التكمله//////////////////////
رامي:الو
عبير:ياهلااااااااااااااا
رامي:اهلين
عبير:شخبارك
رامي:زين مين معي
عبير:انا وحده مديت يدي عليك وبغيت اتأ سف منك ذكرتها
رامي بفرحه:مين لايكون عبير
عبير:ليه فيه احد ضربك غيري
رامي:لا ليش
عبير:من طريقه ردك
رامي يلمس خده:واحلى كف بعد يابخت خدي بس
عبير:اسمع انا مو من طبعي اكلم احد لاكن يوم ضربتك تحسفت
رامي:يابعد اهلي والله كلي فداك
عبير:ماعندك وقت ردك جاهز
رامي:لاني اسمع الصوت الزين منك اللحين انتي اخبارك بجد تحسين بتعب
عبير:أي تعب
رامي بحزن:ياليتني مت ولا يوم شفتيني اغمى عليك والله كرهت حالي انا
عبير :اقولك انا مو مريضه
رامي:ايه تعجبيني خليك صبوره ولا تفكرين بالمرض كله خليك متفائله
عبير متضايقه:انا والله مو مريضه بجد كان كان
رامي بأهتمام:وشو عسى خطاء طبي
عبير:لا انا قلت للدكتوره تلعب على اهلي
رامي عصب:وليش تختبرينا هاذا مرض اصحى
عبير:علشانهم بيزوجوني غصب
رامي:بتتزوجين
عبير:بكره ملكتي
رامي:خير الدنيا سايبه هي علشان يزوجونك غيري
عبير:هاه اتزوج مين اسمع انت ياواثق تراك تماديت معي انا كلمت علشان اتاسف منك لان مو من طبعي اجرح احد لكن انت تغزلت فيني اصحى يارامي تراي بنت عمك مو وحده من إلي تعرفهم
رامي بيرد لكن اغلقت الخط
حاول يدق لكن الجوال مقفل((معقول عبير تتفاؤل على نفسها لا بجد والله ماتستاهل دمعه علشانها ولا حتى مجرد تفكري للأسف طحتي من عيني ياغلى بنت عم لي حسافه والله ياحسافه تفكيري فيك لا المشكله حتى هي مي معبرتني
صباح يوم جديد
فوزيه:صباح الخير ياحلى عريس
عمران ببرود:ايه هلا هلا
زينب :وش فيك ابتسم ألليله ملكتك
عمران تصنع الابتسامه وابتسامته من ضمن المستحيلات
زينب:اوووووووووووووف يعني اليوم مانروح لكوفيرا
فوزيه:حنا وين وانتي وين البنت يبيلها مهر وغرفه نوم جديده ومطبخ خاص وبذات انها بنت غنيه
زينب:والله حرام
عمران:اقول انتي ياكثر شكاويك
زينب: اه تذكرت شي بقولك من يومين
عمران:وشو
زينب:انت كيف عرفت العروسه
عمران:أخت صديقي
زينب:لاااااااا انا قصدي عمرك شفتها
عمران بعصبيه :انتي اللحين وش قصدك
زينب خافت:لا لا مو قصدي شئ
الساعه8 ليلا
((((((((المــــــــلــــــــــكــــــــــه)))))))) ))))
عبير مكيجوها افخم كوفيرا بالرياض وطالعه قمه
عبير متضايقه:اوف والله ملل بجد أول مره ماحب المكياج ولا البس
ام عبير:استحي بس فيه وحده تتافف يوم ملكتها
عبير:يمه وش رايك اغسل المكياج
ام عبير:وووووجع والله لو تسوين شئ مو حلو اني لأنادي اخوك حسام يكسر راسك
عبير:والله لو يلمس أي شئ فيني لاسوي قضيه اكبر من قضية فلسطين
عادل وهو داخل للغرفه:يعني وش بتسوين
عبير:بكل بساطه انحاش من البيت
حسام دخل:الف الف مبروك لاحلى أخت فالدنيا
عبير:ايه لاني بتزوج إلي مايتسماش على قولة المصاريه
حسام:اسمه عمران
عبير:عماره تطيح فوق رأسه انشالله
حسام:اسكتي لاكسر راسك تراه صديقي
عبير:وتراه بيصير زوجي يعني بصير اقرب مني لك
حسام عادل امهم:هههههههههههههههههههههههههههههه
عبير:الظاهر مافيه شئ يضحك
عادل:مو معقول الكل يضحك إلا عبير
عبير:اخذتوا حتى الضحكه مني
حسام:وليش
عبير:يارب عساك تتزوج وحده انت ماتبيها وانا إلي اجبرك تتزوجها حتى تعرف المعاناه إلي انا فيها
يضرب الجرس
عبير:يمه ياويلي ياويلي جاء اكيد
حسام:اعصابك اللحين إلي كلمني يسال عن بيتي يعني مو هو
نزلوا كلهم إلا العروس بقى لها لبس الجزم والساعه واغراض بسيطه
جو أهل عمها عيسى ورامي جاء وكان وجه حززززززززززززززين بالمره وعيونه حمر لأنه مانام من القهر قهر زواج بنت عمه وعدم مبالاتها له وتفاؤلها على نفسها
عمها عيسى كان رايح للقصيم بيزور عمها ابراهيم لأنه شوي تعبااان
جت ابتسام ونوره طقت الباب:افتحي ياعروسه
عبير:هلااااااااااااااااااااااا بسومه اخبارك
ابتسام:انا زعلانه بجد من تفاولك على نفسك والله شكل ربي بيبلاك
عبير:انا كلمتك علطــــــــــول صح ولا لاااااا
عبير:اخبارك نوره عقب إلي انتي خابره
ابتسام :وشو مخبين على شئ
