وين اروح اليوم / والحرمان .. / طالتني يدينه
مثل ماطال الظما .. زرعٍ سواقيه / اخلفنه !

قهوةٍ ساده .. بلا خلان / .. وجروحٍ مكينه
والشجر / تعزف به الريح .. وعصافيره نسنه

كان لي حلمٍ .. مع بنيه / بيدها ياسمينه ..
تاقف اشبه بالعبث/ تركض تراودها الأعنه

بنت اهلها عندهم وبدفتري / .. بنت اللذينه
كيف اجل تعطي الهوى فستانها وتقول غنه

سوّرت حزني / وصارت حارس لدمعي وعينه
وفتحت شباك لـ/ لشكوى وطارت منه / ونة

اذكر ان عيونها شاطي / .. ودمعتها سفينه
كل ماهبت هبوب فراق / جتني مستسنه !

قبلها / كن الدهر يسأل .. زمان الوصل وينه
بعدها / ماضل بالدنيا مع الخلان .. جنّه !