المشاركة الأصلية كتبت بواسطة خوخ وزهر

طالبات المدينة في اكاديمية الريان الصحية .. خلف سوق غزة مول

مافيها شي حلوة ونظيفة ومرتبة .. القاعات زي الفصول .. هي امكن 3 ادوار وامكن 4 .. مو متاكدة

لاني دايما اختبر في الدور الاول ( تشوفي اسمك وين موجود باي قاعة واي دور ) بحسب الحروف الابجدية

فيه بالدور الارضي قاعة كبيرة بس ما دخلتها

وتحت فيه كافتيريا ومصلى وحاجات حلوة ..

يعني حلوة والمشرفات كمان متعاونات وهاديات

بس فيه تشديد قوي على الجوالات والشنط .. يعني الشنط تتركيها برا القاعة والجوالات اول الايام كانوا يقولوا قفلوها او صمتوها .. وكنت اقفله واخليه بجيبي

بس اخر الايام حذرونا من دخول الجوال للقاعة حتى وهو مقفل .. يعني لازم تتركه برا القاعة

صراحة طنشتهم لاني ما اضمن اخلي جوالي برا .. لو عندهم صناديق امانة يبشرون من عيوني

غير كذا احس صعبة .. خلاص نقفله والسلام

استغرب من اللي يصورون ورقة الاسئلة .. كيف يمديكم

نسيت اقول نقطة على اللبس .. عادي تبغي تقعدي بعبايتك ولا تلبسي بكيفك
بس البناطيل والتنانير القصيرة ممنوعة ..

اغلب البنات لابسين زي الجامعة تنانير طويلة .. وبس

اتمنى اكون اشبعت فضول بنات المدينة اللي اول مرة يختبرون هالترم .. بالتوفيق