السلام عليكم ورحمة الله

عذرا على الانقطاع فانا في سفر

دخلت المنتدى و وجدت ان هناك بوادر تفاعل من الجامعة وهذا جيد

عندي نقطة و أشوف أنها مهمة

لو قالت لكم الجامعة وش عندكم حلول ؟
أتوقع كل واحد بيطلع له بحل و بعدين تخسرون المكتسبات اللي تحققت إلى الحين

والحل ؟

لابد من تحديد ما هو الحل المقترح من الطلبة ...


و عشان نحدد الحل لابد نعرف حنا وش نبي بالضبط ؟

من وجهة نظري أننا ننقسم إلى :

1/ طلبة معدلهم التراكمي فوق 4 ، فهم حريصين على المحافظة عليه و عدم تأثره بالمقرر .

2/ طلبة معدلاتهم من 2 إلى 3 ، فهم حريصين على عدم حمل المقرر .


يعني لو لقينا حل يضمن عدم تأثر معدل الدوافير و يضمن نجاح الباقين ..... فهذا حل ممتاز


طيب وش رأيكم بها لاقتراح :

1/ حذف 20 سؤال (الرقم قابل للتغير) من الاسئلة التي فيها أعلى نسبة خطأ ، مثلاً نحدد أكثر 20 سؤال الناس اجابت عليه بشكل خاطئ و توزع درجاتها على باقي الأسئلة .
بكذا نضمن أننا تخلصنا من 40٪ من الأخطاء ، وهذا المقترح يساعد الغالبية على النجاح.

2/ عدم احتساب درجة المقرر في المعدل ، والتعامل مع المقرر ضمن المقررات التي تم معادلتها ، و بكذا الزملاء اللي يهمهم المعدل يضمنون عدم تأثير المقرر على معدلاتهم.


أنا هنا أحاول اصيغ حلول يتم الاتفاق عليها من جميع ، لان تفاعل الجامعة فرصة ولابد ان تستغل .

يعني الحين هم معيشينكم بالعموميات ، وأبشروا بخير ،،، و ما يرضينا ،،،، و من هالإبر للي تخدر ،،، بحيث انك ما تدري وش هم ناوين عليه ولا تقدر تطالبهم بشي لأنك تنتظر الحل منهم

ولكن لو طرحنا حنا الحلول ، اقل شئ نقدر نتجاوز فخ الإبر المخدرة و نقول لهم وش صار على الحلول اللي اقترحناها عليكم !


وجهة نظر ،،،
والله يوفقكم دنيا و آخره

إلى الأمام
لا رجوع