أهلين هذه فكرة عامة عن الأحياء والكيميا
الأحياء ماخد كثير من الكيمياء
بياخدو معانا كيميا عضوية وتحليليه وحيوية وأشياء تانية
وكمان الأحياء دحين عبارة عن قسمين نبات + حيوان بنفس الوقت
والعضوية مو صعب للدرجة اللي يصعبوها البنات >>
أتكلم عن عضوية 1 لسا ما أخدت عضوية 2
وأمتع شي فيهم الإتنين هيا المعامل
لكن إذا تشوفي نفسك شاطرة بالمعادلات وماتحسي راسك بينفجر منها أدخلي كيميا
وإذا تشوفي إنك شاطرة بالرسمات واللاتيني ومخك من النوع التصويري يحفظ رسمات وأشكال شرايح وكده أدخلي أحياء
عموما لاتقلقي كثير أي تخصص تدخليه راح تنجزي فيه إن شالله إذا ركزتي بالمحاضرات وفهمتي الشرح
والله يسهل لك ويعينك ويكتبلك التخصص إللي فيه الخير لكي
أتمنى أكون ساعدتك :)