ابشرك ياخل قلبي قد نساك
خل من هويته ياحبيبي ينفعك
بعت عزيز النفس لي يطلب رضاك
لجل الذي بكلمة يطرب مسمعك
كنت احسبك غير البشر واصلك ملاك
واثرك عديم احساس والغدر منبعك
ياريت رجلي مامشت يوم معاك
وليته خفوقي ماصدق لحظة معك
خنت شخص بالهوى عمره عطاك
خنت من حبك و بالحب دلعك
وشال احزانك طوى همك خذاك
من بعد ذاك الشتات وجمعك
كنت في قلبه ولا احد سواك
مادري يعني كيف قلبك طاوعك
ليش يا خاين نزلت مستواك
ليش قول لي ليش خلني اسمعك
كنت بدر لامع تظوي سماك
كنت متميز ونادر ملمعك
كنت نظر عيني وقلبي احتواك
كنت تحركني بشارة اصبعك
كيف تتبرى من قلب هواك
عاشقك بجنون كان مولعك
كنت تغيب وتبتعد اجهل خطاك
كنت تخدعني وانا كنت اتبعك
غرتك دنياك والمظهر عماك
بس هي دنياك لابد تلسعك
حتى ذاك الي هويته اليوم رماك
كان يتسلى معاك ويخدعك
جيتني مذلول وهو هذا دواك
جيتني نادم ويجري مدمعك
جيت تترجى وانا مابي رجاك
وما ابي اشوفك ولابي مسمعك
ذا جزاك اليوم ربك ابتلاك
خذها افراحك وللهم يدفعك
قالها المرهف وقلبه مايباك
روح عند غيره يمكن ينفعك