الجزء التاسع///
مها قاعده على زاوية قطعة البيت المحيطه لها جدران او حيطان فلة جيرانها وهي كاشفه لان طرحتها طاحت عند اخر الشارع
تقوم من مكانها وتروح لوسط الارض الفارغه من كل شئ وتكلم مكان فيها وهي جالسه كأنها تكلم احد وهي تبكي
بابا كان هنا جالس وكان يقرا الجريده ماما كانت جالسه هنا وبيدها كاس حليب قبل ثلاث ايام كانت امي زعلانه على
علشان عبدالله حبيبي لا مو حبيبي كان حبيبي لو ماطلعت له ورحت لبيتهم كان ماصار الي صار لا يابابا تعال انت وماما
انا بدونكم مين انا مافيه ااحد يبيني الكل يكرهني الكل زعلان على انا ضايقت الكل وجودي
فجائه تضوي قطعة الارض من إنارة سيارة عبدالله لكن مها مارفعت نظرها لانها منسجمه وتتكلم عبدالله يناظر ومو مصدق
مها وش جابها وش تبي من هنا ليه جت وكيف ينزل من السياره غرررريب مين تكلم مها ووش تسوي
يقرب لها عبدالله ومها منسجمه تتكلم بابا ارجع لي ياما ارجعي مافيه احد يحبني الكل يكرهني الله يخلكم ارجعوا مابي بالدنيا
كلها الا انتم
عبدالله يقرب وهو يسمع كل شئ:مها
مها تلتفت له مفزوعه وتغطي عيونها لان إنارة السياره قويه تدعك عيونها وتناظر زين
عبدالله:مها وش فيك مين تكلمين
مها ناظرت له زين:وش تبي فيني ماقلت اليوم اني راميه حالي عليك خلاص اتركني لاتخاف ماراح اجيلك ابدا
عبدالله حزن:لا ماقلت
مها:انا دايم اسمعك تقول لساره اني ملصقه نفسي عليك وماكنت اصدق روحي لكن اللحين انا مابيك بجد انا راميه روحي عليك
صح؟؟؟
عبدالله قلبه يزيد طعنات وحزن لانه يشوف حال مها الي يقطع القل:انا اسف ماكان الكلام ذا من قلبي خلاص انا ابيك
مها بصوت عالي ممزوج بصياح وبشهقات:انا مو لعبه تبيني وماتبيني
عبدالله:خلاص نتزوج
مها:وخلود
عبدالله:وش فيها
مها:خلود انت تبيها صح ماتبيني انا اكرهك انت السبب بموت بابا وماما
عبدالله:لا مو انا السبب هذا شئ مكتوب
مها يزيد صياحها وتأشر على قطعة الارض الي وراها:هنا كان بابا جالس وهناك كانت ماما واقفه وهنا انا قلت لماما ابروح علشان
عبدالله وهنا قالت ماما لاتروحين لان عبدالله مايبيك وهنا صارخت في وجه ماما وهنا كانت السياره واقفه وهنا كنت اشرب زجاره
وتأشر لفوق وهنااك قالت ماما روحي انا بنزل وهنا انفجرت السياره والبيت وهنا كانت جثة بابا وهناك كانوا الاسعاف شالوا
ماما وانا ماشفت ماما ماااااااااااااااااتت ماااااااما وانا ماشفتها تصارخ بقوه صرخات متفرقه بابا ماااااااامااااااات مااااااما ماماتت
لااااااااا
عبدالله تقطع قلبه على حال هالمسكينه الي قاست بالبدايه عشقه وعذابه وبنهايه فراق اهلها دمعت عيون عبدالله:خلاص حبيتي (سكت
تكلم بقلبه انا كيف قلت لها ذي الكلمه
مها:ابعد عني انا ابعيش طول عمري محرومه بالبدايه حبيتك ونسيت اهلي وبعدها راحوا اهلي لا وانا بروح معهم اشتقت لهم بروووح لهم
(تركض مها بسرررعه تروح للشارع الخلفي الي قليله السيارات فيه نظرا للوقت
عبدالله اختبص مايدري وين يروح بسياره ولا برجله من غير تفكير ركض وراها بسررررعه وراح وراها
مها تمشئ بسرعه وهي تبكي لا بابا وماما انا بجي لكم ابجي لكم انا ابيكم تركض وتروح تشوف سياره مسرعه لانه يبي يلحق
على الاشاره وتقطع الشارع العام وحااااااااااااااااااادث شنيع
عبدالله وصل بسرعه لانه وراها ضرب راسه من الفاجعه وراح لها بسرعه:مها قومي انتي غبيه لا (ويشيلها بسيارة ذا الرجال الي صدمها على المستشفى
خلود مانامت وهي تفكر كيف اسوي معه اوووووف بجد ملل مابي اتزوج طيب والمدرسه يالله من زمان وانا غايبه
اوووووووف اقول خلني اطلع بس بجد انا خايفه لان المزرعه في الليل تخوف والاصوات بعد تخوف
