ملتقى طلاب وطالبات جامعة الملك فيصل,جامعة الدمام - عرض مشاركة واحدة

omjehaad · 2013- 5- 11

أعزائي لو جاكم سؤال عن مخزون آخر المدة المخزون له قيد واحدة فقط مهما تغيرت الأرقام دائما يحمل بقيمة التكلفة فيجميع الحالات يكون القيد

من ح مخزون آخر المدة الى ح ملخص الدخل أحفظوها والرقم اللي تحطوه جنب القيد التكلفة

أما القيمة السوقية للمخزون اذا كانت أقل أو يساوي التكلفة ماعندك مشكلة ولا كأنه في حاجة حصلت
حالة وحدة بس حيكون لها تسوية لمن القيمة السوقية تكون أقل من التكلفة يعني في خسارة
الفرق اللي بين التكلفة والقيمة السوقية حيكون له واحد قيد فقط عمرو ماراح يتغير أحفظوه برضه

تحط الفرق من ح ملخص الدخل الى ح مخصص هبوط القيمة السوقية ومالها طريقة تانية اذا شفت مخصص هبوط القيمة في الطرف الأول المدين على طول أستبعدو الاجابة

أما في المركز المالي نحط التكلفة دايما في كل الحالات بس في حالة الخسارة نطرح من التكلفة الخسارة ونحط القيمة السوقية وركزو هنا احنا بنتكلم عن المخزووووون لأنه عبارة القيمة السوقية راح تتكرر معانا في موضوع الاستثمارات المالية وديك لها حسابات تانية
وفي كمان قيد عمره ماراح يتغير وهو
من ح استهلاك السيارة -طيارة ماعلينا اللي هو ر الى ح مجمع الاستهلاك مجمع الاستهلاك لو تنقزو ماراح يجي مدين أبدا فلمن يكون قيد تسوية وتشوف المجمع في الأول على طول ديليت للحل بدون اي تفكير

قيد الديون المعدومة دائما من ح الديون المعدومة الى ح المدينين

طبعا إحياء الدين يختلف إذا كان في نفس السنة رجعلك الدين نعكس القيد اللي فوق
من ح المدينين الى ح الديون المعدومة

إذا رجع في السنة اللي بعدها خلاص إحنا خلصنا السنة وأعتبرناه خسارة فراح نحسبه في السنة الجديدة ربح يعني ايراد والايراد راح ينضاف للصندوق لو جانا نقدي وراح ينضاف للبنك لو جانا بشيك ودايما ~أبدا حيكون إحياء الدين اللي أعدم في سنة سابقة
من ح البنك أو الصندوق الى ح الديون المعدومة المحصلة عمرو الديون المعدومة المحصلة ماراح تجي في المدينين الطرف الأول حتى لو رجعتو تاني تنقزو
المهم هادي أشياء أحفظوها كدا وان شاء الله دي كمان 5أو 6 درجات في جيبكم لو مو أكثر
وأضفتلكم الهمسات الأخيرة الأكثر من رائعة اللي عملها الأخ طموح الله يوفقه ويسعده