ملتقى طلاب وطالبات جامعة الملك فيصل,جامعة الدمام - عرض مشاركة واحدة - ♥♥ ░مجـــلس المـــذآكرة لمـــآدة (التحـــرير العـــربي) ░♥♥

zoozi · 2013- 5- 5

اقتباس:

المشاركة الأصلية كتبت بواسطة mayamy

اخواني ف المحاضره العاشره عن المد اول الكلمه ووسطهاا واخرها ما فهمت شي ياريت اللي فاهم يشرح لي

المد له حالات مره في بدايه الكلمه ومره في وسط الكلمه

المد في اول الكلمه

له اربع حالات :
1/ اذا جاك في اول الكلمه همزه مفتوحه ووراها همزه ساكنه ,ندمج الهمزتين ببعض وتصير الف وحده ممدوده (آ) . مثل ,, أَأْكل -آكل.

2/اذا جات ألف المد بعد همزه مفتوحه مكتوبه على ألف (أًآ ) فإننا نقلب الهمزه المفتوحه مد مثل :/
الأَامر-الآمر

3/اذا جاك همزه عليها ضمه ووراها همزه عليها سكون فإننا نبدل الهمزه اللي عليها سكون (واو) مثل:/ أٌأْثر-أٌوْثر

4:/نقلب "ال" التعريف مده فوق ألف المد اذا كانت مسبوقه بهمزه استفهام مثل:/ أالله -آلله

نيجي الحين للـ

للمده في وسط الكلام

هذه لها حالتين

مره تقلب ومره لاتقلب (يعني تبقى على حالها )

متى تقلب؟؟

تقلب الهمزه مده في وسط الكلام في الحالات التاليه :
1/ اذا جات الهمزه مفتوحه والحرف اللي قبلها مفتوح (تقلب لمد) مثل :/ كَأَابه-كآبه

شوفي حرف الكاف عليه فتحه والهمزه عليها فتحه .

2/اذا جات الهمزه مفتوحه والحرف اللي قبلها عليه سكون مثل :/ مِرْأَاة-مِرْآة
شوفي حرف الراء عليه سكون والهمزه مفتوحه

3/اذا جات الهمزه المتطرفه يعني الهمزه اللي في الاخير لحالها جاء بعدها ألف اثنين فيها حالتين

مره في ناس كثير ما يقلبونها مده مثل :/يبدأ+ان -<تصير - يبدأان
وفي ناس يقلبونها مده مثل:/ يبدأ+ان -<تصير - يبدآن

4/اذا جاء بعد الهمزه ألف من اصل الكلمه في جمع المؤنث السالم مثل:/ (مكافأه) جمعها مكافآت

5/اذا جاء بعد الهمزه ألف في جمع تكسير مثل :/مأادب -مآدب

متى تبقى المده في وسط الكلام على حالها يعني لاتقلب

1/اذا كانت الف اللي تيجي بعد الهمزه ضمير لالف الاثنين في زمن الماضي او كانت الف مقصوره على شكل ياء غير منقوطه (ى) تبقى زي ماهي طبعا الهمزه مثل :/لجأا ,ظمأى
لكن اذا جات الف لتثنيه اسماء فقط فان الهمزه تقلب مده مثل مرفأ(هذا اسم)لما نيجي نثنيه يصير مرفآن

2/اذا جات الهمزه مرسومه على نبره او على السطر تبقى زي ماهي ..بشرط

..اذا تلاها الف مثل يكافئ +ان -تصير يكافئان مثل:/عباءة +ا تصير عباءات.

اتمنى افدتك وقدرت اوصلك اللي فهمته