اوووووف وش فيني انا دايخه وبردااانه اقول خلني اروح برا لا ابفتح الشباك قبل علشان اتطمن
فتحت الشباك وبما ان له صوت شافها ماجد الي كان جالس عند النار والحطب ابتسم تعالي خلوده
خلود شافته اتطمنت وشوي فرحت طلعت له كانت لابسه جلابيه فخمه لونها تركواز على لحمي على اخضر بجد جذاااااابه
ماجد يصفر وو واااااو:بجد قمر ياخلود لا والقمر يتمناك بعد
خلود استحت:بجد مشكور وهذا وانا مالبست لبس كشخه من الي جبته لي
ماجد:انتي حلوه لو بلبس مشرشح(مايدري ان الموضه طالعه مشرشح
خلود مبتسمه وساااكته
ماجد:وش فيك واقفه اجلسي بقولك قصص حلوه
خلود:اي قصه؟
ماجد:بقولك عن قصه ضحكت لينا
خلود:خلاص قلها
ماجد:بيوم من الايام كان فيه واحد من الشباب يسوق له تاكسي عند سوق شعبي بالرياض وجت له وحده حبشيه ماعرف انها
حبشيه الا من لهجتها لانها كانت لابسه قفازات وشرابات وعباءه كامله مو باين منها شئ ومعها كيس كبير قالت افتح الشنطه الخلفيه
للسياره فتحها وحطت الكيس المغلق باحكام ركبت للسياره وكان بيدها طفل صغير يبكي بصوت عالي والطفل ملفوف عليه
بشرشف ابيض ويبكي الطفل بقوه ويصارخ يقول انه وداها مكان بعيد لكن في الرياض ويوم مصلنا قالت كم الحساب
قال خمسين ريال قالت خلاص اصرف الخمسميه من عند ذي الصيدليه راح ورجع قال مايصرف قالت انتم يالرجال ينضحك عليكم
يصرفونكم عطني انا اصرفها قال لا كيف اخاف تناحشين قالت ولدي نايم عندك قال خلاص راحت وأخذت ساعه ساعتين ثلاث
طولت والطفل نايم واروح اشوف الطفل القاه بركه من الدماء والقى سكينه في بطنه
خلود صرخت:لاااااااااا
ماجد:وش فيك ماكملت
خلود وهي تحرك شفايفها استعداد للبكاء:كمل
ماجد:راح على طول للشرطه وبلغ اتهموه قال فيه احد يسوي جريمه ويروح للشرطه وبعدين تذكر شئ اييييه تذكرت فيه كيس كبير
في السياره ورا راحوا الشرطه فتوحو الكيس ولقى رؤؤس اطفال
خلود تبكي:لااااا وش ذا حرام عليك
ماجد:وش فيك بكيتي لينا كانت تضحك
خلود تكلم بتردد: لينا المسكينه ضحكت لانها ماتدري انك تحب القتل والاجرام وماشافت اخوها ينذبح قدامها
ماجد نزل راسه:انا اسف
خلود انتبهت لكلامها:انا اسفه مو قصدي
ماجد:لاعادي بس عن اذنك ابجيب شئ
خلود طارت خوف ورعب خافت انه بيذبحها وتناظر له بكل رعب وخوف
ماجد يضحك:لاتخافين والله مأجيب مسدس ولا سكين
خلود تناظر له باستغراب انا لازم اتعامل معه زين يمكن يترك الاجرام واكون انا السبب
مها ينقلونها للسرير الابيض الملئ من الدماء ويوصلوها قسم الإنعاش
عبدالله منتهي من الحزن ويفكر بحالها ماتستاهل ذي المسكينه حرااااااااام
ماجد بيده حليب ساخن وقطعه من الخبز البر يمشئ بالليل المررررررعب ويوصل عند المكان المنير بفضل الحطب والنار
ماجد:تفضلي ياحلى خلود بالدنيا تصدقين اني اتمنى انك تروحين لخالك الي بالشرقيه
خلود:ليه
ماجد:اتمنى اعرف قصة اختك لينا من اولها لاخرها وكيف انخطفت
خلود:حتى انا اتمنى بس حاسه ان في الامر غلط(سرحاااااااااانه
ماجد:هوووووووووه وين رحتي
خلود:للطفل المذبوح
ماجد:اي واحد
خلود:الي قلت لي قبل شوي
ماجد بابتسامه:اها تصدقين امنيتي اتعرف على ذا الحبشيه احس انها كذا (يأشر بيده)يعني حركه
خلود:يماااااااااااه
ماجد:وش فيك خفتي عاد تصدقين انا بحياتي مأنبني ضمير مثل الحركه الي سويتها
خلود:ليه وش سويت؟؟
ماجد:بيوم من الايام تزاعلت انا وشباب كسروا سيارتي تدرين كيف رديت لهم الثأر
خلود بابتسامة استهزأ:اكيد ذبحتهم
ماجد:لا سويت اكبر
خلود:اجل دفنتهم احياء
ماجد:لا اكبر
خلود:اجل وش سويت احرقتهم بموية نار
ماجد:لا اكبر
خلود:اجل وش سويت فيهم!!!!!!
