال

سؤالي طريقة الوارد اولا صادر اولا ياليت تشرحه لى ولاخواني للفائدة جزاك الله خير

يعطيك العافيييه اخووي غرشوب

بعد اذنك حابه اشرح هالطريقه لانها الشي الوحيد اللي فاهمته للحين

اخوي ابو راشد هو من الاسم واضح المطلوب يقولك الوارد اولا صادر اولا

يعني اللي جا اول يطلع اول

تحسب من الايام الاولى بالسؤال

واذا قال الوارد اخيرا صادر اولا يعني اللي جا اخر واحد يطلع اول واحد
تحسب من الايام الاخيرة بالسؤال

طبعا السؤال يجي زي ماوضحة اخ غرشوب

انت تشوف المطلوب شنو الوارد اولا صادر اولا وكم الوحدات اللي تم صرفها 210

تروح تجمع من الوحدات الواردة عندك من الاول يعني مثلا تاخذ الوحدة حق اول يوم كلها 150
وتشوف اذا خلاص اكتمل عندك العدد والا لسى

اذا لسى تروح تاخذ من اليوم اللي بعدة اللي هي 100 بس حق اللي يكمل لك المطلوب ويوصل لك 210 يعني تاخذ 60 وحده من ال 100

هالحين اكتمل عندك عدد الوحدات 210 واخذته من الوارد اولا يعني الايام الاولى بالترتيب ليين يكمل العدد عندك

تروح عاد تضرب كل وحدة بسعرها وتجمع النواتج

150 × 12 = 1800

60 × 15 = 900

ونجمعهن سوا1800 + 900 = (( 2700 ))