-



شرح دالة المجموع " sum " :
هناك طريقتين لإيجاد المجموع ,
اولاً عن طريق ايقونة في برنامج الاكسل وهي fx :



من نضغط عليها راح يطلع لنا مجموعة من الدوال وكلها بالانجليزي طبعًا
الدكتور قال مو مطالبين بالمصطلحات الانجليزية
الا الدوال لانها مو موجودة الا بالانجليزي وحتى لابد من كتابتها بالانجليزي ليظهر الناتج ..
طيب نكمّل ..
بعد مانضغط على الـ fx بتطلع لنا نافذه مثل هذه :



طبعًا بتطلع لنا مجموعة من الدوال ..
الدالة اللي نبيها هي المجموع " sum "
نشوفها أول وحده
لما نضغط عليها تطلع لنا النافذة هذه :



اول شيء انا كتبت ارقام عشان اشرح لكم عليها لان ماينفع نسوي الدالة بدون مايكون عندنا ارقام نبي نحسبها ..



الحين نروح للخانة اللي بعد آخر رقم و نضع المؤشر عليها عشان لما نسوي الدالة بيطلع لنا المجموع فيها او اي مكان تبونه بس الافضلية بعده :



الحين نرجع نضغط على الـ fx و نختار sum و تطلع لنا النافذه اللي سبق و حطيتها ..
طيب طريقة الحساب كيف تكون ؟
كذا :



a1:e1
يعني من الخانة a السطر 1
إلى الخانة e السطر 1
يحسب لنا مجموعها ..
تمام كذا

طيب لو ابي احسب من a-c وش اكتب ؟
نكتب كذا :

a1:c1
وبيطلع لنا الناتج

اهم شي النقطتين اللي فوق بعض
مانحط جمع ولا طرح و لا فاصلة ولا شي !

ولو حبينا نحط فاصلة صحيح لكن بيطول الشغل مثل :
a1,b1,c1,d1,e1
وبيطلع لنا المجموع
اختصار للوقت نحط " : " لانها تعتبر المدى اي المجموع من a1 مثلاً و حتى e1

-

نحط موافق بالنافذه اللي حطينا فيها الاشياء اللي نبي نجمعها
و راح يطلع لنا المجموع هكذا :



فله صح ؟
حسيت بإنجاز لما سويتها
طيب اذا نبي نختصر الوقت ونكتبها بدون مانرجع لايقونة ادراج دالة ؟
سهله
قبل كل شيء العمليات الحسابية لابد انها تسبقها " = " .. يساوي طبعاً
نروح لخانة الـ f اللي نبي نطلع المجموع فيها نكتب :
=
طيب وبعدين ؟
نكتب دالة المجموع اللي هي " sum "
بكذا صارت :
=sum
الحين ركزّوا
لازم نحط اقواس للشيء اللي نبي نحسبه كذا :
x=sum(a1:e1)x
الـ x حطيته عشان يترتب الكلام فقط هنا لان ماراح يترتب زين بدون حرف قبل وحرف بعد
طيب نشوف كيف نكتبها بالخانة عشان توضح لكم اكثر :


زي ماقلت الـ = نحطها قبل كل عملية حسابية ثم اسم الدالة ونفتح قوس و نكتب المدى
اللي هو من a1 إلى e1 او اي شي نبي نحسبه مع بعض طبعاً مانحط + او - او خلافه
فقط " : " لانها تدل على المدى و حساب المجموع
الفاصلة نقدر نحطها ولكن بتطول السالفة ..

-
وبكذا خلصنا ..
دالة المجموع سهله جدًا كـ بقية الدوال ..
اكتفي بها الآن ..
اللي استفاد من الشرح يطبّق و يشوف اذا فهمها ولا لا
و اللي ما استفاد ويبي اشرح بطريقة مفصلة اكثر يبلغني ..