|
رد: ورشة عمل النقود والبنوك
اقتباس:
المشاركة الأصلية كتبت بواسطة aრooََl
الله يجيب العواقب سليمه ..
احد يشرح معنى هالكلام ..
اذا اراد البنك المركزي زيادة عرض النقود من خلال زيادة قدرة البنوك التجاريه على خلق النقود او خلق الودائع فان البنك في هذه الحاله يخفض نسبة الاحتياط القانوني مثلا من 40% الى 20% فتزداد قدرة البنوك التجاريه على منح الائتمان وخلق النقود فيزداد المعروض النقدي والعكس صحيح اذا اراد البنك المركزي تخفيض عرض النقود من خلال تخفيض قدرة البنوك التجاريه على خلق النقود او خلق الودائع فان البنك المركزي في هذه الحاله سيرفع من نسبة الاحتياطي القانوني من 20%مثلا 40%وتنخفض قدرة البنوك التجاريه على منح الائتمان وخلق النقود فينخفض المعروض النقدي وهنا يؤثر تغيير الاحتياطي القانوني على مضاعف الودائع
|
مع ان الأخ الفاضل "معقول" شرح الموضوع الا بحاول بطريقتي لتعم الفائدة ، قتقبلوني ...
السؤال الذهبي هو كيف يؤثر البنك المركزي في الاقتصاد من ناحية عرض النقود و السيولة في الاقتصاد ؟
لنفرض أن البنك المركزي هو "أنور" و البنك التجاري هي "أمل"
أمل جشعة تبي تسوي فلوس و تتربح لأنها تاجرة وهذا صميم عملها، أمل تسلف خوياتها بالصف و تاخذ فائة من ذيك السلفات (ربا و العياذ بالله)، لكن المشكلة لما اعطت الناس كلهم فلوس وصار كل البنات يقدرو يشترون الي يبون، طمع صاحب المقصف ويبي جزء من الكيكة، فرفع الاسعار وصار يبيع الزعتر بريالين بدل ما كان ريال و البيبسي بثلاث بدل ما كان بريال و نص، طبعا الاسعار غير مقبولة بشكل عام لانها مرتفعه، فأنور شاف الطريقة الوحيدة ان اكلم أمل و أقلها توقف تسلف ناس او تقلل المبالغ الي تسلفهم هيه ( ، أحيانا امل تسمع الكلام و احيانا تجحد لانها بس تبي تسوي فلوس، فانور يضطر يجيب الملاس و يقلها اذا تبي تتمين في عملك بالتسليف لازم تخلي عندي 4000 ريال تأمين واقف (الائتمان القانوني)، امل توهقت و قلت السيولة عندها فبدل ما تستفيد من الـ 4000 ريال و تسلفهم و تسوي منهم فلوس صار عندها 1000 ريال فقط!، فما عادت تسلف كل البنات زي اول، و البنات في الصف قامو يطفرو، و راعي المقصف انتبه للوضع و اضطر ينزل السعر ، لأان محد بيشتري منه لانهم مطفرين فرجع الاسعار زي أول
لكن انور اذا كان يبي المقصف (السوق) ينشط، بيشجع أمل و يقلل التأمين الـ 4000 الى 500 مثلا، فصار عند امل فلوس اكثر تشغله مرة ثانية ، فرجعت تسلف البنات ، البنات نغنغو ، و المقصف رفع الاسعار مرة ثانية
وكذا خلصت الحتوتة
بروح الحين اشوف المسألة أبو جدول ، الدكتور كنه جايبها من جهنم و العياذ بالله ، فالعصر قفل مخي لان اول مرة اشوفها ...
بالتوفيق
|