المشاركة الأصلية كتبت بواسطة صعب أنساگ

مع إحترامي لكل اللي أيدوا كلام عدنان حمد وأثنوا علية ، هم أكبر مثال للعنصرية الممزوجة بالجهل ،، لأن الدافع لتأييدهم ذا هو كره الهلال سواءً كان من النصراوية أو غيرهم ،،

ولو فرضنا جزافاً إن الشي ذا صدر من فئة أو مجموعة من المشجعين ، هل هذا الشي يعطيه الحق إنة يتهم كل مشجعين الهلال ؟؟.
ولو عدنان حمد يعرف إن التصرف ذا صادر من حثالة فـ الأولى ب إنهم يكونو حثاله المشجعين الإماراتين ، ليش لما الجماهير هتفت بألفاظ خارجة عن إطار الأدب والإحترام ضد ياسر قال إنه هذي فئه والا تمثل كل المشجعين والإماراتين !!، ولما أعتدو لاعبين الوصل على النصر وضربوهم دافع عنهم وقال إنها تصرفات فرديه ،، " سياسة الكيل بمكيالين "،،

ما ألوم عدنان حمد لما يقول كلام مثل ذا ، طالما فيه مشجعين سعوديين قاعدين يصفقون له ويأيدونه ومبسوطين من كلامة ،، ، ع فكرة الهلال أو أي نادي سعودي لما يلعب مباراه خارجيه ف هو يمثل البلد وهو صورة وانعكاس له ، يعني يمثل كل سعودي ،، فيه ناس ما تقول ان ذا فريق الهلال ولكن فريق سعودي ،،،

لا زلنا جهلاء في تشجعينا واللي يحكمنا التعصب بدون أي فكر أو حتى روح رياضية ..!! ..

أنا هلالي وأكره شي إسمه النصر ( الشي ذا ع الصعيد والتنافس المحلي طبعاً ) ، ولكن ما انسا لما أعتدوا في الامارات على النصراويه قد أيش الشي ذا ضايقني ونرفزني لأني حسيت إنها إهانه في حق كل سعودي مو نصراوي ،، تدرون ليش ؟؟.
لا يمكن أنسا تصوير تسرب وقتها على اليوتيوب من داخل الملعب ، مشجعين يصيحون ويسبون ويشتمون يقولون " يا سعودي " يا ....... . >> أتوقع عارفين أيش الباقي ،،( ما قالوا يا نصرواي )..!!

إحترامي لكل العقول الراقية المتفتحه ،، وأسفي على كل العقول الضحلة ،،