نوره:طيبه الحمدلله بخير مبروووووووووووووووووووك
عبير:الله يبارك فيك وعقبالكم
نوره:متى بتشوفين العريس
عبير:ماودي اشوفه بس ماقلت لكم وش حلمي
ابتسام:البنت فاضيه أحلام
عبير:اسمعي وانتي ساكته حلمت وانا بالمستشفى اني انزف وانا اركض بسرعه وبالزفه ثنتين سود يركضون حولي واقرب من العريس يبعد عني وبعدين يقرب مني واختفى انا ويطلعون مكاني توأم ولد وبنت يهبلون تتوقعون وش تفسيره
نوره :اتوقع وانتي تركضين بالزفه ان الزواج يتم بسرعه اتوقع والباقي عاد مادي
ابتسام:اقول لاتفكرين بالاحلام كثير
يدق الباب تجي مايا شغالتهم عبير:وش فيه
مايا:جاء عريس مال انتا ماما يقول انزل تحت
عبير:يوه انتي بومه ماتبشرين بخير
تطلع مايا
ونوره وابتسام ميتين ضحك على شكل عبير طالع الوان من خليط من الخجل والعصبيه والقهر والى الان مابانت مشاعرها بس هي ضحكت وقالت يالله ننزل
فوزيه وزينب انهبلوا من البيت قصر ولا فله ولا قلعه جنوا على البيت الى حتى ماشافوه بالمسلسلات ووالافلام
وهاذي شغاله جايه وهاذي رايحه والاثاث فخم والقبه الضخمه والصاله الكبيره
فوزيه شالت هم اخوها كيف بيقدر على مصاريف البنت الغنيه الوحيده المدللـــه الدلوعه كانو جالسين بالصاله الوسطى
فوزيه:اخبارك يام حسام
ام حسام:الحمدلله بخير والله الساعه المباركه إلي شفناكم وانتي اخبارك يازينب
زينب كانت تناظر فخامة السقف قالت بارتباك:هاه وش قلتي يام حسام
ام حسام ابتسمت وقالت بقلبها بجد عيال فقر مو شايفين خير الله يعينك ياعبور على مابلاك اخوك وابوك
عبير بالفستان الوردي زي فستان العروس بالضبط بس اللون يختلف والمكياج الناعم إلي مخليها جذابه بشكل ولشعر الاسود المرفوع شانيون
والابتسامه إلي تطير العقل
نزلت وبجنبها نوره بعد تهبل بس عبير طبعا احلى وابتسام طالعه زينه
زينب وفوزيه يشوفون عبير وهي تتمشي برقه ودلع
زينب بقلبها هاذي كيف عرفها اخوي غبيه ليش وافقت له((( ماتدري ان ابوعبير واخوها غاصبينها علشان مايخذها رامي لان عيسى ومحمد ابو عبير مقاطعين بعض الرجال بس///// ولا الحريم يموتون في بعض))
جلسوا وسولفوا الحريم شوي وعبير مو باين عليها انها زعلانه هي تحب دايم تغطي زعلها بذات قدام الناس وعبير تسولف بطلاقه وتضحك ولا كانها عروس وبعد اليوم ملكتها
وفي الساعه10 مساء و53دقيقه و35 ثانيه دق جوال عبير في نغمة انا مين عندي بعدك ناظرت عبير الجوال وانهبلت خافت وتناظر الكل وهي مرتبكه
المـفــــاجـئـــــــه
دق جوال عبير بنغمه انا مين عندي بعدك وارتبكت وتناظر فوق وتحت بتبكي بتنجن ردت قدامهم
عبير:الوووو
عادل:هلا بالعروس يالله عمران يبي يشوفك
عبير وهي مرتبكه:اللحين لازم يشوفني
عادل:اكيد لازم يالله تعالي مسويه نفسك خجوله انتي ووجهك
عبير احمر وجهها:خلاااااااااص اللحين اجي
ابتسموا الموجودين من حركات عبير لانها مرتبكه
قامت عبير وقالت عن اذنكم يبي يشوفني
ابتسام ونوره ميتين ضحك على عبير
راحت عبير لقسم الرجال لقاها حسام قال تعالي ماقدامك إلا عمران
عادل يهبلها مسك كتفها بقوه قبل ماتدخل المجلس صارخت بقوه
عادل يضحك :وش فيك يالخبله ترا مو لايق عليك خجوله لايق الصراخ والازعاج ههههههههههه
عبير:الله ياخذك يالحيوان وبعد يكرم الحيوان عنك ياسخييييييييييييف وانا ناقصتك اللحين ترعبني هذا وقته
حسام بعصبيه:وش ذا الصراخ انهبل الرجال
عبير:خلاص ماراح ادخل
عادل يضحك:الخوافه بس مسكت كتفها وصارخت يالله روحي لحبيبك تراه ماياكل أوادم ولا هو مصاص دماء
عبير:بايخه
حسام:يالله ادخلي تراك فشلتينا
دخلت عبير وحسام وكان عمران يناظر الارض ورفع رأسه للي قالت السلام لقى قمر بالارض انهبل جن على جمالها كانت خيااااااااااال
ام الفستان الوردي والتسريحه المرفوعه كيف لو كان شعرها منزل اتوقع بينجن لان شعرها شوي طويل وناعم كانت باين رقيقه لكن داخلها يقول والله لاوريك الويل ياعمران
حسام:اجلسي ياعبير هنا قريب من زوجك وانا بروح
عبير متفاجئه وناسيه ان عندها احد بصوت شوي عالي:تعال انت وين بتروح
