لصوتين m و b صحيح voiced ويطلع منهم اهتزاز
لما تنطقي الصوت mmmmmm حطي يدك على حنجرتك راح تحسين باهتزاز بعكس لما تنطقين الصوت ffffffffff
وأيضا الصوت b لما تنطقي كلمة job راح تحسين باهتزاز لو طولتي في نطق آخر حرف jobbb بعكس كلمة up ما راح يكون فيه اهتزاز للصوت p حتى لو طولتي في النطق
وبالنسبة للصوتين z و s السبب في اعتبارهم alveolar هو أن هذين الصوتين ما يطلعون إلى لما يكون اللسان بمحاذاة الألفيولار ريدج
ومش شرط ملامسة الأجزاء لبعضها, الشيء اللي يحدد هو إيش الأجزاء اللي استخدمت لإنتاج الصوت, وفي هذي الحالة اللي استخدم بشكل أساسي هو اللسان والألفيولار ريدج
والصوت لما يطلع من بين الأسنان ما نسميه دنتال إلا لما يستخدم اللسان مع الأسنان في نطقه وليس فقط الأسنان, مثل ذ و ث هذي الأصوات تخرج باستخدام اللسان مع الأسنان فهي دنتال
والصوت w لا تتلامس الشفتان مع بعض مع ذلك نسميه bilabial لأنه استخدمت الشفتان مع بعض لإصدار هذا الصوت
أنا جالس أكتب وأجرب الأصوات, وزين ما حد شافني ولا فضيحة