السلام عليكم......
اولا/ بالنسبة ل 1000 ريال بالسنة ولازم المعدل يكون 4.5 (الحمد للة على النعمة)(يسمعون بالتحفيز) ياعمي احنا جالسين نعطيكم كل ترم ندرسة 3 اضعافها من كل طالب عشان ندرس عندكم واحنا نتسلف يعض الاحيان عشان نكمل دراستنا (شوفوا الفرق بينا وبينكم) وهل معقولة ما يعرفوا ان اغلب طلاب التعليم عن بعد اذا ما كان كلهم تصرف على عايلة وعندها التزاماتها ولا ناس عاطلة عن العمل ويمكن مي لاقية تدبر رسوم الدراسة ولا ربات بيوت او طالبات في بيتهن ماحد يصرف عليهن ناهيك عن ظروف المعيشة اللي في البلد والكل عارفها من سيئ الى اسوء مع ذلك تحاول بكل جهدها انها تكمل تعليمها عشان تفيد نفسها وبلدها على راسي والله للاسف هذا يدل على استخفاف الجامعة بعقول الطلاب ونظرتهم الدونية واستحقار للطالب وانهم يعاملونا اننا اطفال نلعب عليهم باي شيء ولا يؤخذ رايهم في اي قرار يتم اتخاذة كتغيير الاسئلة الى 50 والاسئلة المقالية اللي فرضوها بدون اخذ رائ اي طالب للاسف الجامعة دائما في تخبط في قراراتها اللي تحبط الطلاب ولا تراعي مصلحة رغم انها المفروض تكون الاحرص على مصلحتنا لان هذا عملها وواجبها ولاننا راح ننشر عنها السمعة الجيدة بين الناس مما يزيد من مرتاديها ولكن اذا كانت نظرت مسؤولي الجامعة دونية ومحدودة للطالب وهم دكاترة يعني المفروض يكونوا ذو نظرة شاملة تراعي ما اؤتمنوا بة.بعكس الجامعات الباقية الي تكرم طلابها وتحفزهم بحذف الرسوم عنهم وانتم!!!!!!!! ياخي تألم.
ثانيا/ والله كنت متحمس للترم الصيفي لاني ودي اخلص الدراسة باسرع وقت ممكن ولكن تخلف الجامعة ونظرتها المتخلفة قصرت الترم الصيفي على الاحساء فقط وين التقدم وين التطور ياخي طلابك من كل انحاء وارجاء المملكة ياهوووو احنا في 2013 لو ما استخدمت التكنولوجيا بين الجامعات زي ما سويتوا في الاختبارات في خدمة الطالب وانك تسهل علية دراستة متى بتستخدمها ناقص تقولي اجيك الاحساء بجمل ياخي اغلبنا يا عاطل عن العمل يعني مطفر وملعوب في حسبتة يالله يدبر حق الدراسة بالطلبة بعد ولا ربت بيت بتخلي بيتها وعيالها وتجيك الاحساء ولا تختبر جنب بيتها وعيالها ولا طالبة ما عندها احد يوديها الاحساء ولا موظف والله الاجازة اللي للاختبارات اخذتها بالغصب لضغط العمل عشان اختبر في جدة ما بالك ترم صيفي واقولة رايح الاحساء وربي المدير يقولي افصل احسن وكم دراستك براحتك لو في نفس المدينة ياعيني كان اقدر استأذن مدة الاختبار ساعتين وارجع الدوام ولا يمكن يكون في المساء ما يكون دوام واقدر اروح براحتي.
ثاثا/ بالنسبة للاسئلة اهم شي ماتكون مقالية.
في الختام يا اصحاب القرار في الجامعة تكفون ثم تكفون كونوا عون لنا لا تكونوا فرعون علينا.
واسف ع الاطالة لاني انقهرت....