ماجد:بيوم من الايام وتحديدا يوم الثلاثاء قبل مده كان ولد راجع من المدرسه كان بصف اول ثانوي راجع هو وصديقه
وانا اركض وراه مسررررررررع
خلود قلبها يدق بسررررررعه
ماجد:وانا وراه مسرررررررع وبيدي رشاش والولد يركض وصديقه يدخل بيتهم والولد الي مشئ وراه راح لبيت اهله
وانا ادخل البيت وامه وابوه في الحوش جالسين يضحكون ويتقهوون ويدخل الولد
عندهم مفزوع ويبكي وانا ادخل وراه آآآآآآه وابوه يهديني وانا ابعده والام تصارخ لانها تشوف الرشاش بيدي وارمي امها بالارض
وقدام عين ابوه وامه اذبحه اصبت ابوه اصابات لكنه خفيفه والولد مات في مكانه الام على طول راحت تركض لغرفة
النوم وتجيب مسدس والمسكينه ماتعرف تستخدمه وصارت منهاره وتضرب طلقات ناريه باماكن متفرقه
(((للمعلوميه فقط ترا ذي القصه حقيقيه وصارت قبل اسبوعين للناس اعرفهم ادعوا للولد بالرحمه واهله الصبر)))
خلود:غررررررررريب تصدق ذي القصه صارت لاخو صديقتي ريم
ماجد:هم بأي حي وين يسكنون
خلود:تصدق عمري ماسألتها
ماجد:اها غرررررريب انتي عكس لينا لينا تحب تعرف كل شئ
خلود:الله يرحمها بس بجد انت ليييييه ماتتوب عن الذبح
ماجد يسمع صوت قطوه مزعجتهم من الصبح ويشوفها ماره ياخذ المسدس طراااااااااااااااخ على القطه
خلود:لاااااااااااااااااااااااااااا حرااااااااااااااااام عليييييييييييك (تبكي
ماجد:وش فيك حبيتي تبكين
خلود تقوم وتروح لغرفتها مسرررررعه
ماجد يلحقها:وش فيك حياتي
خلود:مابي اتزوجك انا مأقدر اعيش مع واحد مايتفاهم الا بالمسدس والقتل
ماجد:والمطلوب مني
خلود:انك تتركني
ماجد:كيف اتركك؟
خلود:ابيك تخليني اعيش حياتي زي الناس
ماجد:خلاص انا مستعد اعطيك كل الاسلحه الي عندي وماتجيبين سيرة الفراق مو كافي لينا راحت بعد انتي تتركيني لا مستحييل
خلود:طيب وش يظمن لي انك ماترجع للذبح
ماجد:اذا ذبحت انسان او بشر اتركيني بس قبل ماتبعدين عني اقتليني لاني ماقدر اعيش بدونك
خلود تاثرت من كلامه وزاد صياحها:ولا حيوان ولا اي مخلوق تقتله
ماجد:تامرين امر خلاص ابترك الاجرام واعيش احلا عيشه معك
خلود وهي تمسح دموعها وابتسمت:وتقص شعرك
ماجد:مو حلو ماعجبك ولا يهمك اقصه اذا تبين على الصفر
خلود:لا مو على الصفر خله الى عند اذنك بس مايكون طويل زي كذا
ماجد:اقصه وبعد اي اوامر ثانيه يازوجتي الغاليه
خلود بخجل:انا مو زوجتك
ماجد:الليله تصيرين زوجتي بس ماقلتي لي اي طلبات ثانيه
خلود:امممممم ايه عندي ابيك تتعلم القراءه والكتابه
ماجد:طيب مين يعلمني
خلود:جيب لك مدرس
ماجد:كيف اجيب لي مدرس تبينه يضحك على يقول عني قد حمارين ومايعرف يقرا ولا يكتب
خلود تضحك:هههههههههههههههه حشاك من الحمير
ماجد ابتسم:اول مره تقولين كلمه حلوه
خلود حمر وجهها
ماجد:خلوده ابيك اللحين تروحين تنامين الى الظهر او العصر
خلود:طيب
ماجد:تمسين على خير يالغاليه
ساره تدق على عبدالله مـــا يــرد
جنت ساره ماتدري وش القصه صارت تدور في البيت فوق تحت ماخلت مكان ماراحت له من القل الي عايشه فيه
الدكتور:للاسف ياعبدالله حالتها شوي صعبه الى الان ماعدت مرحله الخطر اذا وصلت72 ساعه ماصحت راح تعيش طول
عمرها في غيبوبه
عبدالله يمسح دموعه:طيب مالها اي علاج
الدكتور:ادع لها بس العلاج من الله لان حالتها زي ماقلت لك صعبه(يروح الدكتور
الله اكبر الله اكبر اشهد ان لاله الا الله اشهد ان محمد رسول الله...........الخ الصلاة خير من النوم
عبدالله:ايه انا بصلي وادعي لها(يروح للمسجد وحالته حاله انسان محطم شايل هموم الدنيا كلها فوق راسه
راح وتوضأ قرا سورة الرحمن خلصت السوره ياااااااااارب ارحمها بشفائك ياااااااارب لاتفجعنا بمصيبه
اني لاسالك رد القضاء بل الطف فيه
اللهم رحمتك ارجو فلا تكلني الى نفسي طرفة عين واصلح لي شأني كلهه لاالــه الا الله
راح للمستشفى
عبدالله:اقدر اشوفها
الدكتور:لا ماتقدر لان حالتها مو مستقره
عبدالله:ماراح اطول عندها ولا ازعجها بس خلني اروح
الدكتور استسلم له:بس خمس دقايق
عبدالله:مشكور
عبدالله يدخل عند مها ويشوفها الشاش المغطى براسها وجروح بيدها
عبدالله ناظر لها ودمعت عيونه وزاد بكائه راح لعندها :اسأل الله العظيم رب العرش العضيم ان يشفيك(قالها 23 مره
