السلام عليكمَ
لو سمحتو صديقتي تبي تقدم معيده اذا اعلنو
بس في كم سؤال
هلا فيك أختي راح أجاوب على أسألتك بلي اعرفه وانشا الله ياقمر افيدك
تبي تقدم معيده قسم انجليزيَ.؟!
وش المطلوب ..؟! لها
طبعا التقديم على وظيفة معيد او معيدة تعلن عنه الجامعة سنويا ويكون في شهر 4او 5من السنة الهجرية تقريبا يعني التسجيل للسنة هذي انتهى وصديقتك عليها ان تنتظر السنة الجاية إلى ان تعلن الجامعة عن حاجتها لوظيفة معيد وتقدم طبعا الجامعة تعلن عن حاجتها لوظيفة معيد من خلال موقع الجامعة والصحف اليومية اتبعها بستمرار وراح تشوف الاعلان ساعتها تقدر تقرا الشروط اللي تطلبها الجامعة واذا تنطبق عليها تقدر تقدم
وكم راتب المعيده .؟!
على حسب علمي
المعيد يستلم راتب أساسي على الدرجة الأولى 6650
لكن في بدلات كثيرة ويوصل فوق العشرة بالراحـة
بدل الجـامعة الناشئة 20% من الراتب الأساسي
بدل ندرة التخصص يستحقه لو كـان عدد الأساتذة السعوديين في القسم أقل من 50%
ويكون 20 % من الراتب الأساسي
بدل حاسب آلي 25% من الراتب الأساسي
إذا كان لك موقع يحملو الطلاب منه الدروس وتشرح بالكمبيوتر في المحاضرة
15% نصاب دراسي ، يعني لكل دكتور أو معيد عدد ساعات معينة في الترم
لو أخذ زيـادهـ على النصاب يستحق البدل
15% بدل غلاء معيشة من الراتب الأساسي
600 ريال بدل نقل
شنو معنى توصيه .؟!
تقدر تطبع نموذج التوصية العلمية تحصل عليه من موقع الجامعة وبعدها ترسله لاي دكتور درسها او تطلب من اي دكتورة درستها تعبأت التوصية
وعشان تتعرفي أكثر عزيزتي على التوصية انصحك بقرأت نموذج التوصية الموجود في موقع الجامعة وراح تتعرفي على التوصية اكثر
اخر سؤال تقدر تقدم بالانتساب والا بس الانتظام .!؟
هذا السؤال ماعندي علم فيه انشا الله غيري يفيدك فيه
ياليت محد يطنشني
