المشاركة الأصلية كتبت بواسطة كوثر الشداد

شوفي عمرياا جودي

باعتبار اني جربت الثنتين راح اقولج التجربه كيف كانت

اول شي أ/ رنا عطتياا انجليزي عام كشرح توووووووب ميه ميه يعني جميل جداا والمهم اللي الكل يدور عليه مو طول الوقت تتكلم انجليزي يعني لو جات تشرح قطعه في البدايه انجليزي وبعدين ترجمها عربي وفي الكلمات بعد الدرس تقول كل كلمة ومعانها بالعربي

بالنسبه للاختبار وهو الاهم

تعتمد على اللي تكتبه في شرح القاعدات اللي على السبورة فحرصي انج تكتبين وياها كل شي تقوله لانه اهو اللي يجي في الاختبار

وطبعا هذا ما يعني انه ما يجي شي من الكتاب الا تجيب اشياء واجد من ظمنها الاسئلة اللي خلف القطعه

وكاختبار يصنف 6 من 10 يعني مو صعب ولا سهل سهل ممتنع

وبالنسبه أ/اماني الحين تعطينياا انجليزي علميه

هذي انسانه مريحه وتحب تريح غيرها يعني من الوحده كامله ما تشرح الا اللي راح يجي في الاختبار يعني تعطيج المختصر المفيد واسالتها جدا جدا جدا سهله وما تطلع من الكتاب وتتكلم قليل انجليزي واغلب كلامها عربي طبعا ما تحب البنات يزودونها يعني على الصراط المستقيم وشرحها مو صعب بسيط جدا مو مثل أ/ رنا تعتمد على الفهم

وطبعا الثنتين يطلعونج قبل المحاضره بثلث ساعه او توصل نص ساعه والثنتين عسل ما منهم سوء

وترى انجليزي علمي اشوفها اسهل من عام بواجد بسبب قلة القاعدات فيه ومعلوماته بسيطه

بس في الجامعه غير المنهج يعني يعطونهم محاضرتين ودسمه الماده راح تكون


وبس هذا اللي عندياا اتمنى ما طولت في الحجي

يلا بالتوفيق