حسام وصل للشرقيه وراح لرسيبشن الفندق الي دائم هو واصدقائه يروحون له وفجئه لقى سامي صديق السوء الي علمه
على ادمان المخدرات بكل انواعه والهيروين ولابر والشم وانواع جديده مهلكه
سامي شاف حسام وشاف الخير معاه:حسااااااام ياهلا والله اخبارك
حسام ابتسم مهما كان صديقه:ياهلاااااا اخبارك شلونك
سامي:وين اختفيت دقيت على جوالك مليون مره وينك
حسام:كنت بمستشفى الامل
سامي:تعالجت؟(وهو يدري عن علاجه بس زعل تعرفون صديق السوء مايتمنى الخير لأحد
حسام:ايه الحمدلله
سامي:خساره عاد فيه نوع جديد ينسيك هموم الدنيا كلها
حسام:لا الله يخليك لاوالله يزيدك هموم مع الدنيا انصحك اتركه
سامي:هههههه طيب اللحين انت وين بتروح
حسام:ابجلس هنا كم يوم اغير جو واشم هواء
سامي:عسى جوازك معك
حسام:الا معي بس ليه بتروحون للبحرين صح
سامي:امووووووووت في الذكي انت تروح معنا هاه
حسام:تعرفني احب البحرين واحب اهلها لكني مابي اروح معك
سامي بنظرات خبث:ليييييييييييييه؟؟؟ماتبيني؟؟
حسام:لامو قصة كذا لانك!!!!! ولا خلاص اشوف اشوف
سامي:على كلآ انت حجزت لك بالفندق ذا شي غرفه جناح
حسام:لا ماحجزت لي شي اللحين بحجز
سامي:على الطلاق ان ماتحجز لك شي انت معي انا والشله
حسام:بس
سامي:لابس ولا شئ مافيه يعني مافيه
حسام:خلاص اروح معك وامري لله
ريان وعبدالرحمن يلعبون كوره في الصاله ونوره تناظر مكان متشتت وضايع ام رامي:العبوا بالحوش
وتروح ام رامي للمطبخ تشيل العشاء الي وكلته بنتها نوره
عبدالرحمن يضرب بقوه نوره على راسها
نوره تحركت صارخت بقوه راااااااااااااااااااسي اخ ياراسي
ام رامي سمعت الصراخ وطاح من يدها الصحن وتركض للصوت وابتسام نفس الشئ نزلت من فوق بسرررعه
وشالوا نوره وراحوا للمستشفى
ابتسام:بشر يالدكتور
الدكتور:رجعت لها الذاكره بسبب هالكوره لانها ضربت فجئئه على راسها ومن غير اي مقدمات لكن نوره بيكون تركيزها
خفيف يعني ماتفهم بسرعه واحتمال يرجع لها فقدان الذاكره مره ثانيه بس احذروا وانتبهوا لها ولا تسببون اي ضغوطات لها
ام رامي وابتسام طااااااااااااايرين من الفرحه راحوا لها على طول وعرفتهم
عمران يطيح من جبل عالي وتحاول عبير تمسكه وكل مره يبعد ويبعد وتحاول عبير تمسكه واصدقائه حوله يضحكون على عمران
بعدين عبير تجره بكل قوه عندها وتطلعه ويسقطون اصدقائه كلهم من الجبل العاااااااالي ويضمها باقوى ماعنده واصدقائه غرقانين بالدم والنزيف
صرخه بسيطه اخ بسم الله اعوذبالله من الشيطان الرجيم يمسكها من كتفها عمران:وش فيك بسم الله عليك
عبير تبكي وتغطي وجهها بيدينها:شفت كابوس كابوس مرعب
عمران:اقري المعوذات وانشالله مايصير لك شئ
عبير تقوم من مكانها وتبكي بقوه في اخر الغرفه على الكنبه المائله عمران يجي لها
عمران:وش فيك عبير كله حلم
عبير:لا احلامي كلها تصدق اقولك شفتك انت راي
عمران يقاطعها:لاتكملين حتى مايتحقق الحلم
عبير:تكفى لاتسافر الله يخليك لاتروح
عمران:طيب ليه؟؟
عبير:انا خايفه
عمران:من وشو
عبير:من الفراااااااااااااق
عمران:اي فراق الله يهديك بس اللحين السفر صار فراق
عبير:طيب انت بتروح ليه
عمران:ابروح اغير جو اشم هواء
عبير:طيب اروح انا وياك للجنوب ونشم هواء مع بعض