حسام:ماقدامك احد إلا عمران اللحين عادي تقدرين تكلمينه وتجلسين معه علشان تتعرفون على بعض وبعدين ترا احلى الايام ايام الملكه
عمران يضحك:ليش الاخ مجرب
حسام يبتسم:يالله عن اذنكم انا رايح
عبير جلست قدام الكنبه إلي جالس فيها عمران وعبير تناظر الارض
عمران:أول مره تشوفين سجادتكم(قصدي الزوليه إلي في المجلس
عبير رفعت راسها وكان شكلها يموت ضحك لانها حولت عيونها يعني خلت عيونها حولا ولوت لسانها بطريقه غريبه ومضحكه هي توقعت انه بيخاف
عمران يناظر لها متفاجئ وينفجر بالضحك::::لاتخافين ياعبير ماراح انحاش ولا اترك لو تصيرين بجد حولا ههههههههههههههههه
عبير وهي جاده:بلاك للصقه
عمران:نعم
عبير:تذكرت تهدديد ابوها واخوها لو قالت أي شئ يحرجه
عمران عصب :انا للصقه
عبير:بصراحه ماينمزح معك ماتوقعت اني باخذ احد حساس ويزعل بسرررررعه زي الحريم
عمران تفاجئ:انا حرمه
عبير:بسم الله على الحريم منك ليش حنا طايحين من عينك
عمران استغرب:لا بس اهانه تشبيهنا في حريم
عبير:نعم كيف اهانه بالله عليك انت اللحين تخطب مين مو بنت وامك مو حرمه وخواتك مو بنات هاه رد
عمران تذكر كلام حسام ان اخته ثرثاره بس طيبه وتحب المقالب
عمران:مانتي ملاحظه انا صايرين احزاب وحده بنت ضد الرجال ورجال ضد الحريم
عبير:اذا انا مادفعت عن حقوقنا مين إلي بيدافع
عمران:طيب ياحياتي انتي قمر انا بجد تزوجت قمر مو بنت
عبير:اللحين وش إلي جاب هالموضوع
عمران استغرب من جراتها لانها أول مره تشوفه واكلته بلسانها:سوال انتي اللحين جريئه كذا مع كل الناس
عبير تحط يدها على خصرها:قصدك الناس مين
عمران:مو قصدي احد خوذي رقمي هذا لاني ابكلمك يالله ابروح عن اذنك (((( لاني بصراحه مليت منك)))))يمزح طبعا ولا فيه احد يمل من عبور
عبير:مليت مني ترانا تونا في بحر الامان يعني ماصار شئ إإإ نقدر كل واحد والثاني يروح في طريقه ويكمل مشوار حياته
عمران :وش قصدك
عبير تذكرت اهلها:ماقصدي شئ امزح معك يالغبي
عمران طلع من دون حتى مايقول باي ويقول بخاطره البنت جريئه وتكلمت معي كان لي عشر سنين وانا وياها مع بعض لا وكلامها جارح بعد تقول عني غبي وكل واحد يروح في طريقه والله دنيا
عبير تكلم روحها:يمه منه ومن شكله صحيح لاخلاق ولا شكل ولا مظهر بس بصراااااااحه واحد يدخل القلب بسرررررررعه مادري ليش يمكن لان أول واحد اشوفه بعد هالماصخ رامي
عمران ودع حسام وعمه محمد وكلم خواته حتى يطلعون
وهم في السياره
زينب:يــــــــــــــــــالله ياعمران خطيبتك تجنن ملاك والله ملاك مو من بنات حواء ساحره هالبنت واسلوبها خيااااااااالي
فوزيه:ايوالله ياخوي اسلوبها يجنن ومتواضعه بشكل تصدق ياعمران انها تكلمني كاني اختها او كاني اعرفها من15 سنه
عمران ارتاح لأنه خاف من اسلوبها توقع انها ماتبيه او اهلها غاصبينها
فوزيه:وش فيك ماترد ولاتكلمت ولا كلمه
زينب:إلي ماخذه عقلت تتهنابه
عمران:هاه ويضكون الكل ههههههههههههههههههههههههههههههههههه
ابتسام ونوره مع عبير في غرفتها
نوره:ماقلتيلي وش صار بينكم
عبيرسرحانه:هاه بين مين ومين
ابتسام:بين الهلال والنصر
الكل يضحك
ابتسام:قولي لنا وش صار بينكم بجد
عبير تناظر فوق وتحت تدورلها على نصبه:كنت انا ساااااااااكته ولا كلمه واول مره احس اني مؤدبه
نوره:مين هاذي لايكون انتي
ابتسام:قطعي يدي كان ماكلته بلسانها المتبري منها لا ويمكن بعد طاردته
عبير تتصنع الزعل:دامكم مو مصدقين ليش تسالون؟؟؟؟
نوره:مع اني مو مقتعه بكلامك إلا اني بحاول اني اصدقك
عبير:شفتو عموري
نوره:مين عموري
عبير:يالدلخه هاذا خطيبي
ابتسام:ويالدجاجه اسمه زوجك مو خطيبك
عبير:الى هو بس انا ماعترف بالزوج إلا اذا لبست الفستان الابيض
ابتسام:طيب هو وش قالك
عبير: ماخلا كلمة غزل بالارض وما قالها لي دلعني بشكل قال اني حلوه وقال اللههم انصر اللحريم وخلهم يسوقون
ابتسام:وش قال؟؟؟؟ عسانا نسوق وش دخل هاذا بهاذا
عبير:انا اشترطت عليه اذا حرروا الحريم وخلونا نسوق ولازم من موافقة ولي إلامر يعطيني موافقه
نوره:طيب حضرتك أي نوع من السيارات بتشترين
