المشاركة الأصلية كتبت بواسطة طب الطوارئ

:s12: طيب اشرحوا لكم وش هو التامين الطبي فيه بعض الافراد يعملون في شركات او مستشفيات خاصة يعطون لموظفيها تامين صحي يقدر تعالج فيها على حساب التامين او اممكن اي واحد يروح لشركات التامين ويدفع لهم 800 ريال تقريبا ويعطونه بطاقة تامين يتعالجه به على حساب التامين .

طبعا نجي كيف راح يكون عملك بعد ماتتوظفين طبعا :

في المستشفيات الخاصة : اذا توظفتي بمستشفى خاص راح تكونين مع اتصال مع الشركة المسؤولة عن التامين يعني فرضا جاء واحد معه تامين صحي وكشف وعطاه الدكتور ادويه طبعا فواتير الادوية والكشف والاشعة راح تاخذينها انتي وتعملي لها نسخة وتحطينها في ملف الشركة الي راح يكون عندك طبعا وايضا تشوفين تامين المريض في الكرت الي معه نوع الدرجة اذا كانت A أو B أو C أو D أو VIP فمثلا اذا لا قدر الله المريض محتاج انه يسوي عملية بعد ماتشوفين الدرجة ترسلين خطاب للشركه انهم يوافقون على اجراء العملية للمريض ويتحملون تكلفتها فالشركة راح ترد عليك اذا وافقوا خلاص اوكي اما اذا رفضت الله يعيين المريض يدفع من جيبه وهكذا .

في الشركات : راح تكونين مسؤولة عن اخراج كرت التامين للموظفين وكم حاطة له الشركة مبلغ للتامينه الصحي وتحطين علامة الدرجة على الكرت وهكذا وتستقبلين الخطابات من المستشفى في حالات العملية والعلاجات والكشف .

زي ماقلت حامل الشهادة هذه راح يستفيدون منه الشركات والمستشفيات الخاصة بشكل كبير اما القطاعات الحكومية ماظن فيه ...

انا قلت لك الكلام هذا لاني سبق وعملت في مستشفى خاص وشفت مكتب التامينات في عملهم وللامانة الموظفين الي فيه ولا واحد معه شهادة التامين الطبي يعني الي معه دبلوم التامين الطبي راح ان شاء الله يكون فرص الوظيفيه كبيره باذن الله .