رغم الترابط و الوصل حسيت فـ الروح اغتراب
ودي ارجع مع صفوف الدراسه و ركابها
للمدرسه وحشه و لكن ماهي وحشة للـ كتاب
للصديقه اللي ماتناست بـ الفراق اصحابها
شوقي لـ ـها كثر ما ينتثر مزن السحاب
كثر حنين المغترب عن ديرته لـ ترابها
عودونا نلتقي بعد الاجازة و الغياب
اذا المدارس رحبت و استقبلت طلابها
و الحين صار فراقنا فرقى ذهاب بلا اياب
ما عاد تجمعنا سنين المدرسه بـ أحبابها
اتذكر اليوم الاخير المر و الفرقى عذاب
الموعد اللي ساعته من قبل كنا نهابها
ودعت كل اللي احتوتني قلوبهم قبل الذهاب
قفيت عنهم و نثرت عيني دموع اهدابها
جبنا الشهادة و افترقنا غصب عنا للـ غياب
و انتهت اغلى ثلاث سنين مرينا بها
فمان الذكريات اللي صداها باقي ما غاب
يـ الصداقه اللي ماتناست بـ الفراق اصحابها