عبير:والله انا سمعت فيه سيارة اسمها الحوت بي ام دبليو ابشريها واخلي الوانها مميزه
ابتسام:لايكون اصفر ولا احمر
عبير:لاااااااااااااا انا اقولك مميزه ابخليها لونها اسود ملطخ بالاحمر والازرق وكل الوان
نوره:حشى ماصارت سيارة صارت سيارة شرطه
ابتسام:وانتي الصادقه صارت سيارة الوان روكو تغني(قلمي ممحاتي كتبي قلمي روكو)
عبير:بلا طنازه وابغير الوان السياره على حسب لبسي وفساتيني بعد
ابتسام:انا مادري انتي كيف تفكرين
نوره:ايه كملي وش ابداعتك بالسياره
عبير:امممممممممممممم ايه ابلون كفراتي الون الاحمر والمراتب بالوردي
وابصدم أي رجال القاه قدامي
نوره:لــــــــــــــــــــــــــــــــــــــــــــ ــــــــيه؟؟؟؟؟؟؟؟
عبير:علشانهم انانيين مايبونا نسوق يقولون نضيق عليهم الشوارع ياحرام عليهم والله
وابقطع الاشارات
واخلي المستشفيات كثيره من الحوادث إلي برتكبها
ابتسام:شكرا يارب انك ماخليتنا نسوووووووووق والحمد لله والشكر على العقول الفارغه
الكل يضحك ههههههههههههههههههههههههههههههههههه
رامي مع عادل يسولفون وفجئئه يدق جوال رامي المتصل ::الغالي
رامي:ياهلااااااااااا بالغالي
عيسى أبوه:اهلين اخبارك رامي
رامي:الحمدلله بخير اخبار عمي ابراهيم
عيسى:تعبان ويبي عبير بنت عمك محمد
رامي تفجئ:ليه وش يبي فيها
أبوه:اشتاق لها ودايم يتحلم فيها وهو مريض
ابيك تقول لواحد من عياله علشان يبلغها وتزوره
رامي:تامر يبه ماطلبت شي اغلق الخط وهوسرحاااااااااااان يالله ياعبير الكل يحبك شيبان وشباب ماتدرين ان اليوم كان ودي اذبح عمران من نار الغيره إلي بقلبي والله كرهت حالي والسبه انتي
عادل:إلي ماخذه عقلك تتهنا به رامي من غير شعور وبتسرع:عبير عادل:وش قلت عبير رامي سريع بديهه:لا عبير عمي ابراهيم يبيها
رامي قال لعادل السالفه
عادل:خلاص عن اذنك اببلغها واشوف وش ترد مع اني متاكد انها بتنجن
راح عادل وطلبها تجي جت وهي مستغربه
قالها السالفه انهبلت:وش فيه عمي لاتقول مرض خطير كيف يصيبه المرض وانا معيده عنده العيد إلي فات كيف وهي تبكي بقوه ودخلت غرفتها
وتبكي والبنات متفاجات وتروح عبير ترمي روحها فوق السرير وتجهش بالبكاء
نوره:ووش فيك وش فيك توك تضحكين واللحين تبكي
ابتسام:شفيك
عبير:عمي عمي تعباااااااان مريض فيه مرض خطير ويبني اروح له(((عمها ابراهيم هو واحد كبير في السن تقريبا عمره65 سنه كان حبوب ورغم كبر سنه إلا ان حركاته شباب عبير تموت فيه ودايم اذا راحت للقصيم تقول ابي اروح له ودايم يستقبلها عند الباب كان زاهد بالدنيا مايهمه لا البيت ولا المظاهر الكذابه ولا أي شئ كان دايم يعكف في مكه ودين بس مو تشدد للدرجه يعني مافيه غلو ابتسامته ماتفارق وجهه
عبير دايم تكلمه وتشوف احواله وله ولد واحد اسمه خالد متزوج وله ولد ولعمها بنت عمرها 20 سنه مافيه تلفزون في بيتهم كانت اذا راحت لهم تحس بامان تحس بجو ايماني مع ان عبير مو متدينه واهلها اخفوا عنها مرض عمها لان كل شي عندها يهون إلا عمها ابراهيم))))
يقول عادل لابوه عن مرض عمه وانه يبي عبير وان عبير قاعده تبكي بغرفتها
راح ابو حسام لغرفة عبير وسلم على البنات
ابوها:وش فيك عبير
عبير بتوسل:تكفى يبه خلني اروح للقصيم ابي اشوف عمي
ابو حسام:طيب انتي وش سويتي مع العريس
عبير:كل شي يرضيك
ابو حسام:مادام كل شي يرضيني اوديك لعمك انشالله بكره
عبير تضحك فرحانه وعينها ملايانه دمووع
وتحضن ابوها مشكوووووووووور يبه
ام حسام جت: وش فيكم
قالوا لها السالفه
عمران واخواته على طول رجعوا للقصيم علشانه ماقدر يتحمل مصروف الشقه البسيطه وكان كل تفكيره بعبور
وحسام كان عرف ان اخته بتروح لعمها ابراهيم وقال انه حتى هو راح يروح معهم علشان يشوف احوال عمران ويشوف البيت إلي بتسكنه اخته
(((الــــــــسـفـــــــر)))
تجهزو العايله كلهم بيرحون وحتى الام بتروح لاخوانها في قريه بالقصيم
دق جوال حسام عند طريق القصيم السريع وبما انه هو إلي يسوق قالت الام بصوت عالي:لاترد وانت تسوق
حسام:يمه معليش رديت وبعدين تراي شايب ياهلااااااااااااااا بعمران وحاط السبيكر(المايك)
