السلام عليكم ....شحالكمـ

شفت السالفه طويله قلت انزل لها موضوع وأعطيكم وشصار معي ^^

وصلت الكلية ساعه 9 بعدما خلصت كذا شغلة عندي ورحت سيدة لمكت الدكتورة لقيته مغلق لأن عنده مراقبه في لجنه إختبار عاد أنا طول الله بعمركم نصبت مخيم عند باب المكتب ونتظرتها تقريباً ساعه لحد ماوصلت

وخبرتها عن السالفه وقالت هي عندها علم مسبق بهذا الشي بحكم المسجات الي توصلها
لكن للأسف مابيدها شي...عطتني رد مثل ردت حلا الروح22
إلي صار كله غلط من النظام وإن الدكتورة نزلت لنا الإختبارات كامله والخطأ مش من جهتها أبداً
وإنها تواصلت مع النظام وهو أكد لها الخطأ مش من جهتها إنما يقع علينا نحن الطلبه بحكم إحنا حلينا بسرعه....قلت لها كيف الخطأ من جهتنا والنظام أدرى بنفسه شريحه كبيره من الطلاب هذا إذا مب كلنا ناقصين ردت علي الدكتورة إن فيه بنات أخذوا عندها كامل

عاد أنا هنا استغربت....اخذوا كامل

وهي تعرف ومافي يدها شي ...قلت دامج تعرفين إرصديها لنا يدوي قالت ماتقدر ...
قلت بس نص ع الاقل إبريه لنا قالت إن شالله ,,,وقلت والدرجه الكامله مابترصدينها قالت لا

شكرت الدكتورة وطلعت سييييده حق مكتب الوكيلة /منيره المهاشير

والدكتورة منيره أخذتني عند المنسقات وطلبت منهم يسون لي خطاب لأحد الأساتذة
نسيت اسمها ^^"

شرحت السالفه للمنسقه إن الدكتورة نجلا نزلت لنا الإختبار كامل والنظام خسفنا ويقول الغلط من جهتنا إحنا الطلاب

عاد هي دخلت البلاك بورد تتأكد تتوقعون شنو طلع؟!

الغلط مب من النظام ولا من الطلاب إنما من الدكتورة نفسها
وبعد مافيه ولا طالب أخذ الفل مارك وكلنا نفس الدرجه أو أقل

عاد أخذت رقم تلفوني واسم المقرر ودكتورتنا عشان تسوي لنا خطاب وتصلح الوضع
وسألتها هل بقية الطلاب بيتعدل وضعهم؟
قالت بمجرد تعديل وضعك بقية الطلبة بيتعدل وضعهم بعد^_^
ومن شويتين شيكت ع البلاك بورد وماتعدلت الدرجه وبكرا إن شالله بشوف شنو صار بعد وياهم إن شالله جاب الخطاب نتيجه وتتعدل درجتنا

ما أضمن صراحه هم بيردون لي خبر على تلفوني...بقعد وراهم للأخير

وماضاع حق وراه مطالب

وبس كل التوفيق لكم في إختباراتكم عسى ربي يسهلها عليكم