ملتقى طلاب وطالبات جامعة الملك فيصل,جامعة الدمام - عرض مشاركة واحدة - كلمت مسؤول رفيع الشأن في الجامعه بخصوص الأحصاء وهذا رده

هيرو القحطاني · 2013- 5- 21

اقتباس:

المشاركة الأصلية كتبت بواسطة ღ الليدي ساره ღ

متعاون لا ابشرك حنا آخر ترم ضحى فينا وراح نضحي فيه ونتغداه قبل مايتعشانا

سبحان الله فيهم قساوة قلب مامرت علي بعض هالدكاترة
والله اني مانسيت العام واحد يوم تتسرب اسئلة الاختبارات وبدال مايعاقبون اللي سرب الاختبار راحوا عادوا للشعب كله
وثلثنا مادرى بيوم رحيل ولاشفنا اسئلة ولا لحقنا عليها
عاد قريت رد واحد وبكيت للحين مانسيت رده يقول ان ابوه شايب وهو عاطل في قرى وتسلف له مبلغ
عشان يستاجر غرفة في مدينه عشان يختبر والمبلغ يالله مكفي عدد ايام الاختبار وكانت اعادة الاختبار نهاية الاختبارات واذكره بأسى وقلة حيل ياشين قهر الرجال يقول بالله من وين ادبر فلوس وادفع ايجار غرفة ليومين بعد
وواحد كان حاجز طيران مع اهله بيسافرون للخارج ودافع وخرب عليهم الحجز ووحدة بنفسي شفتها عند مشرفة
تقول خطبتي حددوها بكرة وعزمنا العالم نهاية الاختبارات وحجزنا كل شي
شلون اختبر العصر وحفلة خطوبتي الليلة
باختصار الهبل اللي قاعدين يسوونه فينا جامعة الملك فيصل واستخفافهم بظروفنا وانسانيتنا لازم ينحط له حد
فينا الفقير وفينا المريض وفينا اللي ظروفه على قده وفينا المسؤول عن اسره وفينا اللي اخذ اجازة وانخصم راتبه عشان هالاختبارات وهو في اشد الحاجة وعايلته لهالمبلغ
وفينا الام اللي خلت اطفالها وراها في مدينة ثانية عشان تختبر وقلبها وعقلها معهم

ياخي اتقوا الله فينا والله مدري شلون تغفي لهم عين ومرتاحين ولاهم بخايفين من دعوة مظلوم تنكبهم في ساعة عاجل

يالبيه وربي هذا كلام يتفطر القلب منه ويبكي العين والله حرام هاللي يصير حسبي الله ونعم الوكيل اشلون تنام عينهم من جد والعالم تدعي عليهم حسبي الله وحده