|
رد: ♥♥ ░مجـــلس المـــذآكرة لمـــآدة (اللغة الإنجليزية العامة) ░♥♥
اقتباس:
المشاركة الأصلية كتبت بواسطة نقاءالروح
السلام عليكم
بنات احد يفهمني المقارنات
لاتحطون لي روابط لاني شفتها كمان مافهمت 
ابي احد يفهمني بالعربي يشرح لي
ربي يفرج علينا جميعا  |
المقارنات كمان سهله
عندك مقارنتين
اما تقارنين بين شيئين يعني مثلا سيارتي اسرع من سيارتك  .. او تقارنين بمجموعه مثلا سيارتي هي الاسرع في العالم كله <<يمكن نسوق  >>قارنت سيارتي بمجمعة سيارات العالم
المهم
نجي نشوف النوع الاول اللي تقارنين شيئين ببعض
نقول مثلا my car is faster than your car
اضفنا er + than ليش لاننا قارنّا بين شيئين واذا كان الشي المميز الحلو اول شي يعني في الجمله اللي فوق سيارتي هي الاسرع ماي كار فكذا نضيف than كأننا نقول اسرع من ..المن ذي هي than .. مو صدق معناها كذا بس انتي تخيلي انها كذا
في هنا ملاحظات ..اذا كانت الصفه يعني فاست هنا تتكون من مقطع واحد ..يعني صغيره وتنطق بسرعه ..هذي عادي تضيفين er وانتي مغمضه
بس اذا كانت اكثر من مقطعين يعني كلمه طويله ..مثلا زي ماشرح الدكتور modern ,,mo de rn هنا تحطين قبلها more وماتضيفين لا er ..بس ذان ايه
بس
نجي نشوف النوع الثاني
نقول سيارتي هي اسرع شي في العالم
my car is the fastest in the world
اضفنا est وكملنا عادي
اذا الصفه طويله زي اللي فوق مثلا مودرن ..نحط قبل الصفه موست most
عشان ماتخربطين الموست لمين والمور لمين ..الmost زي est فيها s
والmore زي er فيها r
بس هيك
وفي مقارنات شاذه موجوده في الملزمه تنحفظ وبس
اذا مافهمتي علميني خل اعيد 
|