عمران:انتي ليش عنيده ابسافر يعني بسافر
عبير تترجاه:احرمني من اي شئ سو الي تبي الا هالسفره تكفى لا
عمران:اوووووووووووف غثيثه ابنام تراك ازعجتيني
عبير تبكي على الكنبه تبكي بقوه
عمران عصب منها لبكاها الغير مقنع:انتي وش فيك ازعجتيني
وراح للكنبه عندها جلس:تكلمي وش فيك ولا مشتهيه البكاء اليوم
شاف مافيه رد غمض عيونه وسند يده على راسه
عبير نامت في حضنه :الله يخليك طيعني لو مره خل لوجودي معنى لحياتك حط لكلمتي تقدير لو مره تكفى
عمران طوق ذراعه لعبير صحيح ماقتنع بكلامها لكنه حب يرضيها:خلاص ماراح اسافر علشانك واللحين اكلم زملائي واعتذر لهم
عبير قامت بفرحه:مشكوووووووووووور حياتي الله يخليك لي يااااااارب
عمران كلم صديقه خالد وهو حاط المايك يسمع عبير علشان يرضيها
عمران:الووووو
خالد:يامرحبا والله
عمران:اخبارك مع الشله صح
خالد:كلهم عندي وليد واحمد ونايف
عمران:طيب حط سبيكر
خالد:حطيته
عمران:اخباركم شباب
الكل:طيبين (والتعليقات)اليوم شايفنا ويقول اخباركم ههههههههههههههه
عمران:بلا تعليق اقووووول تراي ماراح اسافر معكم
الكل بصوت عالي وانفعال:ليـــــه
عمران بادب:زوجتي رفضت
عبير تضحك عليه وتضربه على بطنه بخفيف
اصدقائه ميتين ضحك عليه خالد:بجد والله
عمران:ايو والله
ويزيدون ضحك
خالد:بكره بنقول اين حقوق الرجال هههههههههههههههههههه
عمران بعد مااغلق الخط عبير:قل لاصدقائك لايسافرون
عمران عصب:عبيرووووووووه تراي عطيتك وجه
عبير:اهم شئ بالدنيا عندي انت وبس الله لايحرمني منك
عمران:ولامنك ياقلبي
سامي يوريه حبوب مخدرات يبي يغريه لان سامي فاقد فلوس حسام الي تغطي على المدمنين كلهم:ماتبي
حسام:الله لايقوله بس ابعده عني وفكنا زين
معاذ:والله انك بزر منت رجال جربلك هذا النوع بس
حسام بعصبيه:قلت لك مابي يعني مابي
عبير فرحانه ان زوجها وافق لطلبها واحرم نفسه من السفر علشانها واشتاقت لابتسام ونوره وناويه تتدق عليهم
ام رامي بفرحه:الوووووووووو ابو رامي تعال بسررررعه في المستشفى
ابو رامي:وش فيه وش صاير
ام رامي:رجعت الذاكره لنوره رجعت
ابو رامي:والله
ام رامي:خذها حتى تصدق
نوره بتردد:الووه
ابو رامي:هلا ببنتي نوره(وهو يقوم من مكتبه بغير شعور ويمشي علشان يروح لبنته)
نوره:يبه انا طبت
ابو رامي:الحمدلله على سلامتك انا اللحين جاي
ابو رامي يقول للسايق امش بسرعه والسايق يمشي بسرعه جنونيه الى وصلوا للمستشفى
ويركض الاب للقسم الى فيه نوره وشافها وارتسمت على الاب الحنون ابتسامه وراح لها وبعد عناق بين الاب وبنته واسف
ابو رامي:يانوره انتي اللحين بذمة عبدالله الي تبينه
نوره مو مصدقه:والله (وترمي نفسها بحضن مشكووور يبه الله يخليك لنا)
وابتسام تناظر اختها ومو مصدقه الي يصير من فرحتها وامها بعد مستانسه حيييييييييييييل
العصر//
عمران :والله فاتتك الااغاني إلي غنيتها ياعبير
عبير:بجد انت تغني
عمران:ليه وفيه احد مايعرف يغني بهالوقت
عبير:وتعزف بالعود ولا الاورج
عمران:بكل انواع الموسيقى
عبير مو مصدقه من الفرحه:هذا اخر شئ اتوقعه مو معقوله طيب ليه ماعمرك سمعتني اغنيه
عمران:انشالله اسمعك العود في السياره بعدين اسمعك
يدق جوال عبير
عبير:عن اذنك حبيبي
