|
رد: تجمعنــــآ لمـــآدهـ " إدارة الآعمآل الدوليهـ" :)
صح كلامك تتشابه في الفكرة العامة ، لكن تختلف بنوع العقد و نوع العمل الي اتفقنا عليه
انواع العقود هي (وركزي التعاريف من الاسماء نفسها ...
عقد تسليم المفتاح : هذا يعني اتقاول معك تبنيلي فلة مثلا او مصنع بسعر محدد ، وما لي دخل الا لما تنتهين و تسلميلي المفتاح ، وكذا سموه عقد تسليم المفتاح !
العقد الاداري : انك اتفق معك انك تديرين عني المصنع مقابل أجر أو نصيب من الربح ، يعني انا أحط رجل على رجل و انتي تديرين عني المصنع ، على فكرة شركات اوروبا أغلبها كذا
الترخيص: انك ترخصيلي اني استخدم ماركتك و تقنيتك ، فأنتي قاعده بامريكا ، وانا امشي البزنس بأسمك نقابل أتاوه او فلوس ، مثل مكدونالدز و تشيليز و فدركرز ، كلها مرخصة وليس الشركة الأم ، الشركة الأم مو فاضية تفتح مطعم بالاحساء مثلا و تديرها ، وش دراها ، فترخص لاحد و تسوي فلوس وهي مرتاحة!
عقد التصنيع : اتفق معك انك تصنعي عني و باسمي مقابل فلوس ، يعني انا امريكي و العمال غاليين في امريكا ، لكن انتي بالصين و العمالة رخيصة ، فأقلك اصنعيلي هذي الملابس بدلا عني وبكذا انا ربحان
عقود التصدير : اننا نتفق ان انتي تقومين بتصدير البضاعة بدلا عني مقابل فلوس او أجر
|