الدكتور بصوت خفيف:خلاص انتهت المده
عبدالله:خلني شوي
الدكتور:تدري انك هنا لك عشر دقايق خلاص انشالله ربي يشفيها وانا على بسويه
عبدالله راح وقرب للدكتور:لاوصيك عليها
الدكتور:انشالله بسوي الى على وزياده بعد
موسى نقل للقسم الشرطه الي فيه الضابط سعود
اجتماع كبير لجميع الموضفين الي في القسم
الرئيس:انا جمعتكم اليوم لنحاول القضاء على الجرائم الي كل يوم تزداد بتكاثر بكل في الرياض وجميع انحاء المملكه
ابيكم تجتهدون بزياده بالكشف عن الشبكات الارهابيه والاجراميه وتعاطي المخدرات
سعود:وانت الصادق يسعادة الرئيس بس كيف نلقي القبض عليهم والشعب عددهم كثير والدوله كبيره
الرئيس:ابيكم تجتهدون وماراح تخسرون انسالله بس انتم الى الان ماقبضتم على الرجل بصورة المراءه(ذا رجال كل يوم يدخل بيت
يغير صوته ويسوي نفسه من الجيران الجدد طبعا العمليه في الصبح والرجال كلهم في اشغالهم وبعدها يخنق الي قدامه او يقتلها بسلسه
حديديه بعد اغتصابها ويسرق كل الاشياء الثمينه في البيت ويضع الجثه في البانيو او المسابح اذا وجدت ومن زيادة اجرامه
انه احرق اصابعه علشان ماتبان البصمات خلال السلام او الاغتصاب او الذبح هذا ايام زمان قديم حرق اصابعه لكن بعد اكتشاف
الحمض النووي صار يلبس لبس كامل مع قفازات وقناع تحت النقاب علشان كذا صعب القبض عليه وله في عملية الاجرام35 سنه)
موسى:لا والله للاسف مالقيناه بس وضعنا تحذير في الجرايد والمجلات بأسم الرجل بصورة المراءه
وانا عن نفسي ياسعادة الرئيس عرفت مين الي قتل الشاب المنتحر علي
سعود التفت بسررعه وبفزع
موسى لاحظ بس مابين
الرئيس:حلو طيب وينه ووش اسمه
سعود:الى الان ماعرفنا وين مكانه بس اسمه ماجد وجرائمه كثيرره
سعود بصوت مبحوح:بس علي منتحر والسلطات اثبتت كذا
موسى:كلنا خطاؤن بس مايصير احد يخطي ويترك الشئ الي اخطأ فيه لازم نثبت ونطلع الجذور والاساس
سعود تلون وجهه:ايه صح
موسى استانس انه غلب سعود استانس بعد ان شكه في محله والدليل ارتباك سعود الصامد
طول اليوم مانام عبدالله يفكر بمها يفكر بحجم القساوه الي يعاملها وبحجم الغيط يقاسيها وبحجم العداوه يذبحها بكلماته الجارحه القاسيه
لطفله عمرها 18 سنه
مسكينه مها طول عمري احس انها مسترجله بجد انا غبي كيف افكر بذا التفكير غلط هالمسكينه انها حبتني بس آآآآآآآآخ يارب
اشفها يااااااااااااااااارب
بعد صلاة العشاء بنص ساعه (الكوفيرات الي من الظهر وهم عند خلود يضبطونها راحوا
خلود تجهزت وتكشخت آآآآآآآآآخر كشخه لبست الفستان الابيض مفتوح الظهر والخيوط كثيره طلع الفستان مقاسها بالضبط
كأنها مسويته عند اكبر مصمم ازياء وذيله طويل بالمره
وشعرها قصرته شوي وصبغت اشقر ومكياجها هادئ جدا كأنها مو حاطه مكياج لانها هي حلوه من غير مكياج مكياجها
خفيف والروج وردي شوي غامق بس لونه بارد وطلاء الاضافر لونه وردي غامق بعد على الروج والجزم وانتم بكرامه نفس اللون
خلود حست بخوووووووووف بررررررررررعب انها بتتزوج واكثر شئ ارعبها انها ماتخيلت يصير زواجها بذي الطريقه
الغريبه الى مايحضر ولا انسان ولا احد يشاركها فرحتها تحس ان ناقصها شئ
انا طول عمري اتمنى يكون زواجي فخم وكبير والنااس قدامي يضحكون ومستانسين وكنت اتمنى يجون اكبر الفنانات
وانزف كأني اميره والكل يناظرني باعجاب طول عمري اتمنى الكل يقول ابي اجهز علشان زواج خلود
لكن آآآآآآآآآآآخ اللحين مين الي بيدري عني وعن حالي
شئ غريب وش ذا الصوت ذي صوت موسيقى غربيه وشو ذا
جت بتطلع لكنها استحت وين اطلع في ذي المزرعه المظلمه طيب بناظر من الشباك لا فشيييييييله مابي اطلع
تزيد الموسيقى لا انا مالي الا اطلع (توصل للباب وترجع)لا مستحيه كييييف طيب انا مين بقابل يووووووه بجد والله
احراج فستاني كله مفتوح قدامه يووه
يطق الباب ياعروس ياقمر اطلعي
خلود مين ذي مييييييييين من تطلع تفتح الباب
عكس ماتتخيله ولا تفكر فيه شافت المزرعه الظلمه كلها انوار بالاشجار والنخل والمحيط بالزرع اناره خضرا يعكس لون العشب والزرع
كانها في فيلم خيالي
وفيه من بابها الى مكان بعيييييييييد
سجاده حمراء زي سجادات الامراء والملوك وشافت فرقه موسيقيه اجنبيه والثانيه راقصه مصريه تناظر خلود للي جاي لها
