تكفيه الإشارة ؟!



عند [mark=000000]الإشارة[/mark] ..طفل واقف ..
يابس الآمال ، ما يعْرف خَضَاره ..
لو تمسّه أي شرارة ..
شبّت بـ عجْزه حريقة !

جا يبيع الما ..
وهو ما بلّ ريقه !!

جا لـ عند إثنين في سيّارة من آخر موديل ..
كان ثالثهم ( صخب صوت الأغاني ) ..
يرقصون ..
أقبل وطق النافذة ..
مرّت ثواني ..
ما دروا به !
عاد وطق النافذة ..
وانتبه له واحد ونبّه خويّه :
لا يفوتك هـ الولد ..
شف شكل ثوبه ..
وسخ .. متشقق ..
وشكله :
مزعج وغاوي أذيّة !

الخوي نزّل قزازه ..
ثم صرخ زعلان .. قايل :
انقلع يالله هناك !
وخذ قواريرك معاك !!!

والتفت مستاء جداً :
ياخي ذولا شوّهوا معنى الحضارة !

وفْتحت خضرا الإشارة ..

تْحرّكوا !

بس الطّفل واقف مكانه ..
يابس الآمال مصفرّ بـ مرارة !!