والله لو اعرف طريقى مثلى للمذاكرة طبقتها على نفسي اولا
بقولكم قصة حياتي مع المذاكرة
اذاكر من بدايه السنة
اراجع واراجع واراجع
اطلع على اسئله الاختبارات
اتعب اتعب اتعب في المذاكرة
وفي النهاية
اطلع من الاختبار ابي درجة النجاح
الذاكرة وللاسف الشديد متطااااايرة
بالرغم من اني حاولت ادرب الذاكرة واطورها بكل الطرق
بدوووون جدوى
على فكرة
ذاكرتي انتهت بعد الثانوي
ليه ؟؟
الله اعلم
المهم
السمستر اللي طاف
كان عندي مادتين بيوم
ولاني مستحييييييل اقدر احفظ بالشكل المطلوب
ذاكرت مادة كالمعتاد
تعبت من قلب في مذاكرتها
والمادة الثانيه سحبت عليها
قرأتها قرااااءة مرتين
وانا في الطريق للاختبار
صفحت المحتوى وبس
وخلصت الاختبارات وطلعت النتائج
وهنا جاءت الطااااامة
المادة اللي تعبت فيها
كالعادة درجتها مثل خواتها من المواد
والمادة اللي سحبت عليها
جبت درجة حلوة فيها
ماأتجرأ حتى احلم فيها
هي صحيح مو الدرجة حقت الدوافير
لكنها مقارنه بباقي المواد
انجاااااز
ويوم قلت لصحباتي
قالوا لي
جربي السمستر هذا
اسحبي ع المواد ولا تذاكرين
بس ماقدرت اسويها ... خوافه
قلت يمكن ضربه حظ هالمادة
وتأكدت ان المذاكرة مو كل شي
طريقة المذاكرة هي الاهم
وانك تعرفي نفسك كيف تحفظي هو الاهم والاهم
وسلامتكم
( فضفضة طالبة واقعة تحت ضغط الاختبارات)