عبير ولا هي مهتمه إلا لحالة عمها
عمران:هلا والله ياشايب
حسام يضحك :اقولك عندي خبر بمليون ريال
عمران:الخبر بمليون ريال؟؟؟ عطني المليون ووخل الخبر لك
حسام:وان قلت لك ان حنا بعد اربع ساعات واصلين للقصيم
عمران:وعبير معكم
حسام :الحمدلله اني حاط سبيكر وسمعت بعض الناس
عمران:والله حاط سبيكر ورا ماقلت لي بالبدايه علشان انعم صوتي
عبير ضحكت وعادل
عادل بصوت خفيف:حشى انتي مو ماخذه رجال
عبير:اقول اسكت مو يزعل
عادل :مين إلي يزعل
عبير:صديق اخوك
والام كانت متوتره لانها تشوف السيارات الكثيره وهي خوااااافه وتتمنى انها بالعصر الجاهلي إلي يركبون (جمال) (وخيول)
عمران:هاه زي ماقلت لك تجونا بكره
حسام:يمكن اجي الحالي يمكن
عمران:انا قلت لكم العشا عندي بكره
حسام:نشوف يالله اشوفك على خير
عمران:سلملي على إلي ماترد على جوالها امس
حسام:ههههههه انشالله باي
عمران:باي
عبير ماهتمت
عبير ودموعها تنزل تفكر بعمها الغالي معقول يصير فيه مرض خطير معقول عمي ابراهيم مرضه ماله علاج يعني يوم حبيت عمي وتعلقت فيه يمرض مرض مستعصي كيف لا مستحيل ايه تذكرت
عبير:يبه
ابو حسام:يانعم
عبير:عمي وشو مرضه
ابو حسام:يقولون انه مرض خطير
عبير:ادري بس وش اسم المرض
عادل يوجه الكلام لعبير:يمكن يبي يسوي فينا مقلب زي حبيته عبير وتفاول على نفسه
الكل ضحك إلا عبير انقهرت:مو عمي إلي يكذب ويسوي مقالب وبعدين احترم نفسك واعرف عن مين تتكلم وهي بقلبها تقول يارب عساه كذب مو مريض تتمنى انه خطاء طبي بس ماتمنت انه مقلب لان تدري ان عمها اكبر من كذا ولان هاذي حركات اطفال
حسام:يعني تدرين ان إلي قاعده تسوينه غلط
عبير:لا الــــــــــــــــــــــــــــــــه إلا الــــــــــلــــــــــــه وتكلم حكيم زمانه
ابو حسام صارم:احترمي اخوك إلي اكبر منك
عبير:حــــــــــــــا ضـــــــــر"""
وصلوا للقصيم وتحديدا بريده إلي ساكن فيها عمهم ابراهيم
وصلوا بيت عمهم ابراهيم وكان عمهم ابراهيم واقف كالعاده عند الباب مع انه مريض لكن صبور
عبير ضحكت وهي بالسياره لانها تشوف عمها ابراهيم واقف عند الباب لكن ماكتملت الفرحه يوم شافت عيونه الصفراء من المرض ووجه الباهت
ابتسم عمهم وفرح لأنه شاف عبير إلي يموت فيها استقبلهم في بيته المتواضع إلي متعوده عبير انها تروح لهم دايم عكس ابوها واهلها
الام كشرت:يييييييييييييع وش هاذا البيت بجد وجيه فقر
عبير:يـــــــــــــــمـــــــــــــــــه انتي وش فيك انتي طول عمرك راعية مظاهر
الام:الحمدلله ان ربي بلاك بواحد فقير علشان تعذريني بس
عبير:يمه انتي تدرين عني انا مو راعية مظاهر حدي مكياج ولبس بس
الرجال راحوا للقسم الرجال والحريم استقبلتهم بنته منيره وزوجته
وبعد ماجلسوا سوا الحريم دق اخوها حسام وكانت النغمه(((ودي ابكي لين مايبقى دموع)))البنت انحرجت نست لاتغير النغمه بذات انهم مايعرفون الاغاني وناس عبادين لله تفشلت والشنطه بجنب مرت عمها
ام خالد:وشو ذا مين إلي وده يبكي الله لايجيب الدموع
لكن منيره ضحكت على ارتباك عبير
اخذت على طووووول الجوال اشغلت الخط وغيرت النغمه ودقت على اخوها((((ام المشاوير إلي كذا))))
حسام:تعالي يببيك عمي بسرررعه تعالي مافيه احد
عبير:طيب اللحين اجيكم
راحت ودخلت المجلس المتواضع إلي فيه فراااااااااااش وحيد بالغرفه وكان عمها منسدح فيه سلمت وقعدت هاديه وسرحااااانه
كانت تتذكر اخر عيد عيد إلاضحى إلي عيدت عنده وكيف كان طيب وكيف ضحك على الكعب العالي للجزمتها وتذكرت يوم قالها اسمعي ياعبير العيد الجاي عيد رمضان لازم تجينا مو زي ابوك وقالت وعد اني لأجي لكم واعيد عندكم
وقطع تفكيرها صوت عمها الهادئ بالمكان المزعج من هداوته قال الصوت الرجولي المريح:اخبارك يابنيتي
عبير:الحمدلله ياعم طهور انشالله وانشالله نفرح بشفائك قريب
عمها:انشالله ومبروك على ملكتك اللحين بتصيرين قريبه مني
عبير:وانشالله ازعجك كل يوم وانا جاي اشوفك ليل نهار صبح مساء((المعنى واحد لكن هي ثرثاره))
عمها:هههههههه ويكح من التعب