ملاااااااااااك مو انسان واحد لابس بدله زفاف مو لبس خليجي ثوب وشماغ لا بنطلون وقميص وشعره مقصر ولحيته الخفيفه
محلقه بالكامل لانه مسوي تنعيم <<<مادري شيسمونها
خلود تناظر مو مصدقه وحتى هو يناظر لها مو مصدق انها هي خلود
وصل ماجد لعند خلود وباس يدها بصوت هادئ:مبروك ياحلى عروس
خلود مبتسمه:كيف جبتهم
ماجد ابتسم:اي شئ بخاطرك قولي لي لو تبين القمر جبته مع انك مو محتاجه له
خلود تنزل راسها
ماجد يتأبط يدها ويمشون بهدؤ وكل خطوه تتغير السجاده الرخاميه الي صور صورة خلود والفرقه كل دقيقه يزيد سرعة الدقه بعيد مكان الكوشه عن البيت الي طالعه منه خلود وهي تمشئ
على السجاده الحمراء ذيل فستانها يمشئ وراها من طوله وهي تناظر الارض مستغربه من ذي الصور كيف صارت ومتى صورها
ويمشون وصلوا للكوشه الكبيره الفخمه الي خلود ماتوقعت تشوفها ولا حتى بالحلم وفيه قاتوه كبيره مكون من 9 طبقات(كبير بالنسبه لهم لان مافيه ناس كثير
ماجد:تفضلي ياحياتي
خلود ابتسمت:شكرا
ماجد ضحك على ردها
والموسيقى تتحول الى العزف المصري لان ذي الفرقه الاجنبيه محترفه بجميع انواع الموسيقى وكل العازفات بنات
ترقص الراقصه المصريه وترقص
خلود تناظر ومو مصدقه كانت تتمنى الكل حاضر زواجها لان مستحيل يطلع احد ربع فخامة زواجها وبتطللع فخووووووره لو احد جاء له
خلود:آخ ياماجد انا عندي امنيه
ماجد:تمني وانا راح احققها لك
خلود:تصدق زواجي ماتوقعته كذا ابد توقعته زواج بسييييييييط لاخر حد كنت اتمنى زواج فخم لكنه بجد روووووعه يعطيك العافيه
ماجد:الله يعافيك ياقلبي بس ماقلتي لي وش امنيتك؟؟
خلود:اتمنى الكل حاضر زواجي من اقاربي وصديقاتي
ماجد:ولا يهمك ياقلبي اسوي زواج ثاني نسائي مافيه رجال وتعزمين الي تبين وأخليه احلا من ذا الف مره
خلود:انت الي نسقت الاضاءه
ماجد:ايه
خلود:ذوقك حلو
ماجد:لا انا ماقدر على ذا الدلع خلود انا احبك
تخلص الراقصه من الرقصه الشرقيه الجميله ويبدا عرض مجموعه من الراقصات الغربيات المحترفات
موسيقى مزززززززززعجه راقصات يرقصن نفس الرقصه الغربيه
خلود تناظر ماجد وحست بغيره وهو يناظر للراقصات
عبدالله مسرع:هاه بشر يالدكتور
الدكتور:الحمدلله تعدت مرحلة الخطر
عبدالله طاااااااااااار فرح
الجزء العاشر////الفصل الاول
عبدالله وشهاق حلقه ضحك من الوناسه:طيب يادكتور اقدر اشوفها
الدكتور:هي اللحين نايمه اذا صحت اخليك تشوفها
عبدالله:طيب دقايق ماراح ازعجها ولا اتكلم
الدكتور استسلم له:خلاص بس خمس دقايق
عبدالله ارتسمت على شفايفه الابتسامه:مشكوووووووووووور
طفئت الانوار وزادت الوسيقى وارتفعت الصراخات على الدقه المزعجه
خلود خافت وتناظر الدنيا ظلاااااااام يخوف
ماجد قريب منها:لاتخافين
خلود بتردد:بس انا خايفه ليش طفئت الانوار
ماجد يقرب لها:لاتخافين وانا معك (يرفع يده ماجد
هزت الارض انفجارات قويه وزادت الموسيقى ارتفاعآ
خلود جلست من الخوف لان الصوت عالي ومزعج وتناظر ترفع راسها وتشوف الدنيا كلها انوار تناظر مو مو مصدقه
العاب ناريه غرررررررريبه وعجييييييييييييبه الاول على شكل قلب احمر وداخله مكتوب بالانجليزي خلود وماجد
خلود ابتسمت وهي تناظر للسماء جالسه ماجد يحاول يقومها:قومي حبيتي
خلود:ماقدر رجولي ماتشيلني
ماجد:لاتصيرين خوافه (ساعدها علشان توقف
خلود وقفت وهي تناظر للسماء المظلمه ماعدا القلوب الي تزداد بكل مكان واسمها وكلمه love واسم ماجد
ماجد:وش رايك حبيتي
خلود:احس اني امثل بفيلم خيالي
ماجد:اهم شئ يكون عاجبك
خلود مبتسمه وعيونها مافارقت السماء الي بدأت الالعاب الناريه تتغير باللون الازرق والاخضر:يهبل بالمره حلوووو خيالي
ماجد ابتسم ويناظر للسماء الي تحولت من اسم خلود وماجد الى حروف مبعثره باسم خلود والوان مختلفه
خلود تناظر وهي مستاااااااااااااااااااانسه والابتسامه مافارقتها
عبدالله واقف عند سرير مها
عبدالله آآآآآآآآآآخ يامها بجد انا ظلمتك كثيرررررررررر وانا لازم اعدل ذا الغلط واتزوجك بجد انا كم مره اهنتك وحسستك بالذنب
مها تفتح عيونها بهدؤ وتناظروبصوت خفيف مبحوح:عبدالله
عبدالله استحى من وجوده عندها:معليش مو قصدي بس خفت عليك
مها تتنهد:لاتخاف مافيه وحده بتلعوزك بعد اليوم انا بمووت قرررررريب ياعبدالله والله يسامحك
