انا من الاشخاص اللي يؤيدون عدم تصعيد الموضوع للاعلام ..
ما اطالب الطلاب بالتهدئة ولكن الشكاوي لازم تكون في مكانها الصحيح عند ادارة الجامعة, اما البعض فيبغى يكبر الموضوع ويوصله للاعلام ولوزارة التعليم العالي ووو..الخ ! طيب وش نستفيد ؟ عشان مادة وحدة ممكن نخسر اشياء كثيرة, تخيل كل يوم والثاني مطلعين المشكلة للاعلام بكرة فرحان بشهادتك يجيك واحد يقول ياخي جامعتكم "أي كلام" ومشاكلها واجد, والا تلقى قطاعات أهلية ما تعترف بشهادتك واذا انت في قطاع حكومي فكر في غيرك, يتعب ويذاكر ويجتهد واخرتها يقولون له ما نعترف بشهادتك لأن جامعتكم مشاكلها واجد في الاعلام, والا نشتكي لوزارة التعليم العالي وتشكل لجنة رقابة مشددة على اداء التعليم عن بعد في الجامعة ولنا مثال في اللي اشتكوا من تكرار الأسئلة آخرتها كلناها باختبارات -بعضها تعجيزي- .
ادارة الجامعة غالباً تتفاعل مع شكاوي الطلاب حسب ما لاحظت, نرفع الشكاوي لهم وتكون كلمتنا وحدة وبإذن الله ماراح يضيع لنا حق .
وللجميع التحية ,,