عبير:سلامتك ياعم سلامتك وتناظر بالغرفه ويلفت نظرها ابوها وحسام وعادل وعمها عيسى إلي مانطقوا ولا حرف((عمها عيسى صارم وحبوب متقاطع هو واخوه علشان تقاسم الشركات مع ان كل واحد فاحش الثراء((يمديكم على فاحش الثراء))إلا انهم انانين في طبعهم والي زاد الامر سوء ان عيسى طلب من محمد ابو عبير يد بنته لولد رامي لكن رفض وهاذا إلي كرهم في بعض بزياده))
عبير:شلونك ياعم عيسى
عمها عيسى يحب عبير لانها بين الوقت والثاني تدق عليه من ورا اهلها:الحمدلله وانتي شلونك يابنيتي
عبير:والله مشتاقه لك بالحيييييييييييييييل
ابوها انقهر من عبير لانها تسال عن احواله :ماودكم تطلعوووووون
عبير تفاجئت:يبه ماحنا نايمين هنا
ابوها:ليش ننام هنا بريده مافيها فنادق وشقق
عبير:بس ماحجزنا
حسام:اقول نادي امي خليها تجي ولا تدرين انا بدق عليها علشان تطلع
ابراهيم:وش معجلكم اجلسوا عندنا اليوم وبكره براحتكم
عند الحريم لسان ام عبير شطوله وما خلت شئ مانتقدته
ام عبير:انتو اللحين كيف عايشين بهالخرابه
ام خالد:والله الخرابه إلي تشوفينها تراها جنه بنسبه لنا ومرتاحين فيها
منيره بقلبها تقول اشك ان هاذي ام عبير المتواضعه
ويدق جوال ام عبير باغنيه غربيه لشكيرا اونيفر اونيفرا
ام خالد:والله ماراح نشرهه على البنت وهاذي امها امحق تربيه
ام عبير بدلع:الووووووووووووو
حسام تفجئ سكت وش ذا الدلع هي امي ولا لا
ام عبيربصوتها العادي:حسام
حسام:يمه مين رد على قبل شوي
ام عبير:انا
حسام مو مصدق:يمه اطلعوا
ام حسام:ابرك حزه نطلع والله احس اني اختنقت في بيت هالعناكب
لبست العباه ام حسام وعبير
عبير:مع السلامه يامرت عمي اشوفك بخير وانشالله مايشوف شر عمي مع السلامه يابنت عمي اشوفك بخير يامنور
ام خالد:الله يسلمك والساعه المباركه إلي شفتك فيها
ام عبير حطت شنطتها على كتفها بدلع:يالله باااااااااااااااااااااااااي
عبير تناظر امها ومو مصدقه ال تشوفه وتضحك والكل يضحك على حركات الام إلي واصل عمرها الاربعين وعقلها عقل مراهقه
ودعت عمها لانها خلاص بتروح للرياض بكره وما راح تشوفه إلا بعد مده طوويله
طلعوا العايله راحو لفندق ببريده وحسام راح للصديقه وزوج اخته راح لعمران المسافه بعد بريده بمية كيلوا وكل دقيقه يكلم صديقه
عمران :هاه وين وصلت
حسام والله انا ماشي بالطريق إلي قلته لي بس ماشوف الى ارض قاحله مافيها بيوت ولا شي الى اشوف بيت واحد بعيد بجنبها شجره خضراء
عمران:ايه صح ذاك بيتنا
حسام:بجد بيتكم
عمران يعرف غرور صديقه:ايه تعال يالله باي
حسام انهبل جن مو معقول هاذا المكان إلي بتسكنه عبير الدلوعه المدلــلــه انا توقعت بيتهم زين وحالتهم أحسن يالله مادري وش اسوي كيف انا بليت اختي المسكينه بيت وحيد بمدينه مو قريه واذا بغوا شي يطلعون من القريه مسافه خمسين كيلوا ابد مو معقول لا انا لازم اشوف لهالمساله حل انا ابخليه يقتنع يطلع من ذا الخرابه ولا كل واحد يروح بطريقه
حسام دخل البيت الشعبي هو شعبي لا مايدري هو شعبي ولا طيني مايفرق لأنه ولد عز كانت جدرانه(الحيط) متهالكه والارض كلها تراب والفرشات قديمه وكل غرفه اسواء من الثانيه
يكلم روحه معقوله انا اصادق واحد زي هاذا معقوله اختي تعيش بهالمكان انا والله جنيت عليها ياليتني جيتك قبل ماتخطبها واشوف حالتك وبعدين يصير خير (هو صادقه لمدة خمس سنين كان بالرياض لأنه يشتغل في شركة أبوه وكان الكل يمدح باخلاقه وابو حسام كان يحبه لأنه مخلص بالعمل ومحترم للكل مايدرون ان داخله شيطان وانه عصبي ومايتحمل وحتى حسام مايدري عن اخلاقه شئ)
سلم عمران عليه
عمران:تو مانور البيت
حسام يناظر السقف المنتهي زمانه والانوار الخافته باستهزاء:منور من غيرنا
عمران:وش فيك سلامات
حسام:انت ليش ماقلت لي ان حالتكم كذا
عمران بقهر:عن اذنك بجيب القهوه
جاب القهوه وعطاه قهوه
حسام:تعرفني ماشرب قهوه ابي شاي
عمران:طيب واحد ولا خلاص اصبلك
حسام:هاه انت متى تبي تاخذ اختي قصدي متى زواجكم
عمران:انشالله بعد شهرين
حسام:وليش العجله
عمران:لا عجله ولا شئ بس تشوفني عمري وصل 27 سنه إلي قدي تزوجوا وعيالهم بالمدارس