عبدالله انهبل:لا بعد عمر طويل انشالله تدرين ان لساني متبري مني دايم سامحيني
مها:مسامحتك بس انا ابي بابا وماما
عبدالله تقطع قلبه وعرف قد ايش انها ماتستغني عن اهلها:لا يامها انا وانتي بنتزوج وبنعيش احلى حياه
مها دمعت عيونها وبصوت صياح:مين الي بيتزوجني لا يكون انت
عبدالله:الا انا ليييييييييه ملاك انا علشان ماتزوجك اصلا محظوظ الي بياخذك
مها فرحت على كلامه:وخلود
عبدالله:مابيها ابيك انتي وبس
مها:طيب انت قلت اني راميه حالي عليك بتقولها مره ثانيه
عبدالله:لا مستحيييييييل اقولها واللحين انا الي اترجاك توافقين لي
مها:لا مابي اتزوج ابي اموووووت باااااااااابا مااااااااااااااما
الاطباء:لو سمحت اطلع
الدكتور يعطيها وهدئات
عبدالله طلع ودموعه على عينه
الساعه 12 ونص ليلا توقفت الالعاب الناريه بعد تواصل لمدة نص ساعه وخلود مانزلت عينها عن السماء الا بعد ماتوقفت
اشعلو الشمعات المحيطه بالمكان الي يتواجدون فيه ماجد وخلود والشموع مميزه وغريبه على شكل قطع ثلجيه والنار لونها
ازرق غرررررررريب بالمره
خلود تنزل راسها حست بالم برقبتها من النظر للاعلى وهي تلمس رقبتها
ماجد:ههههههههه اكيد من مطالعك للسماء(يروح هو وخلود يقطعون الكيك وياكل ماجد وخلود تناظر وهي مو مصدقه تناظر الرقصات والفرقه الموسيقيه
ماجد:ليه ماتاكلين
خلود ابتسمت :طيب باكل
خلصوا اكل
تغيرت الوسيقى الى موسيقي هادئه ورومانسيه
ماجد:قومي نرقص
خلود ناظرت له باستغراب:بس انا ماعرف ارقص
ماجد:عادي حتى انا ماعرف(مد يده لها وقامت
وصلوا للمكان الزجاجي المضئ بالشموع الخضراوقفت خلود بالوسط وتغير المكان الزجاجي الي صور خلود
خلود تناظر للارض مستغربه
ماجد مد يده على خصرها:يالله نرقص والا بتمين تناظرين الارض ههههههههههه
خلود:بس كيف سويتها
ماجد:انا جبت مختصين كباااار لهالطريقه ولعلمك تراي جايبهم من اليابان
خلود وهي ترقص معه وشكلهم روووووووووعه احلى عروسين في الدنيا:بس انا ماشفت احد جاء يسوي ذي الاشغال
ماجد:بيوم وليله سووه((يعني عملوه
خلود:والله
ماجد:خلينا من ذي السيره بس انا ماتمنى منك الا شئ واحد ياقلبي
خلود استحت
ماجد:ماسالتيني وشو
خلود بصوت خفيف:طيب وشو
ماجد:انك ماتتركيني ابدآ مو تسوين زي لينا
خلود:بس لينا ماتركتك انت الي تركتها
ماجد انطعن قلبه:قصدي اني مابيك تخبين على اي شئ لو لسعادتي مثل لينا
ماجد يمسك يد خلود (زادت سرررررعه الموسيقى
ويدخل بسرررررررررررررعه حصان ابيض بعربه مميزه اسطوريه
خلود تناظر:حصان
ماجد ابتسم:ايه هذا بالمزرعه انا مافرجتك فيها انشالله اوريكياها كلها(يمشي هو وياها ويركبون العربه الاسطوريه
خلود تناظر مستعجبه:طيب وين بنروح
ماجد:اللحين تشوفين للبيت الاحلام
خلود:ماراح نسكن هنا
ماجد:افا عليك بس انا اسكنك بذا الخرابه
تناظر خلود والحصان يمشئ بسررررررررعه واشتغلت الاضاءه المحيطه بالمزرعه الكبيره
وصلوا لمكان كلاسيكي وقصر كبيرر وغرررررررريب هادئ قريب من المزرعه
خلود تناظر:هذاالبيت الي بنسكن فيه
ماجد:ايه ياقلبي (ماجد وهو ينزلها من العربه
يدخلون القصر الجميل الكبير
خلود:يالله حلووووو هذا زي القصر الي باغنية ماجده الرومي
ماجد:اهم شئ يكون عاجبك
خلود:وااااااااااو رووووووووعه بجد ولا كنت اتوقعه ولا في الاحلام
ماجد:تفضلي
تدخل تشوف صاله كبيره جدا وموحشه من كبر حجمها
ماجد:تعالي معي هنا
خلود سرحانه تناظر:هاه وين
ماجد ابتسم:تعالي معي
خلود تروح
ماجد:تعالي ذا العشاء
خلود تناظر طاولة الاكل الي كأن عدد المعازيم 500 واحد مو كانهم 2: بس هذا كثير
ماجد:طيب قربي واجلسي هنا
جلست خلود على الطاوله الكبيره
ماجد:غمضي عيونك
خلود:لا انا اخاف اغمض احب اشوف
ماجد:خلاص ماراح اغصبك على شئ بس خوذي ذي الورقه
خلود تناظر مو مصدقه وقفت من غير شعور:كيف شلون
ماجد ابتسم:وش مكتوب فيها
خلود:مكتوب وقف خيري لعلي المازن رحمه الله
ماجد: وش رايك
خلود وهي واقفه ومو مصدق:انت سويت وقف خيري لأخوي علي
ماجد:اها سويت اكبر وقف خيري بالسعوديه كلها لعلي اخوك الله يرحمه
خلود دموعها تنزل:مشكور مشكور يا قل (سكتت
ماجد:ليه ماتكمليها
خلود:مشكور ياقلبي تستاهل انت كل خير
