المواقف الطريفه .. أثناء الأختبارات // شاركوونا
السسلام عليكم
أسعد الله مسأكم جميعاً
أولاً .. على البركة أنتهاء الأختبارات ... وعسى الله يوفقكم ولايضيع لكم تعب
ثانياً .. أتمنى لكم أجازه سعيدة .. بعد عناء الدراسه والأختبارات
مثل ماهو واضح بالعنوان ... الكل منا تمر عليه مواقف طريفه اثناء الأختبارات سواً هالسمستر أو السمسترات السابقة ... وطبعاً كل واحد مر عليه موقف طريف ودنا أنه يشاركنا فيه على الأقل تغير الجو العام بعد الأختبارات 
وأنا أول واحد ابدأ بالموقف الطريف اللي حصل لي
هالسالفة كانت وأنا بالمستوى الثاني .. في أول يوم بالأختبارات وكان عندي مادة عربية ماأذكرها بالضبط .. كانت الماده سهله .. ( كانت أختبارات الجامعة يحطوون الطلاب في قاعة كبيره تضم لها 150 طالب ) عكس الحين كل مجموعه بسيطه في فصل
دخلت القاعة وجالس أعبي ورقة الأجابه جلس وراي واحد وناداني وقال تكفى ي رجال والله مافتحت هالماده ... حرك مشاعري يوم اشووفه يتكلم كذا
بالرغم أن الماده سهله
المهم قلت له أبشرر 
حليت وخلصت ... والرجال حل اللي يعرفه وبعدها قام يسئلني وشو جواب هالسؤال وهالسؤال جلست اعلمه .... انتهاء الاختبار وطلعنا
وحنا طالعين ... جلس يشكرني ومن هالكلام
بعدها بكم يوم وانا جاي أدخل للمدرسة .. إلا والرجال واقف عند باب المدرسة الخارجي ينتظرني ههههههههههههههههههههههههه
سلمت عليه وقال لي ووينك كم يووم ماشفتك ... قلت له يمكن ماتصادفنا
قال لي هاليوم بالذات تعمدت انتظرك عند الباب عشان اقابلك ... لأني ماعرف شي في هالماده هههههههههههههه
قلت له يالله دخلنا وتوكلنا على الله .... لما دخلنا القاعة .. ومثلكم عارفين القاعة تضم اكثر من 150 طالب من جميع التخصصات .... والمراقبين يخلونا نجلس بالترتيب بداية من الصف الاول
جلست وجلس وراي ... تذكرت أن بطاقتي ناسيها بالسيارة .. قلت للمراقب بطاقتي بالسيارة قال بسرعة رح جيبها ههههههههههههههههههههه
طلعت أجيب بطاقتي وانا راجع والقى نفس الشخص ينتظرني عند الباب حق المدرسه الخارجي قلت له حتى أنت ناسي بطاقتك ؟
قال : لا
بس خفت ان المراقب يجيب واحد مكانك ههههههههههههههههههههههه
وقلت لهم بطاقتي نسيتها عشان ندخل ثاني مره سوا هههههههههههههههههههههههههههههه
بعدها دخلنا ... أول مادخلت إلا المراقب يناديني ويقول تعال مكانك هههههههههه
يوم جيت الا مكاني فاضي ومكانه جاي فيه واحد ههههههههههههههههههههههههههه
أضطريت اجلس في مكاني الأول .. وهو ودوه مكان ثاني ههههههههههه
وصار بيني وبينه تقريباُ ستة كراسي هههههههههههه
بعد هاليوم كملت أختباراتي وماعاد شفته .... والمستوى اللي بعده قابلته بالصدفه ايام الأختبارات وسلمت عليه وسئلته وينك ... قال غيرت تخصصي خلاص مالي ومال الإنجليزي
هههههههههههههههههههههه
فهذا من المواقف الطريفه اللي مرت علي في أختبارات الجامعه
أنتظر مشاركاتكم
وتحياتي لكم ... وبالتووفيق
التعديل الأخير تم بواسطة fahad almutairi ; 2013- 5- 21 الساعة 10:37 PM
|