|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
إقرا الحزن بالعين خلّ التفاصيل
بعض الكلام يموت لامن حكيته !
الشعر دمعي والدفاتر مناديل
وأنا عبث .. لامن كتبني محيته !
ماغير حبـّـك يابو سودٍ مظاليل
نورٍ شرَق في سود حزني وجيته !
خلّ الجفاف اللّي بصدري هماليل
وآموت معروفك عليّ .. مانسيته !
مبطي على جمر الضلوع المعاميل
ماسقت لك فنجال وصل وخذيته !!
في داخلي طفلٍ يضوّي القناديل
لامن طلبني شيّ .. غصبٍ عطيته !!!
يسأل عليك اللّي يمرّه من الليل
ماقد نساك بيوم ياللّي جفيته !!
مرّه سألني عن غياب المواصيل
وعجزت أقول إنّ الهجر ماقويته !!
وغلطة .. قرا بالعين كلّ التفاصيل
وأنا قريت الصمت فيه .. وبكيته !!
|