بسم الله الرحمن الرحيم
لم اشاهد حزن ودعاوي وتذمر مثل هذا المستوى اقصد المستوى الرابع بعد أن كنا افضل المستويات ولكن خلونا نناقش الموضوع بصراحه لاني عارف بعد اخر يوم ما بنشوف احد الا شهر صفر للعام القادم وقلت دام عندنا راحه اليوم نطقطق شويه هنا
في البدايه اقول ان التقصير مننا كلنا لا يستثنى احد نايمين طول السنه طبعا كل بمشاغله لكن ما سوينا شي في هذا المستوى لا ملخصات ولا شي خاص فينا .
اغلب النشاط من اخواتنا البنات وخاصه المستويات السابقه لكن هذا المستوى الظاهر والله اعلم اننا كذكور اعديناهم معنا ولن اذكر اي اسماء من النشيطات سابقا .
احدهم ربما غضب لان احد رد عليه بأسلوب غير مقبول وهو كان نشيط طبعا كان المستوى الماضي هو عارف نفسه فغاب عن المشاركات رغم نشاطه سابقا.
الغريب ان الكثير لا نشاهده الا ايام الاختبارات وبعضهم قبل الاختبار بيوم يسأل عن المنهج ويريد احد ينزله له حتى يحمله ؟؟؟؟ وفي الاخير نريد النجاح يعني تذاكر ليلة الاختبار وتبي ممتاز ؟؟؟ عجبا
نحن داخلين علم شرعي يعني نريد الفائده لانفسنا اولا وبعد ذلك الشهاده وكل وهدفه !
الان اعرج على الجامعه جزاها الله خير ..
اعترف ان الاسئله في هذا المستوى صعبه وحتى اكون دقيق الاسئله مو الكلام عليها الكلام على الخيارات حتى لو انك فاهم تلخبطك وبعض المواد بالذات ويمكن اقول كلها واستغرب الاجماع منهم على هذا الامر وخاصه بعد تخفيض عدد الاسئله الى 50 يعني سابقا 70 من مميزاتها يمكن الدكتور يجيب من كل محاضره 5 اسئله حتى من فاتته محاضره لم يذاكرها يمشي حاله في البقيه .
طبعا انا درست وتخرجت من جامعة الامام قبل 15 تقريبا << باقي صغير ههه<< بصراحه الاسئله هنا والمناهج ولا شي يعني يمكن مادتين فقط تعادل الفقه مثلا .. اصول الفقه هنا مثلا كلام عادي بالنسبه لو ندرس روضة الناظر وجنة المناظر الرياضيات اسهل منه يعني المناهج مو صعبه كثير لكن ربما نجد هبوط في معدلات الجميع واعتقد ان اختنا الكبيره ام عمر لما تقول لاول مره الاسئله صعبه اذا نستشهد بها لانها دائما تقول الاسئله سهله لكن دام الشطار قالو صعبه اذا الامر يكون صحيح .
لذا يجب ان نتعاهد بأن نبدأ من بداية المستوى القادم بكل جد واجتهاد وكل مجموعه تتولى تلخيص ماده معينه
اقول الله يستر على اختنا خمائل الورد لولا الله جل شأنه اولا ثم هي كنا في حوسه سهلت لنا كل شي , حنا بس فقط نسخنا ماعدا اصول الفقه تغير قليل المنهج فالي ذاكر من الكتاب حل احسن من الي ذاكر المذكره
أسأل الله التوفيق لنا جميعا في المواد القادمه وان تكون الرحمه هي صفه وسمة الدكاتره لان بعض الاسئله كأن فيها تعمد في وضع خيارات تضيع الطالب .
تحياتي للجميع .. فضفضه .