:

كذا يا الصيف؟!

كذا يا الصيف؟
تحرمني وصاله !
حبيبي
وقرَّب يفارق عيوني
سفر..
شف هـ البشر،
خذ لك بداله ..
طلبتك
بس ما أبقى «بدوني»
ضيا فرحي ,
بدا يدني زواله
بـ أعيش أيام بُعده
مع شجوني
نهار وليل ,
في رجوى خياله
أجل وشلون لو راح ؟
اخبروني
كلامه , ضحكته ,صمته
دلاله ..
دخيل الله ما استحمل جنوني !
بغيت آموت
يوم أقرا الرسالة :
« فمان الله، يا كلي وكوني » !
حبست الدمع في عيني
و ساله :
شعر يمطر،
وأحاسيسي مزوني ..
حلاله
كل ما أملك .. حلاله
من أوّل ما عيونه له دعوني
سفر،
يا الصيف،
أطالبكم « عدالة »..
تخلّونه معي ,
أو .. تاخذوني ..
أحبّه موت ،
وأتنفّس وصاله ..
وإذا هو غاب :
تذرفني عيوني !!






المُبدع سآمي الجارلله آلمتني هنا