|
رد: استفتاء بخصوص اعظم مشكلة تواجه الطالبات في جامعة الدمام
سلام عليكم بنات بصراحه الموضوع مره مهم واشكر شيخه على هالموضوع المهم
انا راح اتكلم عن مشاكلي عن نفسي يمكن هالمشاكل تعتبر صغيره بنظر غيري ولاكنها بنسبالي كبيره
اولا عندي مشكلة المعدل ليش لازم الطالبه تاخذ معدل فوق 2 عشان اتكمل مسيرتها التعليميه وتاخذ المكافاه طيب عادي حتى لو ماجابت معدل 2 يمكن هذي قدراتها وهذا عقلها وربي ماخلقنا كلنا سواسيه في الحفظ والمذاكره وهذي الاشياء
ثانيا حرام يقطعون المكافاه على وحده اذا جابت معدل اقل من 2 لان في بنات محتاجينها على الاقل يعطونها نص المبلغ او ربع المبلغ كل شهر وهذا شي اكيد ماراح يضرهم
ثالثا الانذارات وش الهدف منها وانا زي ماقلتلكم من قبل هذا الشي يتعلق بالطالبه وقدراتها
رابعا البخل في الدر جات ذلحين الطالبه اتسلم كل واجباتها اول باول وبحوثها اول باول بس اللهم قدراتها في الحفظ والمذاكره ماهي عاليه ليش ترسب في الماده عشان اختبار ليش مايكون في عدل على الاقل اتقدر ان هذي الطالبه طول السمستر حاضره ولا مره غابت الا لسبب ضروري وواجباتها وبحوثها ماشاءالله كامله باحسن اداء ليش مايناخذ بعين الاعتبار وتنجح الطالبه وربي ان في بنات اعرفهم حظورهم عدم وياخذون انذار وواجباتهم وبحوثهم ما اتسويها الا نهاية موعد التسليم ومع كل هذا ناجحه يعني في فرق في المذاكره وقدره العقل
خامسا كثره المتطلبات وكثره الحفظ ودسامة الماده وغير كذا نشتري كتاب ولانفهم منه شي لانه دش ومافي اشياء واضحه ليش ماينزلون اساله مهمه في البلاك بورد ويسوون مراجعه مهمه تتضمن اساله واشياء تفيد الطالبه وقت الاختبار
سادسا الغاء المحاضره بوقت مفاجئ يعني مثلا تكون الطالبه ماعندها الا ذي المحاضره واتداوم وبالاخير ملغيه حرام كذا خاصه ان البعض يكونون من الجبيل او غيرها
سابعا ضغط الاختبارات في اعمال السنه والاختبارات النهائيه ياليت يكون بين كل ماده وماده يومين او ثلاث خاصه ان بعض المواد لها كتابين فهذا يبغالها اكثر جهد ووقت للمذاكره خاصه مواد الدين العامه او التخصص او على الاقل يكون جزئية اختبار اعمال السنه ملغيه في النهائيه او مثلا اتكون موضوعيه كذا بيكون اسهل للمذاكره
وبس اتمنى للكليه دوام التغير والنجاح 
|