السلام عليكم ورحمة الله وبركاته
كيفك ان شاء الله تكوني بخير اولا حابه اشكرك على ملخصاتك الرائعه
والمنسقه اجمل تنسيق ماشاء الله تبارك الله وياليت تعلميني كيف تسوين هالحركات بالوورد
ومن فين تجبين هالحركات الحلووووه
بس عندي ملاحظه على تلخيصك في المحاضره الثانيه في اخر جزئيه
وهي الاختلاف بين الانثربولوجيا
الثقافيه وعلم الاجتماع هذي صح بس النقطه اللي بعدها فيها خطأ وهي انك كاتبه التشابه بين
الانثربولوجيا الثقافيه وعلم الاجتماع والصح هو التشابه بين الانثربولوجيا الاجتماعيه وعلم الاجتماع
وايضا خطأ في جزئية راد كليف براون يطلق على الانثربولوجيا الثقافيه اسم علم الاجتماع المقارن
والصح اد كليف براون يطلق على الانثربولوجيا الاجتماعيه اسم علم الاجتماع المقارن
الاخت جسور والله اني ابغى من اول ارسل لك رساله بس ماعرفت لا هنا ولابمنتدى النقاش
فقلت اكتبها بموضوع علشان تشوفيها انتي والاخوه اللي يذاكرون من الملخص لاني بصراحه
انا عن نفسي اذاكر من ملخصاتك وادعيلك بظهر الغيب لان ملخصاتك وافيه وجميله
واتمنى ماتزعلي مني فانا والله مابغى غير تعم الفائده
وبالاخير اشكرك مره ثانيه على ملخصاتك الرائعه اللي تفتح النفس وجهودك اللي تبذليها رغم انشغالك