عبير:هلاااااااا يمه اخبارك
ام حسام:الحمدلله وينك لاحس ولا خبر من يوم ماتزوجتي مازرتينا
عبير بقلبها الي يشوفني كل يوم رايحه ماتدري ان اخر مكان الشاليهات مع اهلها:والله ادري يمه ان لك حق بس وش اسوي
ام حسام:المهم ترانا بنسافر مصر بعد يومين او ثلاث ايام تروحين معنا
عبير:والله مادري يمه اذا وافق عمران اسافر
ام حسام باستحقار:عشتوا حتى هذا صار له راي
عبير:يــــــمــاه
م حسام: سكتنا خلاص المهم ترانا ننتظرك
عبير:انشالله يمه مع السلامه
عمران:امك صح
عبيروهي مكسور خاطرها:ايه
عمران:طيب وش فيك محزنه
عبير:بصراحه بيسافرون مصر وقالوا لي اسافر معهم
عمران:لااااااااا
عبير بحزن:ليه؟
عمران:مو انتي منعتيني من حائل انا امنعك من مصر
عبير:انا منعتك لان احساسي بيصير شئ مو زين
عمران:امممممممم حتى انا احس بيصير لك شئ مو زين
عبير فاقده الامل:خلاااااااااص مع اني واصله حدي من الطفش والملل والشوق لأهلي الا اني بطيع زوجي المطيع الي ضحى
بزملائه علشاني
عمران مبتسم:اموووووووووووت انا في المطيعه
سامي بعد مافقد امل ان حسام يرجع للمخدرات فكر فكره جنونيه فكر يحط بودرة المخدرات في الشاي حتى يدمنه
وبعدها يغرق بالفلوس:ياحسام ابسوي لك شاي مافيه مثله بالوجود
حسام وهو يلعب كيرم مع اصدقائه:وش معنى حسام
سامي تفشل:وش دعوه الشباب كلهم بيدهم الي يسليهم الا انت قلت ابتصدق عليك بشاي
حسام:ايه تكفى خلنا على الشاي وبس ترا الي شفته مو بهين ياشباب انصحكم بمستشفى الامل والله رهيييييييب
احمد وعيونه حمراء وكلامه مايل من الوسكي إلي بيده:اقول العب وانت ساكت
يدق جوال عمران
عمران:ياهلااااا بخالد
الطرف الثاني:الو السلام عليكم
عمران:وعليكم السلام مين
الطرف الثاني:مستشفى رياض الخبراء
عمران:ليه وش فيه
الطرف الثاني:بصراحه شفنا رقمك مع خالد
عمران يقاطعه:طيب وش صار
الطرف الثاني:صار حادث لهم اتمنى انك تجي في مستشفى رياض الخبراء
عمران اغلق الخط وركب سيارته طياري يعني بسررررررررعه
عبير تجي معها القهوه وش فيه هذا وين راح مو اللحين يبي شاي اووووووووووووف منه بس
عبدالله يدق جواله وهو نايم
نوره:الووو
عبدالله:مين؟؟
نوره:انا انا ماعرفتني
عبدالله:تراي مو رايق لمغازلك مين انتي وراي نوم
نوره:نوره انا نوره
عبدالله قام وهو واقف بسرير من الفجئه والفرحه ويدعك عيونه لأنه مو مصدق:نوره بجد انتي وين ابجي لك اللحين طيب هذا مين رقمه
نوره:هههههههه انا في المستشفى وهذا رقم ابتسام اختي
عبدالله:انا جاي باي
نوره ههههههه ياحليله فرحان بالحيل
رامي جالس عند نوره وهو طاااااااااير من الفرحه علشانها
رامي:والله مبروووووك ياحلى اخت على ملكتك وشفائك الحمدلله
ابتسام:اللحين صارت احلى اخت ووين راحوا بعض الناس ولا في الارشيف
نوره تحاول تركز لان مو كلمه تفهمها:تكلميني ابتسام
ابتسام:لا اقول وش رايك نخطب لرامي ونفتك منه
نوره:فكره حلوه ونبي ذيك شسمها ايه بدريه
رامي:خلاص يمه اخطبيها لي هالبنت تراهم جننوني عليها وابي انسى عبيرووووووووه
يدق جوال ابتسام المتصله عبير
ابتسام:هههههههههههه الذيب عند طاريه
عبير:وش تتكلمون عني فيه
ابتسام ناظرت اخوها الي من يوم ماسمع اسمها طلع:هاه ولا شئ بس وينك يالقاطعه