حسام:اممممممممم طيب وين بتسكن اختي
عمران حس ان فيه شئ غلط بيصير ضده هو يعرف غرور حسام:اكيد بنسكن هنا وبعد مايتحسن حالنا اشتري بيت جديد
حسام:لا
عمران:وش الى لأ
حسام:اختي ماتطب هالبيت وماتسكنه
عمران:يعني نسكن وين في بيتكم
حسام:لا ماتسكن في بيتنا دبر لك بيت يليق في اختي إلي مستحيل تقدر تعيش هنا ولا كل واحد يروح بطريقه( شرب الشاي )انتوا وش حاطين بالشاي وش ذا الطعم شكل الماء مو نظيف ويييييييع
عمران قام بعصبيه:مو على كيفك كل واحد بطريقه وبعدين انت جاي علشان تتمهزئ فينا
حسام قام:اختي مسحيل تعيش معك اقول طلقها بس لا اجرجرك بالمحاكم وانت إلي بتقعد فيها وترا المهر حقك بيوصلك بكره بحسابك
ولعلمك المهر تراي ماعطيته اختي لان بحسابها فيه دبله عشر مرات
وبعدين انا أول مره اسمع مهر بخمسه وعشرين الف وطلع وهو معصب
عمران:بالي مايردك
طلع عمران بسيارته الفخمه من ببيت عتيق وكانت وحده من بعيد تناظره وحده تتمنى تروح معه وتترك حياة الفقر إلي عايشه فيها وبتموت فيها
هاذي زينب أخت عمران إلي مو عاجبتها حياتهم هي تدري ان هاذا اخو عبير وقالت انا لازم اتمصلح مع عبير حتى اتزوج اخوها
وصل الفندق حسام وبعصبيه وازعاج صك الباب بقوه كانوا قايمين مع ان الساعه 1 الليل
جالسين بالصاله على التلفزون
حسام:يبه ترا عبير مستحيل تتزوج عمران
عبير قامت من غير شعور:ليش
ابوحسام:ليش
حسام :ناس فقراء بيتهم طيني من عصر اجداد اجداهم وحياتهم تعيسه
ابو حسام:والله
عبير:ترا موعلى كيفك تلعب فيني مره تغصبني بزواج ومره بطلاق
ابو حسام:انت من جدك
حسام:والله لو اتكلم من اليوم الى بكره ماوفي بحق وصفهم
ام حسام:ويييييييييييييع شذي العيشه انا من يوم ماشفت لبسهم وتسريحه شعرهم عرفت انهم منسيين من العصر الجاهلي
عبير:بس انا ابيه
حسام:نعم
عبير:انت خالف تعرف!!! مافيه والله لو تفرقون بيني وبينه ان تتحملون إلي بيصير لي؟؟
ابو حسام:بس انتي كنتي ماتبينه
عبير:يبه مايصير البنت كل يوم لها زوج
ام حسام:بس كانوا ابوك واخوك غاصبينك عليه وجرجرتينا بالمستشفى وتفاولتي على نفسك واللحين تبينه
عبير:مافيه ابيه
عادل:حلوه ابيه حنا فلم هندي ابيه وما ابيه
حسام عصب وراح للغرفه يبي ينام من القهر
عبير:يمه ويبه لو كل واحد يروح بطريقه بيقولون الناس ان البنت فيها بلأ(وبما ان اهلها يفكرون بكلام الناس وافقوا)
عبير دق جوالها:الووووو
ودخلت الغرفه
عمران:اهلين عبور اخبارك
عبير:انا زينه انت شلونك واخبار زينب وفوزيه
عمران:الحمدلله
عبير:وش فيه صوتك
عمران:اقولك جاء اخوك
عبير:ايه جاء
عمران:وش قالك اكيد سب وتطنز بحياتنا
عبير:ليش وش قالك ذا الوقح
عمران:انت تدرين اكيد قالك
عبير:ايه قال
عمران:ووش ردك
عبير:صحيح كنت بالبدايه مابيك لكن اللحين مستحيل نفترق لاني خلاص حبيتك
عمران مستغرب!!!!!حبيتني وحنا ماكلمنا بعض ولا مره
عبير:يمكن لاني خلاص صرت زوجتك
عمران:والله اموووووت فيك يابعد قلبي متى تصيرين عندي ونكون تحت سقف واحد متى بس
عبير:ايه متى نتزوج بجد ماسالتك
عمران:بعد شهرين
عبير:لا مستحيل وش شهرين ماحجزت لي مركز تجميل إلا الان
عمران:ماله داعي تجميل والله انك تجننين من غير أي شي
عبير:شكرا
عمران:طيب انتي ماشفتي بيتنا تراك بتسكنين مع خواتك وبيتنا مو من مستواكم
عبير: انا مو مظهريه زي اهلي عادي عندي وبعدين حلو عند خواتك قريب سنهم من سني ونسلي بعضنا
عمران:يابعد اهلي والله انا كلي فداك
عبير:ايه هاذا كلامكم يارجال في وقت الملكه وكل شئ يختفي بعد الزواج
عمران:افا بس عليك انا غير
عبير:حتى انا غير
عمران:يعني ماراح تتغيرين بعد الزواج
عبير:اكيد انا طول عمري طبيعه ونشوف مين إلي له كلمه وحده الرجال ولا الحريم
عمران:يوووووووه جينا للرجال والحريم والمقارنات إلي مالها داعي
عبير:هههههههههههههه
عمران:انشالله دوم مو يوم
عبير:وشي
عمران: هالضحكه
عبير:شكلك مطول
عمران:ليه مليتي مني
عبير:لا بس وراي سفره بكره
عمران:ايه ذكرت ليه ماجيتي مع اخوك المقرود
عبير:لأنه مقرود مابي اجي معه
