السلام عليكم
كيف المذاكره معكم ..؟
شايلين همها صح
المادة ياجماعه سهلة ان شاء الله والدكتور ماشاء الله واضح انو اسئلته عامه ومو معقده او مادري كيف صحيح قال بيغير الاسئله مثله مثل باقي الدكاتره لكن ان شاء الله بتدخلون بتطلعون وانتم حالين صح ومثل ماشكرنا الاقتصاد والانجليزي والعقيده ان شاء الله بكره اشوف الف موضوع شكر للدكتور عبد الحكيم
بعد ماتخلصون من الملخصات وتفهمونها بتجاوبون حتى على الاسئلة اللي ماعمركم شفتوها لان هي اشياء بحياتنا لكن بمصطلحات ثانية واعتقد اللي درسو في المجالات الطبية واللي اخذو دورات اسعافات اوليه او كانو في نادي يعرفون بعض الاشياء وعندهم حاجات من البديهيات
وعشان يسهل عليكم الحل بالاختبار استحدمو طريقة (
الاستبعاد ) استخدمها كثير بالاختبارات من الفصل الاول وحتى اثناء المذاكره للأسئله السابقه المحلوله ونفعتني كثييير
1- اقرأ الخيارات
2- استبعد الاجابه من اول مره تشوف انها مستحيل تكون هي وبكذا تكون قلصت الخيارات
3- حاول تتذكر او تشرح لنفسك الخيارات واكتب ملاحطاتك جنب كل خيار يعني اكتب وش تفكر فيه بالنسبه لكل خيار
4 - بتطلع معك الاجابه الصحيحه ان شاء الله
5- اخر شئ ان حبكت حبكت حقره بقره او غمض عينك وفتح واللي تطيح يدك عليه خذه
يعني نعطيكم مثال
في موضوع كان في هذا السؤال واستبعدت الخيارات الغير صحيحه
....
تمكن الفرد من مواجهة المشاكل والمؤثرات والضغوط البدنية والنفسية والاجتماعية :
1 السلامة المتوسطة ( لاتتوافر طاقه إيجابيه لمواجه الفرد للضغوطات )
2 الصحة الايجابية ( تتوافر طاقه ايجابيه لمواجه الفرد للضغوطات )
3 الصحة المثالية ( تكامل بدني ونفسي واجتماعي هذا المستوى نادر الوصول اليه وهدف بعيد لبرامج الصحة العامة )
4 لا شيء مما ذكر
...
....
بكذا اكون طلعت بالاجابه
....
وفي حاجات
بالفهم
مثلاُ في كويز اميره جاتني اسئله ما شفتها من قبل لاني لسه ماراجعت من ملخص طموح
...
الكسر الذي يحدث بسبب مرور طلقة نارية في العظم:
أ-الكسر البسيط (
بسيط يعني خفيف والرصاصه لمن تضرب العظام ماراح يكون بسيط لانها تخترق العظم يعني مو صح )
ب- الكسر المركب (
مركب يعني من اسمه كذا شكلو يكون على جزئين وتركيب وكذا يعني مو صح )
ج-الكسر المشقق (
ايواا هاذي صح لان الرصاصه تخترق العظام قلنا كأنها تخترق قطعه خشب والحواف راح تكون متشققه )
....
تحدث هذه الحالة بعد تناول كميات كبيرة من الأنسولين أو عقب فترات طويلة من الجوع
أ- ارتجاج المخ (
ممكن تكون ارتجاج لكن مااظن صح )
ب- نقص كمية السكر (
بالعادة مرضى السكر هم ياخذون انسولين واذا جعنا وصارت فينا دوخه ينصحونه بقطعه حلاوه او سكر للمص يعني هاذي الاجابه )
ج-زيادة نسبة السكر (
الجوع مايسبب زيادة السكر بالجسم )
.....
) هي جروح بحواف مشرشرة غير منتظمة:
أ-الجروح القطعية (
قطعيه من اسمها يعني قطع يعني جزئين بتكون بخط مستقيم يعني مو صح )
ب- الجروح التهتكية (
تهتك مااعرف معناها بالضبط بس اعرف انو القماش لمن يكون متشرشر وتطلع منه خيوط يقولون عنه متهتك او شئ كذا والجلد مثل الاقمشه شوويه يعني صح )
ج-الجروح النافذة (
نافذه يعني كأنها جرح من شئ مغروز او نافذ يعني داخل للجسم يعني مو صح )
.....
جيت هنا نسيت تعاريفهم لكن مو مشكله مااتحطم احاول افهم الوضع شويه
....
تنتج عن زيادة أو نقص إفراز احد الغدد الصماء بالجسم:
أ-أمراض سوء التغذية ( هاذي بسبب فقد عنصر من عناصر التغذيه يعني مو صح )
ب- الأمراض السرطانية ( ايش دخل نقص او زيادة هرمون بالسرطان يعني مو صح هذا خيار للتمويه )
ج-أمراض الهرمونات ( بما انو ذكر افراز وغدد يعني لها علاقه بالهرمونات )
....
معليش التفكير لكم فيه وعلي كلام مادري من وين لكن عشان ابسطها لنفسي واقربها لمفهومي
وهاذي مجرد فكره عشان تهدون اعصابكم بدل المواضيع الكثيره المحبطه وفي ناس مو عارفه من وين تذاكر ومن الصباح وهي تستغيث ولا حتى شافت لنفسها حل
اذكرو الله وافهمو المادة لكن بعض الاشياء محتاجه فعلاً للحفظ لكن اقرأ مع التركيز بتتفاجئ من نفسك كيف حليت وانت مو حافظ شئ لكن الفهم يسهل الكثير والطلاب والطالبات ماقصرو كل شئ قدموه لتسهيل المادة وش بقى اكثر من كذا الملخصات وتم اختصاراها الاسئله عندكم يعني مادة دسمه كذا مختصره بهالشكل ماتحصلونها
ولا اشووف واحد فيكم يتشكى اكثر من كذا ويحبط اللي حوله
ومثل ماقلنا هي اشياء بحياتنا وبعضكم اذا مو اغلبكم يعرفها مثل اعراض بعض الامراض وكذا
وباقي 15 ساعة حاولو تاخذون المختصر المفيد للي مافتحو شئ
15 ساعة بتنام واذا في دوام وتصلي وتاكل وتجهز نفسك للإختبار
ايش باقي منها للمراجعه ؟؟؟
والمنهج مو من عنده من كتب للصحه واللياقه يعني اي حاجة اي سؤال ماتعرفوه ممكن تكتبونه بقوقل ويطلع لكم وخذو المعلومه من اي موقع وبتنفعكم
واخر يوم ويارب يكون ختامها مسك علينا وعليكم
والله يعطيكم الصحه والعافيه <<<
الحين اذا احد يدعي لكم بهالدعوه مو تتعقدون منها
...
اذا تقدرون تنزلون سؤال وتشرحون سبب الاختيار بنفس الطريقه عطونا خلونا نستفيد وان شاء الله برضو انا بنزل ^^