عبير:والله معليش انا قطعت بالعالم كلهم بجد من قال ان الزواج يشغل
ابتسام:هههههه هذا وماجالك عيال
عبير:ههههههههه بس اخبار نوره
ابتسام:والله اللحين الي تشافت من مرضها
عبير خافت:أي مرض؟؟؟؟؟
قالت لها السالفه كلها
عمران يمشي في المستشفى ومن غير شماغ ولابس لبس النوم وشكله مبهذل وحالته حاله
وصل للطوارئ
عمران:لو سمحت ابسالك عن 3 شباب واحد احمد والثاني خالد والثالث نايف
الدكتور منزل راسه:البقيه في حياتك الله يرحمه في لحظه الحادث ماتوا كلهم
عمران يناظر مو مصدق يجلس لان اعضامه ماقدرت تشيله يبكي يبكي بقوه بعد لاكيف امس معي لا الفجر يضحكون بالتلفون
كيف يموتون يحاول يشيله الدكتور:رح للبيت وادع لهم بالرحمه
عمران:ابي اشوفهم قبل
الدكتور:خلاص يالله تعرف عليهم
عمران يروح ويفتح الشرشف الابيض الي غطى اعز صديق له خالد ويبكي منهاااااااااااااار
الدكتور يهديه وبيطلعه لكنه رفض يبي يشوف الباقين شاف كل واحد وطلع وهو منهار
راح للسياره ويمشي وهو يبكي يتذكر كيف جلسوا وضحكوا وطريقة موتتهم البشعه وكيف لو هو معهم
عبدالله وصل لنوره واهلها كلهم راحوا لانهم عارفين ان عبدالله جاء الا رامي ماراح مو معقول يخلي اخته الحالها
عبدالله يفتح الباب بقوه وهو مقطع حلقه من الضحك والفرحه راح على طول لنوره:نوره عرفتيني
نوره تهز راسها بالايجاب:وكيف ماعرفك
عبدالله:انا بحلم اكيد بحلم واحلى حلم بعد
نوره بغير تركيز:وش تقول مادري وش تقول
رامي:احم احم الظاهر انك نسيتنا
عبدالله يلتفت بسرعه متفاجئ ان فيه احد لانه ماناظر الا نوره قام عبدالله بسرعه من فوق السرير بجنب نوره:اسف والله مانتبهت
رامي:ههههههههههههههه
حسام قام من النوم اخ ياراسي راسي وش فيه وش بلاه ياسامي سم براسك انشالله وش سويت لي راسي بينفجر
سامي قام من النوم بتثاقل واستانس من صداعه:خذ هذي الحبه وبيروح الصداع
حسام:ابي بندول
سامي:ماينفع الا ذي
حسام:اخخخخخ راسي الله لايوفقك انت وش سويت فيني اروح للصيدليه اجيب بندول احسن من مقابلك
سامي:يغني بينه وبين روحه مردك مردك لي
فوزيه:ماودك تساعديني في المطبخ
زينب:لااااااااااااااااااا قولي للي ماتتسمى عبيروووووووه
عبير تدخل:ومادامي مانسمى ليش قلتي عبيروه
زينب عصبت:قاعده تجسسين علينا يالعقيم
عبير:عقيم!!!1
زينب:ايه عقيم لك 7 اشهر متزوجه ولا حملتي بكره بخلي اخوي يتزوج عليك يالعقيم
عبير زادت عصبيتها:زوجي نفسك قبل يالعاااااااانس
فوزيه:عبير زينب اسكتواااااااااااا
يفتح الباب بتحطيم ومنزل راسه وعيونه حمراء من الدموع عبير سمعت الباب انفتح راحت تبي تهاوشه ليه طلب القهوه وراح وخلاها
عبير:عمران وين كنت
عمران جالس على الكنبه وحاط يده على رأسه بشكل واحد مهموم
عبير خافت عليه:وش فيك وش صارلك
عمران ينفجر بالبكاء:ياليتني طعتك ياليتني منعتهم
عبير:مين مين لاتبيكي تراي ماتحمل دموعك(وهي تبكي لانها ماتتحمل)
عمران:صار لهم حادث طاحوا من كوبري وصار لهم حادث شنيع ماتوا كلهم بلحظتها
عبير وهي تضمه:الحمدلله انك مانت معهم الحمدلله شكرا يارب الحمدلله انك طعتني
عمران:ياليتني مت معهم
عبير تقوم مو مصدقه:استغفر ربك وش ذا الكلام بدال ماتحمد ربك تعترض على قضائه افرض انك رحت معهم انا بعدك وين اروح