ماجد:اخيرا سمعتها منك
خلود وجهها طلع الوان من الخجل
ماجد:يالله ابيك تحطين الحره بالاكل وترا عندي مفاجئه لك
خلود:بجد انا طايره فرح من ذي المفاجئه
ماجد:طيب كولي وانشالله طول عمرك لك مفاجئات حلوه ياارب
خلود ابتسمت
عبدالله في بيته متأنب ضميييييره بشكل خدع اهله وقال انها رايحه عند وحده من صديقاتها
ساره:شوفي يمااه شنطتها وجوالها ماخذته
ام ساره:غررررررررريب طيب ليه
عبدالله وباين وجهه حزن:يمكن ماتبي احد يكلمها
ام ساره:بس ياولدي حرام عليك خلاص خلود وراحت خذ بنت خالتك الى مالها احد غيرك
عبدالله ودمعه متمرده تنزل من عينيه:بس ياليتها توافق
ساره مو مصدقه وأمها:مين الي توافق
عبدالله:مها خلااااااااص ماتبيني اكيد اللحين تكرهني
ساره:لا انت ماتعرف مها صحيح هي جريئه وطويل لسانها لكنها ماتكره احد ولا تزعل من احد
عبدالله:خلاص بعدين قولو لها
ساره:طيب انا بروح لها اليوم
عبدالله:وين تروحين
ساره:لصديقتها
عبدالله:لا هي بتجي قالت لي
ساره:اجل عن اذنكم ابروح انام تصبحون على خير
عبدالله:حتى انا بنام تصبحون على خير
ام ساره:وانتم من اهله
ماجد:ماكلتي كولي
خلود:لا الحمدلله مشكور
ماجد ابتسم:وش رايك بزوااجنا
خلود:انا شفت زواجات اكبر الامراء الغربين باt.v لكن زي زواجنا اتحدا يصير مثله في العالم
ماجد:قومي بفرجك على بيتنا
خلود:وااو 4 ادوار كبير بنتعب وحنا ماوصلنا نصه
ماجد ابتسم وهو يشوف الفرحه والوناسه بعين خلود حبيبته
عبدالله ماقدر ينام لليوم الثاني:اوووووف انا لازم اروح اشوفها مافيه حرام مالها احد
راح لبس ثوبه والشماغ<<<احلى ياكشخه
وطلع للسياره ومشى وهو يفكر بالمسكينه مها وحالتها
خلود تناظر للدرج الدائري الغريب والضخم الي كانها في عالم ثاني بعييييد عن الكره الارضيه وسلم الدرج عليه زرع اخضر مميز
والدور الثاني جد رووووووووووعه غرفه ثلجيه قصدي الطراز ثلجي الرخام كانه قطع ثلجيه والي بيمشئ فيه يحس انه بيطيح
وديكور الغرفه فوق كانه قطع ثلجيه ذائبه والحيط عليه صور البطريق والدببه البيضاء والاناره زرقاء:واااااااو حلو كيف جبته
ماجد:الديكورات طبعا جبتها من الخارج لان مافيه زيها بالسعوديه ولا الخليج ولا العالم العربي بس تعالي للغرفه ذي تراها بتعجبك
خلود:لا خلني اناظر بجد وناسه احس اني بردت مع ذا الخيال الي اشوفه
ماجد:ههههههههههه تعالي للغرفه الثانيه وانا أأكد لك انك ماراح تتطلعين منها
خلود وهي تناظر بدهشه:يالله مع اني مو متوقعه بتصير احسن من ذي
راحت للغرفه الثانيه الي كأنها كهف الباب صغيييييير وضيق وتدخل كأنها مغاره وتشوفه غرفه كبيره زي الكهف بالضبط
الجدران ترابي غامق وكأنها محفره والارض رخامها كأنه تراب وحجر وتمشي بزياده الاناره صفراء هادئه تشوف معلق خفافيش
صناعيه وبوم مقلوب وشكله بجد خياااااااااااال وداخل ذا الغرفه عفوا الكهف طاوله صغيره خشبيه واثنين كراسي خشبي من النوع
القديم
خلود فاتحه فمها تناظر ومو مصدقه:بجد ذوقك قمه
ماجد:عجبتك تصدقين توقعتها بتخوفك
خلود:هي صحيح تخوف بس لاني معك ماراح اخاف
ماجد ابتسم:يابعد قلبي والله بس تعالي للغرفة عيالنا
خلود تضحك:ههههههههه من اللحين سويت لهم غرف
ماجد:واحلى غرف بعد تعالي
خلود راحت للغرفه كانها في عالم ثاني غرفه لونها ازرق كانها مجسمات لشلالات والديكور فوق على شكل سحب وشمس صغيره الطريقه حلوووووووه
وفيه سريرين صغار المفارش لونها ازرق على صور دلافين والرخام لونه اخضر كانه عشب
خلود:يالله احس اني في عالم ثاني بجد مو مصدقه الاوان تختلف عن بعض بس الكل متناسق
ماجد:تعالي لغرفة بناتنا
خلود:ههههههههه اللحين عندنا ولدين ياخوفي عشر بنات
ماجد:وش دراك اني ابي اثنين
خلود:مايبي لها ذكاء فيه سريرين
ماجد:هههههههههههههههه يالله تعالي ياذكيه
خلود وهي تناظر للغرفه وبذات الارض الي تحس انها في الطبيعه:يالله
في المستشفى
عبدالله مشى بهدؤ وبذات انه فاضي وهادئ المستشفى
عبدالله:ايه بلا منة الدكاتره 5 دقايق قالوا
فتح غرفتها لقى سستر ورجع على طول وراح لدورة المياه الي بغرفة مها
ماجد:وهاذي غرفتنا والدور الثالث والرابع انشالله بكره اوريك ياه
خلود تناظر غرفتها كل الغرفة صور خلود كلها
خلود:ممكن سؤال
