ملتقى طلاب وطالبات جامعة الملك فيصل,جامعة الدمام - عرض مشاركة واحدة - كل مايلزمنا لمذاكرت التحليل الاحصائي &&&قروب التحدي والتغلب على الماده &&

Daniah..~ · 2013- 5- 20

اقتباس:

المشاركة الأصلية كتبت بواسطة AbduLlatif

بعد شد وجذب في نموذج فهد الحجاز وياليت لو في موضوع له تصحيح تقولون لي ..

لاكن سؤال هنا يتعلق .. ببعض الاستفسارات ك التالي :

https://www.dropbox.com/s/yo668esaxq...50-36%20AM.png

هنآ ليش اختار انها بذيل واحد ! وحط سالب 2

وينك عبداللطيف

بأحط لك الشرح وَ متى مآجيت تشوفه ..
الحين عندك الجدول موضح لك بالسؤال وَ قايل لك :-

الفرضية الصفرية : تقول لاتوجد فروق ذات دلالة إحصائية يعني ميو1 = ميو2
أوكي شف الفرضية البديلة : فيه فروق بين متوسط المجموعة التجريبية وَ متوسط الضابطة
وآضح لنا إن ميو1 أكبر من ميو 2 هنا ، صح !!
طيب من الجدول هذا شف شيقولك

إذا كآنت ميو1 أكبر من ميو2 نستخدم من ذيل وآحد
طيب أوكي ، الحين تمآم ، مسكنا مربط البقرة

درجات الحرية عندك 50 -> مقسمهم على مجموعتين 25 + 25
طيب عشان توجد قيمة أي درجة حرية n-1 .. هو جمعهم لك جميع وطرحهم من 2
25-1
25-1
قال وشوله ننقص كل مجموعة الحال ، نقصهم مع بعض عشان كذا جت -2 اللي استفسرت عنها

وَ بس ، بعدها راح للجدول ، وَ بما إن مآفي 48 راح لأعلى نقطة أقرب شي للـ 48 اللي هي 60
وَ من الخط العلوي ذيل وآحد فوق ، عند رقم 0,05 نقطة الإلتقاء = 1.671 بس هو مقربها لك
ثم ضبط القانون وَ استخرج القرار النهآئي هل هو رفض أو قبول ..

وَ بس / يارب فهمت علي ، وَ لو مآفهمت دز لي تنبيه