عمران يضحك:في هاذي معاك حق
عبير:عطني ارقام خواتك
عمران:ماعندههم جوالات
عبير:طيب تلفون
عمران:بعيد عن المحافظات والقرى علشان كذا ماعزوا إلا في برج جوال
عبير:انتوا أحسن منا حنا البرج مو قريب منا !!!!مره تسمع ومره بعيد
عمران:عبير
عبير:هلا
عمران:احبك
عبير:حتى انا احبك
سكتوا ربع دقيقه وفجئه يقطع الصمت صوت حسام
حسام بصراخ:انتي مين قاعده تكلمين باخر الليل
عبير وعلى الخط عمران:والله انا قاعده اكلم زوج المستقبل الظاهر انك كنت موافق اكلمه
حسام بانكسار:بس اللحين غيرت رايي
عبير بعصبيه:ووالله رايك مو مهم بالنسبه لي
عبير ترجع للجوال:حبيبي اكلمك اذا راحو العذال من عندي
عمران:باي حياتي
حسام:وتتغزلين فيه قدامي
عبير:اطلع برا وصك الباب وراك
حسام:انا ليش حار روحي عليك خلي العذاب تشوفينه بعينك
طلع حسام وعبير رمت نفسها بالسرير الهزازي واخذت المخده البيضاء وضمتها لها وقالت بجد اخو مصونف(يعني راعي تصنيفات كل يوم له راي)
نوره وابتسام يسولفون مع رامي
نوره:انت اللحين ورا ماتتزوج وتفكنا من شرك
رامي:ليش وش حارك
ابتسام:لابجد ليه ماتتزوج إلي كنت تبيها وراحت خلاص تزوجت
رامي:ليش قاعد على قلوبكم
ابتسام: شف عمرك بتوصل 26 وانت مافكرت مين تاخذ
رامي:لا اوف انا غلطان اني جيت لغرفتكم اروح لغرفتي ابرك
يروح ويصك الباب بقوه
نوره:انا لازم اكلم عبير عن اخوي
ابتسام:انتي مجنونه انتي خابره ان ماعندها مانع بس اهلها إلي رافضين
نوره:وش ذا الجنون وذا هي ماتبيه ليه اهلها يجبروها
ابتسام:الله يعينهم كلهم
نوره:وانتي
ابتسام:وش فيني انا
نوره:ليه ماتاخذين اخو صديقتك يقولون خياااااااااااااااالي
ابتسام:انا مابي واحد حلو وهي تلمس الجرح إلي بخدها جرح كان من زيت
نوره:لــــــــــــــــــــيـــــش انا أول مره اشوف وحده ماتبي واحد حلو
ابتسام:ويكون احلى مني معصي والله(يعني لأ والف لأ)
نوره:انتي معقده والله لو انه انا مافوت هالفرصه
ابتسام:وليش انتي حاطه عينك على واحد
نوره:ايه بس كل ماشوفه يجيني انهيار عصبي
ابتسام:لايكون ولد جارنا
نوره:لا
ابتسام تذكرت:ااااااااااااها ايه عرفت لايكون عدول
نوره: ووجع لاتدلعينه
ابتسام :يعني هو
سكتت نوره وابتسمت
وصلوا للرياض عبير واهلها بعد صلاة المغرب وبعد نقاشات حاده بين عبير وحسام
راحت عبير لغرفتها اخذت شاور وغيرت لبسها
طق طق الباب
عبير:مين
مايا:تعال انزل العشاء
عبير:ايه خلاص انا نازله راحت للتسريحه ورشت عطر وفتحت الباب بتنزل يدق جوالها ناظرت الرقم عرفت انه رامي
عبير:الوووووو
رامي:اهلين
عبير:نعم وش تبي
رامي:عبير انا رامي
عبير:والله مبروك ماكنا عارفين انه حضرت جنابك إلي داق
رامي بزعل:حبيت اباركلك
عبير:شكرا ماقصرت
رامي:عبير
عبير بملل:يانعم
رامي: نسيتي شي
عبير:وش نسيت
رامي :الوعد
عبير:بلا اللغاز
رامي:طول عمرنا اذا جابوا سيرتك يجيبون سيرتي
عبير:سيره وش
رامي :سيرة رامي لعبير وعبير لرامي انا احبك ياعبير
عبير بزعل:انسى يارامي انساني انا اللحين ملك واحد ثاني
رامي:لا ياعبير بيوم ولليله تصيرين لغيري لأوالف لأ والله مايسوى على وبعدين خطيبك موحلو ومو غني ومافيه أي صفات حلوه
عبير:بس خلاص انا اللحين بحسبة زوجته وهو بحسبة زوجي
رامي:تكفين فكري بالموضوع
عبير:حسام جاء يالله باي
دخل حسام عند عبير
حسام:عبير
عبير بضجر:نعم
حسام:والله انتي اختي الوحيده ومابي افرط فيك ترا حرام إلي تسوينه بنفسك
عبير:وش الحرام
حسام:انسي عمران ومستعد اقنع ابوي يزوجك رامي
عبير:مين؟؟؟
حسام:رامي تعرفيني انا اقدر اقنع ابوي وبعدين مصيرك مع عمران متاكد انه فاااااااااااااااشل
عبير:اولا مو مصير هذا زواج اشتراك زوجين بروح وحده وقلب واحد
حسام:طيب فكري بواحد نعرفه أحسن من واحد مانعرفه
عبير:افكر
حسام:يالله انزلي للعشاء
عم عبير وش بيصير له؟؟؟
تتوقعون نوره تكلم عبير تقنعها باخوها ولا لا؟؟؟
وش قرار عبير موافقه ولا لا؟؟
اذا وافقت عبير كيف ردت فعل رامي؟؟؟
واذا رفضت عمران وش ردت فعله ؟؟يمكن انتقام؟؟؟
هل بيزيد ويتطور حب عادل ونوره؟؟؟