|
رد: سؤال لكم اخواني طلاب جامعة الدمام
اقتباس:
المشاركة الأصلية كتبت بواسطة swerty
اقصد الانتساب المطور عندهم شهري زي المنتظمين
|
على حسب التخصص اخوي حدد التخصص اللي تقصده
لان انظمة تخصص ادارة اعمال مختلفة تماما عن دراسات و علم اجتماع
هم عندهم اختبارات شهرية حنا ولله الحمد ما عندنا
عندهم مقالي وحنا كل اسئلتنا اختياري
70 سؤال للمواد كلها وللرياضيات والاحصاء 50 سؤال من 70 درجة
30 درجه تضمن حصولها من متابعة المحاضرات وحل الواجبات والمناقشات
الواجبات تعتبر نموذج مصغر من الاختبارات النهائية لذلك من المفيد جداً تحلها بنفسك
ومعظم الدكاترة يجيبون من اسئلة الواجبات 90% تقريباً
المحاضرات كلها مسجلة وفي كل شهر اسبوع واحد مخصص للمحاضرات المباشرة
في هالاسبوع كل يوم مادة او مادتين يشرح فيها الدكتور ا ويراجع فيها ما سبق
وأخر المحاضرة تكون استفسارات الطلاب تمسك المايكرفون وتسأل وهو يجاوبك
سلبيات المحاضرات المباشرة لما تتكلم في المايك يتكلم اكثر من شخص بنفس الوقت
وها جداً سيء لانك ما تفهم معهم الا ان معظم الدكاترة يسيطرون على الوضع ويفصلون المايك
ويسلمونه طالب طالب
سلبيات الواجبات انه ممكن تكون فترة وتغلق مثل 20 يوم ويقفلونها
وفيه ناس ضروفهم ماتسمح لهم بالدخول خلال الفترة
الا ان الدكاترة جداً متعاونين ويفتحون الواجبات من فترة لفترة
والاختبار النهائي تداوم بالجامعة وتختبر مثل الطلاب المنتظمين
ما ادري اذا بقى شي نسيته ماقلته
كل هالكلام اللي قبل يخص ادارة اعمال وتسويق 
ما ادري عن علم اجتماع الا انه دراستهم مش عاجبتني 
لانها ماتفرق عن الانتظام 
|