عمران:عندك اهلك
عبير:انت اهلي ودنيتي كلها وخواتك مين يبقى عندهم لاخال ولاعم صل لك ركعتين واشكر ربي انه انقذك
عمران راح يتوضاء ويصلي وشكر ربه كثيرررررررررر وراح ينام كيف بيقدر ينام وهو اليوم اول مره يشوف اموات
يتخيل انه معهم وش بيصير حال خواته هم ضاعوا وهم بين يديه كيف لو انه مو عندهم وكيف حال عبير الي تغليه ونام وهو يفكر
عبير غطت عمران بالبطانيه وراحت تنام وهي فرحانه انه ماسافر معهم وخايفه من احساسها الصادق
حسام اخخخخخخ ياراسي ابمووووووووت اكلت 4 حبوب بندول مافاد
سامي:اذا تبي ترا الحبوب فوق التلفزيون
حسام:انت اكلتني شئ في هالمخدر
سامي:لا يمكن معاذ قبل مايسافر حط لك شئ
حسام استسلم واخذ له حبه وحده وشوي شوي هدا رأسه ونااااااااام
ابتسام :تراي خطبت البنت اليوم ووافقت
رامي:وليه خطبتيها ووين
ابتسام:خطبتها لانك انت طلبت مني ووين في البنك هي تشتغل بنفس القسم الي اشتغل فيه شغل مؤقت بواسطتي طبعا حتى اعرف طبايعها زييين
رامي:واهلي يدرون
ابتسام:ايه ووافقوا بعد
رامي:طيب ابي اشوفها
ابتسام:خلاص اليوم تخطبونها رسمي وتطلب انك تشوفها
رامي:وابوي
ابتسام:انا اتفقت مع ابوي وخلااااص لاتفكر الا بروحك
ام حسام وابو حسام استعدوا للسفره الي بتكون بكره وعادل بيتاخر يوم لانه مالقى حجز بالطياره له
عمران قام من النوم بعد صلاة العصر بتثاقل وهو قاعد يفكر بفراشه يالله لو عبير مامنعتني كان اللحين انا من عداد الموتى
والبيت هذا مليان كآبه اووووووووف طيب عبير وش دراها يالتني قلت لاصدقائي مايسافرون اوف استغفر الله العظيم
عمران يقرا رسايل خالد اخر رساله هذي
انا مسافر اليوم""
وماظن بعد ارجع او نلتقي!!
سامحني""
اذا:غلطت في حقك
واذ"في يوم زعلتك او سببت لك اي ضيقه او الم
او جرح ارجوك
سامحني
وخل 1427 تنفعك
المرسل 1426
يبكي عمران على صديق عمره ويبوس جواله
عبير تجي ومعها الغداء:زين قمت ناويه اقومك
عمران:مالي نفس مابي شئ
عبير:اقووووول كل ولا مالي خاطر عندك
عمران:لو لا الله ثم انتي كان انا ميت مع خوياي
عبير:الحمدلله الي نجاك
عمران:كيف عرفتي انتي عندك الحاسه السادسه انا اول مره اعترف بهالحاسه
عبير:انا ماضيعني الا قو احساسي
عمران وتدمع عيونه:ياليتني سمعت كلامك ومنعتهم
عبير:قدر الله وماشاء فعل
رامي خطب البنت وبيشوفها النظره الشرعيه
جت له وجسمها خيالي طويله ومو سمينه اونحيفه وشعرها عسلي على اشقر طبيعي مو صبغات وعيونها عسليه وجمالها
طبيعي لامكياج ولا مساحيق جذابه واحلى من عبير بعد تجنن قممممممر
رامي يناظر لها باعجاب:مبروك بدريه
بدريه منزله راسها:الله يبارك فيك خلاص
رامي:وشو الي خلاص
بدريه:يعني موافق على
رامي:اكيــــد موافق كل هالجمال والرقه ومااوافق
رامي طلع وهو مستانس بجد انا ماعندي سالفه يوم حبيت عبيروه يمكن لاني ماشوف من البنات الا هي يالله بدريه ولاغيرها
ابو رامي:وش رايك فيها يارامي
رامي:بصراحه عجتني يبه
ابورامي:يالله شد حيلك انشالله قررررريب زواجك والملكه الاسبوع الجاي
رامي:الله يطول بعمرك يبه
ابو رامي:انشالله بكره بنسوي لنوره حفلة سلامتها
عمران حس بتانيب ضمير من ناحية عبير وحس بانانيته معها:انا لازم اعوضها