|
رد: || نبضـــَـات نقـــيّـة ❤.
يَ لبيه حنين هوون  
مَ توقعت هالحزه اشوف احد بمدونتي
فديتس اكيد اشتقتي لي
ترآ حتى انا اشتقتلك اقوى شي 
ايه امس اختبرت اختبار نظم المعلومات العملي
كان جميل لكن اجهزتهم
صديقتي خلص الوقت وهي تو تبدء بحل السؤال الثاني عليه 15 درجة 
لان غيرت جهازها والاختبار عليه 25
تقولي دعاء تعالي ساعديني
كيف اساعدها اختبار !! 
المهم سلمت لها شغلي بفلاش والمفاجاءه الكبيره ان ما حفظت عملي بي دي اف
واروح اشغل الجهاز واعيده من جديد لان سويت كل شي وسلمته بس
سويته ع السريع بالبدي اف
واكتشف بعدها ان لازم نكتب الخطوات وانا صورتهم بس وجلست احن فوق راسها تكفين لاتنقصيني وكل اشوي اناديها
حسيت بتنجلط مني قالت لي خلاص يا دعاء خلاص  >
وانا موب قادره اقولها حرام تنقصيني والله تعبت وانا صورت كل الخطوات ليش اكتبهم!!
الحمدلله تحملتني وماسوت لي شي خخخخ
وقليل اللي كتبو الخطوات حييل
المهم السبت عندي ماده طويله قدا قدا قدا ويبيلها تركيز
اللي هي البحار والمحيطات :الجزر والكائنات اللي فيها وكيف
تكونت والانهار اللي تصب ف كل محيط....الخ
ويوم الخميس ليلة الجمعه زواج ولد عمتي قسم وقته غلط
قلت لامي مرح اروح مستقبلي اهم ولا انتو وش رايكم!؟؟ 
يالله طيرو بذاكر البحاار والمحيطات
دعواتكم يَ جميلين
|