|
رد: عــبر عن مابـداخلـك بكلمـــــــــــة ودي ....
ودي أضمك وانفجر فيك .. وأصيح!!
في خاطري من جاير الوقت .. ضيقه
وقلبي غدا معطوب واطلاله اتطّيح
لا يغر عينك بسمتي مو حقيقه
بسمه وراها ألف مغزا وتصريح
ودي افجر عبرةٍ بي عميقه
فترة غيابك اشبعتني تجاريح
أكابر وبقصى ضلوعي حريقه
نارٍ لهبها لوح الجوف تلويح
تعال ياني لشوف وجهك شفيقه
كل العنا والهم لا شفتك يزيح
علمني كيف الحل كيف الطريقه؟
ودي أضمك وانفجر فيك .. وأصيح!!
|