ملتقى طلاب وطالبات جامعة الملك فيصل,جامعة الدمام - عرض مشاركة واحدة

МǿђДммєĐ · 2010- 3- 27

اقتباس:

المشاركة الأصلية كتبت بواسطة مابيصحش تسذا

هلا بن ثاقب

زي ماقلت اذا تزوجت يمكن احبها بل متاكد اني راح احبها

والحسا زي ماقلت مدينة تاريخية من حيث القدم فقط وانها ماهولة بالسكان بحكم وجود المزارع والعيون

الحسا فيها خير وقد عاش على خيرها ناس كثر

بس لاتبالغ في مدحها

عندما يجتمع التاريخ والحضارة عندها سادع لك المجال في مدحها

ماقصدته بالحضارة هو المجتمع

المجتمع هنا اجتماعي وطيوووب بس لسى يبغاله كثير على بال مايتطور

علشان اوضح لك

امشي في اي شارع بالحسا وشوف كيف السواقه

وقف عند اي اشارة وعد كم واحد قطع الاشارة وكم واحد لم يقف عند الاشارة البرتغالية

وانت واقف عند الاشارة شوف كم واحد يدق عليك بوري عندما تصبح الاشارة خضرا

عند البنك شوف كيف الناس تصف طابور وكيف تشوف ناس يدخلون عليك عرض

اشياء كثيييرة

ولكن يبقى هالبلد رائع

فليالي هجر الباردة اللي ترد الروح تنسيك كل هموم الدنيا

الحسا يحتاجلها سنوات ضوئية لكي تتطور

قد تكون ادارة هذه المدينة هي مايحتاج الى تطوير وبث دماء جديدة تعيد للاحساء توهجها

دمت بود

تقول مدينة تاريخية من حيث القدم و انها مأهوله بالسكان احد قال لك انها منطقه نائية ..!!
وحتى لو بالغ في مدحها اعتبرها وجهة نظره و احترم هالشي مثل ما احترم وجهة نظرك ..

وصدقني بالحسا تجد التاريخ + الحضارة ( عاد ما ادري وشـ الحضارة اللي ببالك ) ..
وما ادري وشـ مرئياتك حول تطور هذا المجتمع وعلى اي اساس تقيس انه ماهو متطور .؟!

قطع الاشارة المرورية او التهور في القيادة في كل مكان تشوفه ..
حتى في الخبر و الدمام اشوف هالاشياء بشكل يومي ..
هذا غير اللي يجيك سكران من الجسر و يحد في خلق الله يبي يوصل بيتهم ..!!
غير العماله و الشركات و زحمتهم و وماتكلمنا عن كثرة الحوادث وين ..
وإذا صار حادث يوقف الشارع كامل واللي قبله و تجلس تتفرج كل واحد طاب في حضن الثاني ..
يبي يطلع قبل ^_^
لكن الدعوه ما نقيسها بها المنطق او على تصرفات بعض الاشخاص او جزء منهم ..

وعلى فكرة اغلب سكان الخبر + الدمام + الظهران + الجبيل من الحسا ..
او تحسه واحد متغرب من اي مكان في المملكة و انتقل للعمل ..
الا بسألك انت من وين ..؟؟
لا تقولي من الخبر لاني بقولك اهلك اصلهم من وين برضوا لا تقول من الخبر :)

سنوات ضوئية لكي تتطور ..؟!
تتطور من اي ناحية ..؟؟
علمياً مثلاً وانت الآن تدرس في الحسا هذا غير الكليات المتوفرة فيها ..
وغير كوادرها اللي معبين المملكة خاصه الشرقية ..
او تتطور من ناحية الشوارع .؟
اللي ماسك امانة الحسا ماتدري ان بلدية الخبر يترجونه يجي عندهم .؟
تتطور من اي ناحية ..؟؟
يتطورون اهلها ..؟
اهلها كذا طبعهم الطيبه وهذا الطبع الغالب للي تكون بيئتهم زراعيه او ريفية او حتى على السواحل ..
بعكس مثلاً من تكون بيئته جبلية او برية ..
برضوا نرجع و نقول يتطورون من اي ناحية باللبس مثلاً .؟
تبيه يلبس ( طيحني ) وشعره ( كدش ) .؟
ولا البنت تطق اللثمه و لا تتحجب و تشد العباة .؟
وشـ التطور بالضبط اللي تقصده و السنوات الضوئية اللي تتكلم عنها ..؟

عموماً
عدم دخولك العثيم او ازدحامك في بنك او شخص قطع اشارة من عندك ..
لا تقيسه على الجميع :)
و الاختلاف في الرأي لا يفسد للود قضية ^_*

سجلوني معكم من الحسا مع اني سكان الدمام و سكان الحسا بنفس الوقت ..
حتى الاختبار اخترته في الحسا ..
ويالبى الحسا و لبى كلش ههههههههههههههههـ ..