المشاركة الأصلية كتبت بواسطة @بوفهد

جزاكم الله خير يا اخوان

طلتكم ترد الروح والله

المشكلة ان الجمل مكتوبة بخط الرقعة الانجليزي ههههههه وحجم اصغر من السؤال يعني شكل الكلمة مختلف عن اللى فى روسنا وصعب تقراها حسبي الله على صاحب الفكرة

بعدين جايب اربع عبارات يقول وش المتشابه منها
يعني لازم تقرأ كل حرف وتفهم العبارة 100%
وجايب اى من العبارات الاربع صحيحة
واى من العبارات مختلفة
اشياء غرييييبه
وطلب الفاعل (يووووه الحين تذكرت ) شكله طلب الفعل فى جمله تقول البتزا تكون الرجال ...والله ماعرفت وش ترجمتها

وجاب جمل يقول رتبها ...احلف بالله انه يصلح ترتبها باي طريقة لانها بدون اولا وثانيا وبعد ذلك ...حاط جمل عادية

وجاب ترتيب الاوتوقراف بدون اوتوقراف حط اربع ترتيبات ولخبطهم وقال اختر وشككت الهد قبل ولا التحية

اشياء تفك الراس
لقيت واحد برا يقول الاختبار الاول جبت فل مارك اما هذا صعب فيه تخصص

انا اعترضت فى الايقونة وخاطبت العميد فى تويتر
وعلى الله الباقي

ومثل ما قال سعد المفروض سحبوا الاوراق منا يوم الاختبار حتى يصلحون الكهرباء او ينقلونا لقاعة اخرى

يارب طالبك تعديها لنا