ملتقى طلاب وطالبات جامعة الملك فيصل,جامعة الدمام - عرض مشاركة واحدة - طلب خاص .. للرياضيات ممكن احد الاعضاء يفيدنا

بوبديـــــْع · #1 2013- 5- 17

اخواني اخواتي .. السلام عليكم ..
انا خويكم ترااا وقرربت اتخرج .. انا الحين بااختبارات مستوى سابع والترم الجاي تطبيق بإذن الله ... بعطيكم نبذه بسيطه بس عنكم .. ورب الكعبه اني من افكر بموضوع او حاجه ابيها القاها على طوول ... وهذا ان دل ..دل على موده وتعاون ومحبه واخوه بيننا عساااها دووم .. والله الذي لااله الا هو اني خريج كلية التقنية عام 1424هـ ولم القى يوم في حياتي من حياة الدراسة الجامعية السابقة تعاون وود بين الطلبه .. بل كان بيننا بصراحه حسد وحب للنفس رغم انها دراسة للانتظام والمفروض ان الواحد يحس بزملاءه اكثر من الحين ... بس اللي انا اشوفه وانقله للناس صدقووني عجب ,,, والله تعاون بيينننا الله لا يغيره للابد .. وعسى الله يكثر من امثالكم يااخواااني واخوااتي ... ادري اني طولتها بس خل اعطيكم الزبده اللي ابيها هالمره وبكل دلع بعد هالمقدمة اللي تشرح النفس خخخخ ... اخص بالطلب المتفرغين سواء من بنات او شباب .. احنا اغلبنا موظفين وعندنا عيال والتزامات ومثلكم خابر ... الواحد يادوبه ينسق عمله والتزاماتي الاسريه ... وحاب اطلب من المتفرغين او الدوافير الكرام يحطون لنا اسئلة اختبار السمستر الي طاف واللي قبله ان امكن للرياضيات لمعلم التربية الخاصة.. لاني احس هالمره مجزأأه شغلة الاسئلة وحاس بشوية حوووسة ... فلهذا الله يخليكم رتبوا لي الاسئلة ببرنامج الوورد مع حلها جزاكم الله خير .. لان ماعندي طابعه وبطبعها بكره في المكتبة .. جزيتكم خير وربي يحفظنا ويوفقنا واياااكم ... وبالتوفيق لنا جميعااااا .... عاااشوااا
ملاحظه مهمه جداا .. ماسأألتوني ليش كل هالحماس ..لأن الدكتور خالد المطرب ماااخذ عنده ماده مهارات الاتصال مأاجلها انا واختبرتها اليوم الخميس الفتره الثانيه وذاكرت الاسئلة للترمين الي طافت ,, ولحسن الحظ يمكن وبلا مبالغه 40 فقره من اختبارات الترمين اللي طاف جابها في الاختبار .. فلهذا جرااا التنويه والتنبيه ..