2013- 5- 10
|
 |
أكـاديـمـي فـضـي
|
|
|
|
|
الوقت ضيق وماذاكرت الإحصاء ,خذ العلم
السلام عليكم
اللي ماذاكر الإحصاء ولا يدانيها ( مثل حالتي طبعا ) ,, فأخوكم الفقير إلى الله عنده طريقة لقاها بعد تفكير وتمحيص للهرجه
أول شي إذا عندك محاضرات أحذفها واذا عندك ملازم أرمها وإذا عندك مواضيع تشتتك دمرها 
ماراح أجيب العيد فيكم لكن انتم اسمعوا مني بعدين احكموا 
أول خطوه , خذ ورقة الاختبارات للأترام الماضية وهي معروفة للجميع , خلصنا النقطة الأولى
ثاني خطوة , أمسكها سؤال سؤال ( سؤال سؤال ) حط تحتها عشرين خط ,, خذ السؤال الأول مثلا ( يتكلم عن تعريف الربيع الأول ) << خلاص أفهم الربيع كيف جاء واحفظه , بعدها لو جاب لك إن شاء الله الربيع المليون راح تعرفها
أمسك ثاني سؤال , ( جايب لك عدة طلبات , زي الدائرة المركزية , المجموع التكراري وهكذا ) ,, أفهمها كيف جات ,, بعدها لو نط وحط جدول من المريخ , راح تحله لأنك عارف كيف تجيب المطلوب بالضبط , وعندك العدة جاهزه
وأمش على هالأسئلة سؤال سؤال ومخمخ عليها , وأترك من حفظ الملخصات أو فهمها والدوشة وعوار الراس
إذا سويت هالطريقة , راح على أقل تقدير ( تعدي ) بالمادة , بإذن الله
لاننا لو تفحصنا الأسئلة , تقريبا ثلثها تعااااريف ومفاااهيم , والبقية طلبات مسائل , يعني نقول التعاريف سهله الواحد يحفظها ,,, بالنسبة لأسئلة المسائل أفهم كيف انحلت ووبس ,, ( كلها ماتعدي 35 سؤال عن المسائل ) ,,
مااظن صعبه الواحد يصم هالخمسين سؤال ( حفظ ) و ( فهم ) ,, ولو غير الدكتور الأسئلة
ولو غيرت اللجنة الأسئلة ,, عندك أدواااات إجابة هالأسئلة
اللي ودي أوصله والزبده النهائية , لاااااتشتت نفسك , ركززز على الاسئلة وبإذن الله تعدي المادة وانت مبسوط
هذي طريقة شفت انها تنفع لي , وقلت اقولها لكم يمكن تنفع وتجوز لكم 
ومثلي مثلكم نحاول نعدي هالمادة على خير , والله يوفق الجميع
وسلامتكم واستروا ماواجهتوا 
|