ماجد:تفضلي ياقلبي
خلود:ذي انا ولا لينا
ماجد:لا والله ذي انتي
خلود:طيب كيف صورتني ووين
ماجد:عاد صورتك سر المهنه
خلود:بجد مو لينا
ماجد:والله انتي وشوفي زين كل ذي الاماكن انتي كنتي فيها
الغرفه رووووووعه الحيطان كلها صور خلود والديكور من فوق مرايه تعكس الي يمشي على الارض
والرخام الارضي صور ماجد والبطانيه الكبيره صورت خلود وماجد
صور خلود وهي تشرب حليب وهي خايفه وهي مبتسمه واكثر الصور كانت خايفه ولا تفكر وصوره وهي تاكل اضافرها
خلود تناظر صورة وهي تاكل اضافرها:ههههههههههههههههه ليه صورتني بذي الصوره
ماجد:ليه مو حلوه
خلود:لا قرده
ماجد:ههههههههههههههههه انتي قمر وكل يوم يزداد حلاك ياقلبي
خلود استحت
راحت السستر من عند مها
مها:سستر صكي الباب وانتي طالعه ابي انام ولا ابيكم كل دقيقه تفتحون على الباب وتزعجوني
عبدالله يضحك على كلامها
سستر:خلاص (طلعت
عبدالله طلع من دورة المياه ويشوف مها الي مربوط على راسها شاش ابيض
مها تناظر:بسم الله كيف طلعت لي انت
عبدالله منزل راسه:بغيت اتطمن عليك
مها:مشكور ماتقصر
عبدالله:اخبارك اللحين
مها:مثل امس انا بجد مليت ابي اموت احس ان الدنيا كل ابوابها مسكره بوجهي
عبدالله:لا انتي صبوره ولازم تتحملين ولا تخافين انا معك للاخر
مها تضحك باستهزأ:لا انت معي اللحين لانك طيب وحساس وماتبي احد يكون مجروح لكن بكره اذا طلعت بتنساني
عبدالله:لاماراح انساك ابدا يالله عاد بلا دلع واطلعي من المستشفى علشان نتزوج
مها:ههه ضحكتني وانا كئيبه انا مكاني القبر بعد موت بابا وماما مالي مكان احس بالأمان فيه
عبدالله:استغفري الله حرام الي تقولين كل ماقلت لك كلمه جبتي طاري الموت
مها تبكي:وش تبيني اسوي بابا وماما ماتوا قدام عيني وانا السبب
عبدالله حزن عليها:خلاص قدر وماشاء فعل خلاص عيشي حياتك
مها تبكي:ياليتني اقدر ماقدر اعيش
عبدالله:اهلي ينتظرونك ويبونك
مها:ايه وينهم ماشوف احد يجي معك لاساره ولا خالتي
عبدالله:انا قلت انك عند صديقتك وماتبين تشوفين احد واذا ارتحتي تجين
مها:زين سويت
عبدالله:هاه وش قلتي
مها:بوشو؟؟
عبدالله:سامحتيني
مها ابتسمت والدموع بعينها:انا مازعلت منك علشان ارضى
عبدالله:طول عمرك طيبه يابنت خالتي
مها":وينك ياماما عبدالله يمدحني لو ماما وبابا فيه كان فرحوا لي كثير
عبدالله يتنهد:وحتى وهم اموات راح يحسون فيك
مها:والله بجد
عبدالله يستغل البنت الصغيره الطفله الي ماتجاوز عمرها18:ايه ويدرون عن كل شئ يصير
مها ابتسمت:اجل اكيد اللحين فرحانين
عبدالله:وبيزعلون اذا جبتي طاري الموت
مها تحرك شفايفها استعداد للبكاء:بس انا اشتقت لهم
عبدالله:كلنا بنموت وبنشوفهم بس لازم نعيش حياتنا قبل
مها تمسح دموعها الحاره: ايه صح خلاص انا بعيش حياتي
عبدالله ابتسم:متى قالوا بيرخصونك
مها:مادري ماسالتهم
عبدالله:خلاص انا بسألهم تامريني على شئ
مها بابتسامه:سلامتك
في الظهر
موسى جمع جميع المسؤلين وجاء من ضمنهم سعود<<<قاط مادري وش يبي
موسى ابتسم وعرف ان سعود جاي علشان يعرف سبب الاجتماع مين ماجد ولا غيره
موسى:انا جمعتكم اليوم علشان نزيد ومهتم اكثر بالبحث عن المجرم ماجد والمجرم الاخر الرجل بصورة المراءه
سعود:وكيف حكمت على ماجد انه مجرم
موسى:ليه انت تدري مين القاتل
سعود:لا بس هو منتحر
موسى:بس عادي نبحث عن ماجد ونقق معه ولا شرياكم
الرجال:الا نبحث ونشوف يمكن يكون ارهابي او سفاح ويمكن يكون ماجد هو نفس الرجل بصورة المراءه
موسى:عليكم نوووووووور يمكن يكون ماجد والرجل بصورة المراءه واحد
سعود طلع من الاجتماع زعلان وباين الغضب بوجهه
موسى:خلاص الكل يروح مكانه ويكمل شغله
الكل راح
موسى طلع علشانه بيراقب سعود
سعود يدق على جوال ماجد
ماجد نايم يفتح عيونه:يالله من ذا الجوال اووووووف
خلود:رد يمكن يبيك ضروري
ماجد:بالجحيم هو وسعودوه(ضغط الاحمر
سعود:اووووووف ليه قفل الخط بوجهي(يعيد الاتصال
ماجد:وش يبي ذا الغثيث
خلود:رد عليه علشاني
ماجد:علشانك وبس ياقلبي
سعود:هلا ماجد وينك
موسى يسمع وهو طااير فرح ان ظنه ماخاب
سعود:اقولك تراهم يبحثون عنك وعرفوا انك انت القاتل
موسى فتح فمه ومو مصدق الي يسمعه
ماجد:واذا عرفوا بالطقاق وش بيسون اصلا مافيه شئ يثبت