-




تابع : شرح دوال الإكسل .

#شرح دالة المجموع .
#شرح دالة حساب المتوسط أو المعدل .
#شرح دالة العد او الحساب .
#شرح دالة أعلى قيمة و دالة أقل قيمة .

دالة " if " الشرطية :
هذه الدالة يبي لها شوي تركيز
لان فيها اشياء جديدة غير اللي شرحتها بالدوال اللي قبلها ..
كما هو معروف : if = إذا
و الشرطية يعني لابد فيها شرط !
يعني مثلاً هذه الدالة تنفعنا بالتقدير !
تكون درجة النجاح من 60 و فوق
و الرسوب اقل من 60 ..
نبي نحسبها بإستخدام الدالة
اي نطلع تقدير كل طالب باستخدام دالة if الشرطية
و كما ذكرت لازم شرط
والشرط هنا اذا كان معدل الطالب من 60 و فوق ناجح
واذا كان اقل من 60 راسب ..
شلون نكتبها بالاكسل ؟
الدكتور ذكر فقط طريقة وللاسف طبقتها ولا طلعت صحيحة
مع العلم ان الاكسل عندي " 2010 " فـ اللي عنده الاكسل 2007 يطبق مع الدكتور يمكن ينفعه ..
طبعًا انا مارحت بعيد استخدم ايقونة ادراج دالة ..
واخترت الدالة الشرطية if
و ظهرت عندي هذه النافذة :


طبعاً أو خانة او مستطيل راح نكتب الشرط ..
اللي قلناه قبل شوي
اذا كان المعدل اقل من 60 راسب
و اذا كان يساوي او اعلى من 60 ناجح
يعني بتكون الدالة كذا " مصورتها من شرح الدكتور "


انا مارضت تضبط معاي اضطريت ارجع لـ ايقونة ادراج دالة Fx ..
وكتبت كذا :



لاحظوا في خانة التقدير كيف جات الدالة !
اختلاف بسيط فقط الدكتور حط " , " و هنا ظهر لي " ; "
ممكن لان اللي عندي 2010
عموماً وصلت الفكرة
الحين بأشرح لكم اللي بالخانات
لما ضغط على ايقونة ادراج دالة و اخترت الدالة
ظهرت لي النافذة اعلاه
اول شي كتبت الشرط
الا وهو :
F2<60
F2 < المعدل لو لاحظتوا موجود بالخانة F وانا ابي احسب حق الطالب الاول فقط فـ كتبت F2
يعني اذا كان المعدل اقل من 60 كتبت بالخانة الثانية راسب
يعني حطيت التقدير اذا كان اقل من 60
والخانة الثانية اذا كان اعلى من 60 حطيت ناجح
مو لازم اعيده من جديد واكتب :
F2>60
لا خلاص
يكفي اننا كتبنا شرط و راح يضبط معانا
طيب لو حطيت :
F2>60 بأول خانة بدال F2<60
راح يكون التقدير اذاً ناجح
نستبدل الخانة الثانية بـ كلمة ناجح و اللي تحتها راسب :)
نضغط اوكي وراح يطلع لنا التقدير ..
الحين نبي نطبق هذه الدالة على كل الطلاب عشان اطلع تقديراتهم ..
سهل ..
نمرر الماوس او المؤشر على الخانة الأولى لحد مايطلع شعار + بالأسود
مثل هذا
هذا طبعاً رسمته انا لان وقت تصوير الشاشة مايطلع المؤشر فقط كـ تقريب لأجل تعرفون :



وبرضو شوفوا الدالة طلعت لنا نتيجة التقدير :)

المهم اذا طلع لنا هالزائد الاسود نسحبه لتحت لآخر معدل اللي هو 90.5 و بتطلع لنا تقاديرهم كلهم :



كلهم معدلاتهم فوق 60 حطيت لأجل كذا ماطلع لنا احد راسب

-

الحمدلله كذا انتهينا من الدوّال كلها ..
اللي عنده اي استفسار يتفضل