|
رد: الجداول المالية وطرق الحل
اقتباس:
المشاركة الأصلية كتبت بواسطة hanan alanazi
هذا نفس السؤال 27 بأسئلة سعيدان وابان
سؤوالي ::
ليه اختار الجدول رقم 1
وماختار جدول رقم 2
لانه فترات متساويه ومنتظمه ورقم 1 غير منتظمه
ممكن توضيح الاجابه اخوي المسافر؟؟؟
|
الحقيقة ما أذكر وش هي الحالة
ولكن شفت صورتين مرفقات في أحد مشاركاتك
يبدو أن السؤال ما هي القيمة المستقبلية للمشروع في نهاية الاستثمار :
بما أنه مستقبلية فحنا بين خيارين
الجدول رقم 1
أو الجدول رقم 2
نشوف الحين هي منتظمة (يعني كل سنة يحصل نفس المبلغ )
و إلا غير منتظمة ( يعني كل سنة مبلغ مختلف أو "وتحتها خطين" ياخذ كامل المبلغ مرة وحدة بآخر المشروع)
إذا هو يحصل كل سنة نفس دفعة فهذا يعني دفعات منتظمة و نستخدم معها الجدول رقم 2
غير كذا نستخدم الجدول رقم واحد
يعني لو قال
السنة الأولى 1000 ريال
السنة الثانية 1000 ريال
السنة الثالثة 1000 ريال
و طلب القيمة المستقبلية ..... نستخدم الجدول رقم 2
ولو طلب القيمة الحالية ...... نستخدم الجدول رقم 4
ولكن لو قال
السنة الأولى 1000 ريال
السنة الثانية 1400 ريال
السنة الثالثة 3000 ريال
و طلب القيمة المستقبلية ... نستخدم الجدول رقم 1 مع كل مبلغ على حده .....
ولو طلب القيمة الحالية .... نستخدم الجدول رقم 3 مع كل مبلغ على حدة .....
يعني ناخذ مبلغ 1400 حق السنة الثانية و نروح للسطر رقم 2 و نضربه بمعامل الخصم (طبعاً حسب نسبة الخصم اللي تحدد العمود)
و ناخذ مبلغ 3000 حق السنة الثالثة و نروح للسطر رقم 3 و نضربه بمعامل الخصم (طبعاً حسب نسبة الخصم اللي تحدد العمود)
بالنسبة للصور اللي أرفقتيهن
هذي واضح أن فيها خطأ من ضرب الرقمين مع بعض ، يعني 33 ألف * 1.6 = 200 ألف !!!
هذي الصورة منطقية إن كان السؤال يطلب القيمة المستقبلية للاستثمار في نهاية المدة
بالتوفيق 
|