|
رد: ♥♥ ░مجـــلس المـــذآكرة لمـــآدة (مدخل إلى تقنية المعلومات) ░♥♥
/
علشان تسهلونها على انفسكم لازم تحفظون ترتيب االوحدات وكل شي سهل
يعني بت .... كبرت وصارت باات 
تربرت شوي وصارت كيلو ... عقبه ميقا .. مثلا كيلو منقا للربط 
بعدين جيجا .. وجا التيرا
لين التيرا ترى ماعندنا مشكلة لان الحين لما احد يبي يشتري فلاش ميموري
السعات صارت بالتيرا خلاص الاحجام الصغيرة ماعاد توفي
اذن
بت -> بايت -> كيلوبايت -> ميقا -> جيجا -> التيرا -> البيتا بايت ->الاكسا بايت ->الزيتابايت -> اليوتابايت
نجي للعمليات الحسابية
قاعدة يعرفها كل الي درس رياضيات عند تحويل الوحدات اي وحدات
1- من كبير لصغير ااااااضرب لان عمر الصغير مايضرب الكبير 
2- من صغير لكبير أأاقسم ... فيه أدب
عندنا 1024 ثابته بين كل وحده والثانية ... والشغلة عدوا بس كم وحده بين المعطى
والوحدة المطلوبة وشوفوا شغلكم ضرب او قسمه .
/
نجي لسالفة االاسس الي موجودة بصفحة 21 بملزمة هتان ربي يسعده 
اي رقم بيعطينا اياه اساسه هو 2 وارفعه لاس
مثلا 4 هي اصلا 2 اس 2 يعني 2*2 = 4
512 = 2 اس 9 يعني 2 مضروبة في نفسها 9 مرات
ليه هالشي لان الوحدات تتمثل عندي باساس 2 مرفوع لقوة
اش معنى هالكلام ؟؟
عندنا الكيلو بايت = 2 اس 10 بايت
الجيجا بايت = 2 اس 30 ميجا بايت
ومعروف في الرياضيات ما اقدر اشتغل ع الاسس اذا ما كان الاساس واحد
فمثلا قال 256 جيجا بايت كم تساوي كيلو بايت
على طول نحول 256 لــ 2 اس شي نلقاها 2 اس 8 يعني لو ضربت 2 في نفسها 8 مرات = 256
اذن اول طرف ضبطناها 256= 2اس 8
ومن الجدول نلقى ان 1 جيجا بايت = 2 اس 20
نقطة مهمة لازم تنبهون لها احنا في الارقام نقول بين كل وحده والثانية 1024 رقم ثابت
كذلك في الاسس بين كل وحده والثانية 2 اس 10 ثابته
علشان كذا قلنا 2 اس 20 لن بين الجيجا والكيلو وحدتين
ونفس الشي من كبير لصغير نضرب ومن صغير لكبير نقسم عمر الصغير مايضرب الكبير عيب 
بس في الاسس الوضع غير مانضرب الاسس نجمعها كيف
بنفس المثال :
2 اس 8 * 2 اس 20 = الاساس ثابت الي هو 2 والاسس اجمعها 8+20 = 28
الناتج بيكون 2 اس 28 كيلو بايت
/
نفس الشي لو بحول من صغير لكبير بقسم بس في الاسس مانقسم نطرح
مثال 32 ميجا بايت كم تساوي من البيتا بايت
32= 2 اس 5
ا ميجا بايت = 2 اس 30 بيتا بايت
وبما انه من صغير لكبير اقسم 
اذن 2 اس 5 / 2 اس 30 ومثل ماقلنا في الاسس الضرب يعني اجمع الاسس والقسمة اطرحها
فراح نقول 2 - 30 = - 28
اذن 32 ميقا = 2 اس -28 بيتا <-- وما اتوقع يجيب شي بالسالب
اذا فيه شي غلط يريد احد ينبهني 
|